Jeremaia 32:18 - Vakavakadewa Makawa

¹⁸ ko ni sa vakatakila na loloma vei ira nai tabatamata e udolu, ka sauma na nodra caka cala na qase kivei ira na luvedra era sa taravi ira: na Kalou Levu, ka Kaukauwa, ko Jiova ni lewe vuqa na yacana,

Ai Vola Tabu (Vakadewa Makawa Vakavoutaki 2021)

¹⁸ Ko ni sa vakatakila na loloma vei ira nai tabatamata e udolu, ka sauma na nodra caka cala na qase kivei ira na luvedra era sa taravi ira, na Kalou Levu, ka Kaukauwa, ko Jiova-ni-lewevuqa na yacana,

AI VOLA TABU

¹⁸ o sa vakatakila na loloma vei ira nai tabatamata e udolu, ka sauma na nodra caka cala na qase ki na lomasere i luvedra era veitaravi: na Kalou Levu, ka Kaukauwa, o Jiova ni lewe vuqa na yacana,

Vakavakadewa Vou kei na iVola tale eso

¹⁸ O ni sa vakaraitaka na nomuni loloma tawa yalani vei ira e udolu vakaudolu, ia o ni sa totogitaki ira talega na tamata ena vuku ni nodra i valavala ca na tamadra. Sa i kemuni na Kalou levu qaqa; ka sa yacamuni o Jiova ni lewevuqa.

Ai Vola Tabu Ena Vakavakadewa Vou

¹⁸ O ni sa vakaraitaka na nomuni loloma tawa yalani vei ira e udolu vakaudolu, ia o ni sa totogitaki ira talega na tamata ena vuku ni nodra i valavala ca na tamadra. Sa i kemuni na Kalou levu qaqa; ka sa yacamuni ko Jiova ni lewevuqa.

Jeremaia 32:18 Iomraidhean Croise

Vakatekivu 49:24

Ia sa kaukauwa tiko ga na nona dakai, A sa vakaukauwataki na taba ni ligana, E na ligana na Kaukauwa i Jekope. Sa vu maikina nai Vakatawa, na Ulu-vatu i Isireli;

2 Tui 9:26

ni sa kaya ko Jiova, Au a kunea vakaidina e na noa na dra i Nepoci, kei na kedratou dra na luvena; ia ka'u na sauma vei iko e na tikina oqo, sa kaya ko Jiova. Ia oqo, mo laveta cake, ka mo biuti koya ki na tikina ko ya me vaka na vosa i Jiova.

Niemaia 1:5

Au sa masuti kemuni, Jiova na Kalou kei lomalagi, na Kalou levu ka rerevaki, sa vakabauta tiko na nomuni vosa ni yalayala kei na yalololoma vei ira era sa lomani kemuni ka vakabauta na nomuni vunau:

NA SAME 50:1

O koya sa Kaukauwa, na Kalou, io, ko Jiova, sa vosa oti, A sa kacivi vuravura mai na yasana sa cadra kina na mata-ni-siga ka yacova na yasana sa dromu kina.

NA SAME 89:9

O ni sa lewa na cudru ni wasawasa: Ni sa tubu na kena biau, o ni sa vakamaravutaka.

Lako Yani 34:6

A sa lako tu e matana ko Jiova, ka kacivaka, Ko Jiova, ko Jiova na Kalou, sa yalololoma ka daulomasoli, sa vosovoso vakadede, ka levu na nona yalovinaka kei na dina,

Lako Yani 34:7

sa dauyalovinaka tiko vei ira na veiudolu, sa sega ni cudruvaka na caka ca kei na talaidredre kei nai valavala ca, ia sa sega ga ni vakadonui ira na cala; sa cudruvaka na nodra caka ca na qase vei ira na luvedra, kei na makubudra, ka yacova nai katolu ni tabatamata, kei na kenai kava.

Aisea 10:21

Ena lesu mai na kena vo, io na kena vo ni Jekope, vua na Kalou kaukauwa.

Aisea 57:15

Ni sa kaya vakaoqo ko Koya sa cecere ka levu, ka sa tikotiko ga e na gauna tawa mudu, na yacana ko Koya ka Yalosavasava; Au sa tiko e na tikina cecere ka tabu, kei koya talega sa ramusu ka malumalumu na yalona, me vakabula na yalo i koya sa yalomalumalumu, ka vakabula na lomadra sa bibivoro.

Aisea 9:6

Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; ena vakatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

Jeremaia 10:16

Sa sega ni vakakina na nodra i votavota na Jekope: ni sa bulia na ka kecega ko koya; ia ko ira na Isireli, era sa dua nai votavota sa taukena ko koya: ko Jiova ni lewe vuqa na yacana.

Jeremaia 10:6

Ni sa sega e dua me vakataki kemuni, Jiova; sa levu koi kemuni, ka sa levu na yacamuni e na kaukauwa:

Jeremaia 20:11

Ia ko Jiova ga sa tiko vata kei au me vaka e dua na qaqa rerevaki: o koya oqo era na tarabe kina era sa vakacacani au, ka ra na sega ni gumatua: era na madua vakalevu; ni ra na sega ni cakacaka yaco: a nodra madua sa sega ni mudu ena sega ni guileca.

Jeremaia 31:35

Sa kaya vakaoqo ko Jiova, ko koya sa solia na mata-ni-siga me kena rarama na siga, ka lesia na vula kei na kalokalo me rarama kina na bogi, ko koya sa vakamaravutaka na wasawasa ni sa vadugu na kena biau: ko Jiova ni lewe vuqa na yacana:

Jeremaia 33:2

Sa kaya vakaoqo ko Jiova ko koya sa cakava na koro oqo, ia ko Jiova, ko koya sa bulia, me vakataudeitaka; ko Jiova na yacana:

Jeremaia 50:34

Sa kaukauwa na nodra i Vakabula; ko Jiova ni lewe vuqa na yacana: ena ia vakaidina ko koya na veilewai e na vukudra, me vakasaututaka na vanua, ka vakayavalataki ira na kai Papiloni.

Taniela 2:45

Ia ni kemuni a raica na vatu ni sa kavida mai na ulu-ni-vanua ka sega ni ta e na ligana e dua, ka sa vurumemeataka na aironi, na parasa, na tete, na siliva, kei na koula: sa vakatakila kina vua na tui ko koya na Kalou levu na ka ena yaco maimuri: ni sa ka dina na tadra, ka macala na kenai balebale.

Apakuki 1:12

Koi kemuni Jiova, na noqu Kalou na noqu Kalou Yalosavasava ko ni sa bula mailiu sara se segai? keimami na sega ni mate; kemuni Jiova, ko sa lesi ira me ia na veicudruvi; ia koi kemuni na Uluvatu, ko ni sa tauyavutaki ira me ia na veivunauci.

Tiko mai na Lekutu 14:18

Ko Jiova sa vosavosa vakadede, ka sa levu na nona yalololoma, a sa sega ni sauma nai valavala ca kei na talaidredre, ia sa sega ga ni vakadonuya na tamata ca: ka sa cudruvaka na nodra caka ca na qase vei ira na luvedra, ka yacova nai katolu ni tabatamata, kei na kenai kava.

Maciu 27:25

A ra sa qai vosa kece na tamata, ka kaya Me baleti keimami kei ira talega na luveimami, na nona mate.

Luke 6:38

mo dou dausoli, ka na soli vei kemudou; nai vakarau vinaka, ka tabaki sobu, ka kuretaki vata, ka vuabale, era na solia na tamata ki na lomaseremudou. Ia nai vakarau dou sa vakarautaka, ena vakarautaki tale vei kemudou.

Vakarua 10:17

Ni sa Kalou duaduaga vei ira na kalou ko Jiova na nomuni Kalou, ka sa Turaga vei ira kece na turaga, a Kalou levu, ka kaukauwa, ka rerevaki, ko koya sa sega ni digitaka vakailoa na tamata, se taura nai tautauri:

Vakarua 7:21

Mo ni kakua ni domobula e na vukudra: ni sa tiko vata kei kemuni ko Jiova na nomuni Kalou, na Kalou levu ka rerevaki.