Jeremaia 34:16 - Vakavakadewa Makawa

¹⁶ ia dou sa qai vuki tale ka vakacataka na yacaqu, ka dou sa dui taura tale na nona tamata, kei na tamata yadua na nona vada, ko ira dou a sereka me ra dui veitalia ga, ka sa vakabobulataki ira tale, me ra nomudou tamata kei na nomudou vada.

Ai Vola Tabu (Vakadewa Makawa Vakavoutaki 2021)

¹⁶ ia dou sa qai vuki tale ka vakacataka na yacaqu, ka dou sa dui taura tale na nona tamata, kei na tamata yadua na nona vada, ko ira dou a sereka me ra dui veitalia ga, ka sa vakabobulataki ira tale, me ra nomudou tamata kei na nomudou vada.

AI VOLA TABU

¹⁶ ia ka dou sa qai vuki tale ka vakacacataka na yacaqu, ka sa dui kauta yadua tale mai na nona tagane, ka yadua na nona vada, o ira dou a vakatala yani me veitalia tiko, ka sa vakabobulataki ira tale, me ra nomudou tagane kei na nomudou vada.

Vakavakadewa Vou kei na iVola tale eso

¹⁶ Ia o ni a veisautaka tale na lomamuni ka vakaboicataka na yacaqu. O ni a kauta lesu kece tale na dui nomuni bobula o ni a sereki ira me vaka era a vinakata, ia o ni a vakabobulataki ira tale.”

Ai Vola Tabu Ena Vakavakadewa Vou

¹⁶ Ia o ni a veisautaka tale na lomamuni ka vakaboicataka na yacaqu. O ni a kauta lesu kece tale na dui nomuni bobula o ni a sereki ira me vaka era a vinakata, ia o ni a vakabobulataki ira tale.”

Jeremaia 34:16 Iomraidhean Croise

Lako Yani 20:7

Mo kakua ni cavuta walega na yaca i Jiova na nomu Kalou; ni na sega ni vakadonui koya ko Jiova sa cavuta wale na yacana.

Jeremaia 34:11

Ia sa oti, sa vuki tale na lomadra, ka ra tauri ira tale na nodra tamata kei na nodra vada, era sa sereka oti me ra lako yani, a ra sa vakabobulataki ira tale me ra nodra tamata kei na nodra vada.

Isikeli 13:22

Ka ni dou a vakararawataka na lomana na yalododonu e na nomudou lasu, ia koi au, ka'u a sega ni vakararawataka; ka dou sa vakaukauwataka na ligana na tamata ca, me kakua ni lesu mai ko koya mai na nonai valavala ca, ni dou sa yalataka vua na bula:

Isikeli 18:24

Ia ni sa suka tani na tamata yalododonu, mai na nona caka dodonu, ka kitaka na ka ca, ka cakava me vaka nai valavala vakasisila kecega sa cakava na tamata ca, ena bula li ko koya? A nonai valavala dodonu kece sa cakava oti ena sega ni nanumi tale: na nona talaidredre sa talaidredre kina, kei na nonai valavala ca sai valavala ca kina, ena mate ga kina ko koya.

Isikeli 20:39

Ia vei kemudou, na mataqali ni Isireli, sa kaya vakaoqo na Turaga ko Jiova; Dou dui la'ki qarava yadua na nona matakau, ka ia emuri talega, kevaka dou na sega ni vakarorogo vei au: ia na yacaqu tabu dou kakua ni vakacacana tale e na nomudou i solisoli, kei na nomudou matakau.

Isikeli 3:20

Ia ni sa vuki tani na tamata yalododonu mai na nonai valavala dodonu, ka sa caka cala, ni'u sa tauca e matana na ka e tarabe kina, ena mate ko koya: ni ko sa sega ni vakasalataki koya, ena mate ga e na nonai valavala ca, ia ena sega ni nanumi na nonai valavala dodonu sa cakava ko koya; ia na nona mate ka'u na taroga vei iko.

Isikeli 39:7

Ia na yacaqu tabu ka'u na vakatakila e na kedra maliwa na noqu tamata na Isireli; au na sega talega ni laiva me vakacacani tale na yacaqu tabu: ka ra na kila na veimatanitu tani ni sai au ko Jiova na Yalosavasava sa tiko e Isireli.

Vunau ni Soro 19:12

Dou kakua talega ni bubului vakailasu e na yacaqu; ia mo kakua ni vosavakacacataka na yaca ni nomu Kalou: Koi au ko Jiova.

Malakai 1:12

Ia dou a vosavakacacataka na ka ko ya, ni dou a kaya, Na tepeli i Jiova, sa sega ni ka tabu; ia na vuana, na kena kakana, sa ka wale sara.

Malakai 1:7

Ni dou sa vakacabora e na noqu i cabocabo-ni-soro na kakana sa sega ni savasava; ia dou sa kaya, keitou sa vosavakacacataki kemuni vakaevei? Ni dou sa kaya, Na tepeli i Jiova sa ka wale sara.

1 Samuela 15:11

Au sa veivutuni ni ka'u sa buli Saula me tui; ni sa vuki tani ko koya me kakua ni muri au, ka sega ni vakayacora na noqu vosa. A sa rarawa ko Samuela; a sa tagi vei Jiova e na bogi taucoko.