Jeremaia 32:22 - Vakavakadewa Makawa

²² ka sa solia vei ira na vanua oqo, o koya ko ni a bubului kina vei ira na nodra qase mo ni solia vei ira, na vanua sa dave kina na wai-ni-sucu kei na oni;

Ai Vola Tabu (Vakadewa Makawa Vakavoutaki 2021)

²² ka sa solia vei ira na vanua oqo, o koya ko ni a bubului kina vei ira na nodra qase mo ni solia vei ira, na vanua sa dave kina na sucu kei na oni;

AI VOLA TABU

²² ka sa solia vei ira na vanua o qo, o koya ko a vosavavakini kina ki na nodra qase me solia vei ira, na vanua sa dave kina na wai-ni-sucu kei na oni;

Vakavakadewa Vou kei na iVola tale eso

²² O ni sa solia vei ira na vanua bulabula ka vinaka oqo me vaka o ni a yalataka vei ira na nodra qase.

Ai Vola Tabu Ena Vakavakadewa Vou

²² O ni sa solia vei ira na vanua bulabula ka vinaka oqo me vaka o ni a yalataka vei ira na nodra qase.

Jeremaia 32:22 Iomraidhean Croise

Vakatekivu 13:15

ia na vanua taucoko ko sa raica ka'u na solia vei iko, kei ira na nomu kawa me ra taukena ka tawa mudu.

Vakatekivu 24:7

Ko Jiova, ko koya na Kalou ni lomalagi, ko koya ka kauti au tani mai na vale nei tamaqu, kei na nodra vanua na wekaqu, ia ko koya ka vosa vei au, ka bubului vei au, ka kaya, Au na solia na vanua oqo vei ira na nomu kawa; ko koya ena tala na nona agilose me liutaki iko; ia ko na kauta maikina e dua me watina na luvequ.

Vakatekivu 50:24

A sa kaya vei ira na veitacini ko Josefa, Koi au, ka'u sa mate: ia na Kalou, ena talevi kemudou vakaidina, ka kauti kemudou cake tani e na vanua oqo ki na vanua sa bubului kina ko koya kivei Eparaama, kei Aisake, kei Jekope.

Niemaia 9:15

ka solia vei ira na madrai mai lomalagi ni ra viakana, ka vakadavea na medra wai mai na vatu ni ra sa viagunu, ka yalataka vei ira me ra la'ki taukena na vanua ko ni a bubului kina mo ni solia vei ira.

Lako Yani 13:5

Ia ni sa kauti iko ko Jiova ki na nodra vanua na kai Kenani, kei na Itaiti, kei na Amoraiti, kei na Aivaiti, kei na Jepusaiti, ka bubului kina ko koya vei ira na nomu qase me solia vei iko, a vanua sa dave kina na wai-ni-sucu kei na oni, ko na qai cakava na cakacaka oqo e na vula oqo.

Lako Yani 3:17

ia ka'u sa kaya oti, Au na kauti kemudou cake mai na rarawa ni Ijipita, ki na nodra vanua na kai Kenani, kei na Itaiti, kei na Amoraiti, kei na Perisaiti, kei na Aivaiti, kei na Jepusaiti, ki na vanua sa dave kina na wai-ni-sucu kei na oni.

Lako Yani 3:8

ia ka'u sa lako sobu mai me'u vakabulai ira mai vei ira na kai Ijipita, ka me'u kauti ira cake mai na vanua ko ya ki na vanua vinaka ka levu sara, ki na vanua sa dave kina na wai-ni-sucu kei na oni; ki na nodra yasana na kai Kenani, kei na Itaiti, kei na Amoraiti, kei na Perisaiti, kei na Aivaiti, kei na Jepusaiti:

Jeremaia 11:5

me'u vakayacora kina na bubului ka'u a bubului kina vei ira na nomudou qase, me'u solia vei ira na vanua sa dave kina na wai-ni-sucu kei na oni, me vaka e na siga oqo. Au a qai kaya, Me vakakina, Kemuni Jiova.

Isikeli 20:15

Ia koi au, ka'u a dulaka cake talega na ligaqu vei ira mai na vanua liwa lala, me'u kakua ni kauti ira ki na vanua ka'u a solia, ka sa dave kina na wai-ni-sucu kei na oni, oqori sa uasivi cake ki na veivanua kecega:

Isikeli 20:6

e na siga ka'u a dulaka cake kina na ligaqu vei ira, me'u kauti ira tani mai na vanua ko Ijipita ki na dua na vanua ka'u a vakaraica me nodra, sa dave kina na wai-ni-sucu kei na oni, na vanua ka uasivi cake e na veivanua kecega:

Tiko mai na Lekutu 14:16

Sa sega ni kauti ira rawa na tamata oqo ko Jiova ki na vanua ka bubului kina vei ira, sa qai vakamatei ira kina ko koya e na vanua liwa.

Tiko mai na Lekutu 14:30

dou na sega sara ni yaco ki na vanua ka'u dulaka kina na ligaqu me'u vakatikori kemudou kina, ko Kelepi ga na luve i Jifune, kei Josua na luve i Nuni:

Vakarua 1:35

Sa sega dina e dua vei ira na tamata oqo, e nai tabatamata ca oqo, ena raica na vanua vinaka ko ya, ka'u a bubului kina me'u solia vei ira na nomuni qase,

Vakarua 1:8

Raica, ka'u sa solia na vanua e na matamuni: ni lako kina mo ni taukena na vanua ka bubului kina ko Jiova vei iratou na nomuni qase, kivei Eparaama, kei Aisake, kei Jekope, me solia vei iratou kei na nodratou kawa.

Vakarua 6:10

Ia ni sa vakayacori kemuni ko Jiova na nomuni Kalou ki na vanua sa bubului kina ko koya vei iratou na nomuni qase, vei Eparaama, vei Aisake, kei Jekope, me solia vei kemuni, io ki na veikoro lelevu ka vinaka, ko ni a sega ni tara,

Vakarua 6:18

Ia mo ni cakava na ka e dodonu ka vinaka e na mata i Jiova: me yacovi kemuni kina na ka vinaka, ia mo ni yaco kina mo ni taukena na vanua vinaka sa bubului kina ko Jiova vei ira na nomuni qase,

Vakarua 6:23

a sa kauti keda tani maikina, me vakayacori keda, me solia vei keda na vanua sa bubului kina ko koya vei ira na noda qase.

Vakarua 7:13

ia ena lomani kemuni, ka vakalougatataki kemuni, ka vakalewevuqataki kemuni: ena vakalougatataka talega na vua ni ketemuni, kei na vuata ni nomuni vanua, na nomuni sila, kei na nomuni waini, kei na nomuni waiwai, na nomuni luve ni pulumokau, kei na nomuni qele ni sipi, e na vanua sa bubului kina vei ira na nomuni qase me solia vei kemuni.

Vakarua 8:1

Ai vakaro kecega ka'u sa vakarota vei kemuni edaidai mo ni vakabauta ka cakava, mo ni bula kina, ka tubu me lewe levu, ka lako yani ka taukena na vanua sa bubului kina ko Jiova vei ira na nomuni qase.

Josua 1:6

Mo kaukauwa ka qaqa: ni ko na vota vei ira na tamata oqo na vanua ka'u a bubului kina kivei ira na nodra qase me'u solia vei ira.

Josua 21:43

Sa solia vakaoqo vei ira na Isireli ko Jiova na vanua kece ka bubului kina ko koya me solia vei ira na nodra qase; a ra sa taukena, ka tiko kina.