Jeremaia 32:23 - Vakavakadewa Makawa

²³ ka ra sa mai curu kina, ka taukena; ia era sa sega ni vakarorogo ki na nomuni vosa, era sa sega talega ni muria na nomuni vunau; era sa sega ni cakava e dua na ka ko ni sa vakarota vei ira me ra cakava: ia ko ni sa vakayacora kina vei ira na ca kecega oqo:

Ai Vola Tabu (Vakadewa Makawa Vakavoutaki 2021)

²³ ka ra sa mai curu kina, ka taukena; ia era sa sega ni vakarorogo ki na nomuni vosa, era sa sega talega ni muria na nomuni vunau; era sa sega ni cakava e dua na ka ko ni sa vakarota vei ira me ra cakava. Ia ko ni sa vakayacora kina vei ira na ca kecega oqo.

AI VOLA TABU

²³ a ra sa curu mai kina, ka taukena; a ra sa sega ni vakarorogo ki na domomu, ia na nomu vunau era sa tawa muria; na ka kece ko sa vunautaka vei ira me cakava era sa sega ga ni cakava: ia ko sa vakayacora kina vei ira na ca kecega o qo:

Vakavakadewa Vou kei na iVola tale eso

²³ Ia ni ra sa lako mai ki na vanua oqo ka ra mani taukena, era sa sega ni muria na nomuni vakaro se talairawarawa ki na nomuni vakavuvuli; era sa sega ni vakayacora e dua na ka o ni sa vakarota me ra cakava. O koya oqo o ni sa kauta mai kina na veivakarusai kece oqo vei ira.

Ai Vola Tabu Ena Vakavakadewa Vou

²³ Ia ni ra sa lako mai ki na vanua oqo ka ra mani taukena, era sa sega ni muria na nomuni vakaro se talairawarawa ki na nomuni vakavuvuli; era sa sega ni vakayacora e dua na ka o ni sa vakarota me ra cakava. O koya oqo o ni sa kauta mai kina na veivakarusai kece oqo vei ira.

Jeremaia 32:23 Iomraidhean Croise

Esera 9:7

Mai na gauna ni neimami qase, keimami sa talaidredre vakalevu ka yacova na siga oqo; ia e na vuku ni neimami caka cala, keimami sa soli oti yani ki na ligadra na tui ni veivanua, koi keimami kei ira na neimami tui kei ira na neimami bete, ki nai seleiwau, ki na veivakabobulataki, kei na veivakacacani, kei na veivakamaduataki, me vaka e na siga oqo.

Niemaia 9:15

ka solia vei ira na madrai mai lomalagi ni ra viakana, ka vakadavea na medra wai mai na vatu ni ra sa viagunu, ka yalataka vei ira me ra la'ki taukena na vanua ko ni a bubului kina mo ni solia vei ira.

NA SAME 78:10

Era sega ni vakabauta na veiyalayalati kei na Kalou, Ka ra bese ni muria na nona vunau;

Jeremaia 2:7

Ia ka'u a kauti kemudou ki na vanua sautu, mo dou kania na vuana kei na kena ka vinaka; ia ni dou sa curu kina, dou sa vakadukadukalitaka na noqu vanua, ia na noqu i votavota dou sa vakasisilataka.

Jeremaia 26:4

Ia mo kaya vei ira, Sa kaya vakaoqo ko Jiova: Kevaka dou na bese ni vakarorogo vei au, ka sega ni muria na noqu vunau, ka'u sa vakarota vei kemudou,

Jeremaia 44:10

Era sa sega ni yalomalumalumu mai ka yacova na siga oqo, era sa sega talega ni rere, se muria na noqu vunau, se na noqu i lesilesi, ka'u sa solia vei kemudou kei ira na nomudou qase.

Jeremaia 7:26

ia era sa sega ni vakarorogo vei au, se vakatu daligadra, era vakadomoqataki ira ga: era sivi ira na nodra qase e na caka ca.

Lele i Jeremaia 1:18

Sa yalododonu ko Jiova ni ka'u sa talaidredre ki na nonai vakaro: Dou rogoca mada, koi kemudou na tamata kecega, ka mai raica na noqu rarawa: Ko ira na noqu goneyalewa kei na noqu cauravou, era sa kau tani vakabobula.

Lele i Jeremaia 1:8

Sai valavala ca vakalevu ko Jerusalemi; o koya oqo sa vakasesei kina: Ko ira kece ka dokai koya eliu era sa qai beci koya, ni ra sa raica na nona luvawale: Io, sa vutugu ko koya, a sa vuki vakanadaku.

Isikeli 20:18

Ia ka'u a kaya vei ira na luvedra e na vanua liwa lala, Mo dou kakua ni muria na nodra vunau na nomudou qase, kakua ni vakabauta na nodra lewa, kakua talega ni vakadukadukalitaki kemudou e na nodra matakau:

Isikeli 20:21

Ia ka sa talaidredre vei au ko ira na luvedra: ka ra sega ni muria na noqu vunau, ka ra sega ni vakabauta na noqu lewa, me ra cakava, ia ke sa cakava e dua na tamata, ena bula kina; era sa vakacacana talega na noqu siga tabu; au a qai kaya, Au na sovaraka na noqu cudru vei ira, me'u vakayacora na noqu cudru vei ira e na vanua liwa lala.

Isikeli 20:8

Ia era sa talaidredre vei au, ka ra bese ni vakarorogo vei au: era sa sega ni dui biuta tani na ka vakasisila ni matadra, ka ra sa sega ni biuta na matakau ni Ijipita: au a qai kaya, Au na sovaraka na noqu cudru vei ira, me'u vakayacora na noqu cudru vei ira e loma ni vanua ko Ijipita.

Luke 17:10

Me vakakina koi kemudou, ni dou sa kitaka na ka kecega sa vakaroti vei kemudou, dou kaya, Keitou sa tamata tawa yaga: keitou sa kitaka ga na ka e kilikili kei keitou me keitou kitaka.

Joni 15:14

Dou sa wekaqu, kevaka dou sa kitaka na ka kecega kau sa vakarota vei kemudou.

Kalatia 3:10

Ni sa lewai me cudruvi, o ira kecega era sa muria na cakacaka ni vunau; ni sa volai, Ena cudruvi ko ira yadua sa sega ni tu dei e na ka kecega sa volai e nai vola ni vunau me ra cakava.

Jemesa 2:10

Ia ko koya ena muria na vunau taucoko, ka sa cala ga e na tikina e dua bauga, sa beitaki me vaka sa talaidredre ki na vunau kecega.

Josua 21:43

Sa solia vakaoqo vei ira na Isireli ko Jiova na vanua kece ka bubului kina ko koya me solia vei ira na nodra qase; a ra sa taukena, ka tiko kina.

Josua 23:16

Ni kemuni sa vakacataka na veiyalayalati i Jiova na nomuni Kalou, o koya sa vakarota vei kemuni, ka la'ki qarava na kalou tani, ka cuva vei ira, ena qai waqa mai na cudru i Jiova vei kemuni, ia kemuni na rusa tani vakusakusa mai na vanua vinaka sa solia vei kemuni ko koya.