Jeremaia 32:21 - Vakavakadewa Makawa

²¹ ko ni sa kauti ira tani na nomuni tamata na Isireli mai na vanua ko Ijipita, e nai vakatakilakila, kei na cakacaka mana, kei na liga kaukauwa, kei na liga e dodo yani, kei na ka rerevaki levu;

Ai Vola Tabu (Vakadewa Makawa Vakavoutaki 2021)

²¹ Ko ni sa kauti ira tani na nomuni tamata na Isireli mai na vanua ko Ijipita, e nai vakatakilakila, kei na cakacaka mana, kei na liga kaukauwa, kei na liga e dodo yani, kei na ka rerevaki levu;

AI VOLA TABU

²¹ o sa kauti ira tani na nomu tamata na Isireli mai na vanua ko Ijipita, e nai vakatakilakila, kei na cakacaka mana, kei na liga kaukauwa, kei na liga e dodo yani, kei na ka rerevaki levu;

Vakavakadewa Vou kei na iVola tale eso

²¹ O ni a kauti ira mai na Isireli na nomuni tamata mai na vanua o Ijipita ena veivakatakilakila kei na veika veivakurabuitaki ena dua na liga kaukauwa sa dodo tu ka vakarerevaki.

Ai Vola Tabu Ena Vakavakadewa Vou

²¹ O ni a kauti ira mai na Isireli na nomuni tamata mai na vanua o Ijipita ena veivakatakilakila kei na veika veivakurabuitaki ena dua na liga kaukauwa sa dodo tu ka vakarerevaki.

Jeremaia 32:21 Iomraidhean Croise

2 Samuela 7:23

Ia sa dua li na matanitu e vuravura me tautauvata kei ira na nomuni tamata na Isireli, o ira ka lako kina na Kalou me volia me ra nona tamata, me vakarogoya talega na yacana, ka cakava vei kemuni na ka levu kei na ka rerevaki, e na vuku ni nomuni vanua, e na matadra na nomuni tamata, o ira ko ni a volia me nomuni mai Ijipita, mai na veimatanitu kei na nodra kalou?

1 Tui 8:42

(ni ra na rogoca na yacamuni levu, kei na ligamuni kaukauwa, kei na ligamuni sa dodo tu;) ni ra na lako mai ka masu e na vale oqo;

1 Veigauna 17:21

Ia ko cei na matanitu e vuravura sa tautauvata kei ira na nomuni tamata na Isireli, ko ira sa lakova ko koya na Kalou me volia me ra nona tamata, me rogovaki na yacamuni ni sa levu ka rerevaki, ni kemuni a vakasevi ira tani na veimatanitu eso e matadra na nomuni tamata, ko ira ko ni sa volia mai Ijipita?

NA SAME 105:37

A sa kauti ira yani na nona tamata a ra sa vakasiliva ka vakoula: Ka sa sega e dua e na nodra veimataqali sa malumalumu:

NA SAME 105:43

A sa kauti ira yani na nona tamata ka ra sa reki, Io na nona digitaki ka ra sa marau;

Lako Yani 13:14

Ia ena yaco ni sa tarogi iko na luvemu e na gauna maimuri, ka kaya, A cava oqo? mo qai kaya vua, Sa kauti keda tani e na ligana kaukauwa ko Jiova mai Ijipita, mai na vale ni veivakabobulataki:

Lako Yani 13:9

Ia ena kemui vakatakilakila e na ligamu, kei nai divi e na yadremu, me tiko kina e na gusumu na vunau i Jiova: ni sa kauti iko tani mai Ijipita ko Jiova e na ligana kaukauwa.

Lako Yani 3:20

ia ka'u na dodoka yani na ligaqu, ka yaviti Ijipita e na noqu cakacaka e veivakidacalataki kecega, ka'u na cakava e na vanua ko ya: ka sa oti ena qai laivi kemudou mo dou lako.

Lako Yani 6:1

A sa kaya vei Mosese ko Jiova, Oqo, ko na raica na ka ka'u na kitaka vei Fero: ni na laivi ira me ra lako e na vuku ni liga kaukauwa, ia e na vuku ni liga kaukauwa ena vakasevi ira tani e nona vanua.

Lako Yani 6:6

O koya oqo mo kaya kina vei ira na Isireli, Sai au ko Jiova, ia ka'u na kauti kemuni tani mai na nodra i lesilesi-bibi na kai Ijipita, ia ka'u na sereki kemuni mai na nodra veivakabobulataki, ka vakabulai kemuni e na ligaqu sa dodo tu, kei na cudru levu:

Aisea 63:12

ka kauti ira e na liga i matau i Mosese, e na ligana vakaturaga; ka wasea na wai e matadra me rogo kina na yacana ka sega ni mudu?

Vakarua 11:3

kei na nona veivakatakilakila, kei na nona cakacaka, sa cakava ko koya e loma i Ijipita, kivei Fero na tui Ijipita, kei na nona vanua taucoko;

Vakarua 26:8

a sa kauti keimami tani mai Ijipita ko Jiova e na liga kaukauwa, kei na liga sa dodo yani, kei na ka rerevaki dina, kei nai vakatakilakila eso, kei na cakacaka mana eso:

Vakarua 4:34

Se sa vakatovolea eliu na Kalou me la'ki kauta vua e dua na matanitu mai na kedra maliwa na matanitu tani, e na veivakatovolei, e na veivakatakilakila, kei na veika-mana, kei nai valu, kei na liga kaukauwa, kei na liga sa dodo yani, kei na ka rerevaki vakaidina, me vaka na ka kecega sa cakava ko Jiova na nomuni Kalou e na vukumuni mai Ijipita?

Vakarua 7:19

na veivakatovolei levu sa kunea na matamuni, kei na veivakatakilakila, kei na veika-mana, kei na liga kaukauwa, kei na liga sa dodo yani, sa kauti kemuni tani kina ko Jiova na nomuni Kalou: ena kitaka vakakina ko Jiova na nomuni Kalou vei ira na matanitu kecega ko ni sa rerevaka.