Jeremaia 30:7 - Vakavakadewa Makawa

⁷ Ulei! sa qai dua tani na siga ko ya, sa sega e dua me vakakina: io, sa kena gauna ni rarawa i Jekope: ia ena vakabulai ko koya mai na ka oqo:

Ai Vola Tabu (Vakadewa Makawa Vakavoutaki 2021)

⁷ Ulei! Sa qai duatani na siga ko ya, sa sega e dua me vakakina; io, sa kena gauna ni rarawa i Jekope; ia ena vakabulai ko koya mai na ka oqo.

AI VOLA TABU

⁷ Ule! ni sa ka levu na siga ko ya, me sega e dua me vakakina: io, sa kena gauna ni rarawa nei Jekope. Ia mai na ka o qo ena vakabulai maikina ko koya:

Vakavakadewa Vou kei na iVola tale eso

⁷ E dua na siga rerevaki ena yaco mai; Ena sega tale ni dua na siga Me na vakatauvatani kaya. Ena dua na gauna ni rarawa Vei ira na kawa i Jekope; Ia era na bula tikoga.”

Ai Vola Tabu Ena Vakavakadewa Vou

⁷ E dua na siga rerevaki ena yaco mai; Ena sega tale ni dua na siga Me na vakatauvatani kaya. Ena dua na gauna ni rarawa Vei ira na kawa i Jekope; Ia era na bula tikoga.”

Jeremaia 30:7 Iomraidhean Croise

Vakatekivu 32:7

A sa rere vakalevu ko Jekope, a sa kidroa: a sa wasea rua na tamata era tiko kaya, kei na qele ni sipi, kei na pulumokau, kei na kameli;

NA SAME 25:22

Mo ni vakabulai ira na Isireli, na Kalou, Mai na nodra rarawa kecega.

NA SAME 34:19

Sa levu na ka rarawa sa yaco vua na yalododonu; Ia sa vakabulai koya ko Jiova mai na ka kecega.

Aisea 20:6

Ia ko ira sa tiko e na tai oqo era na kaya e na siga ko ya, Raica, sa vakaoqo na ka eda a vakararavi kina, na ka eda a dro me vukei kina ka me da vakabulai mai vua na tui Asiria: ia eda na bula vakaevei koi keda?

Jeremaia 14:8

Kemuni ga era dauvakararavi kina na Isireli, na nodra i vakabula e na gauna ni rarawa, e na vuku ni cava ko ni sa vaka na vulagi e na vanua, ka vaka na tamata sa daulako tu sa tiko walega me moce e na bogi?

Jeremaia 2:27

ni ra kaya ki na kau, Ko iko na tamaqu; ki na vatu talega, Ko iko ko a vakasucumi au: ka ni ra sa vakanadaku vei au, ka sega ni vakanamata mai: ia e na gauna ni nodra rarawa era na kaya, Mo ni tu cake mai, ka vakabulai keimami.

Jeremaia 2:28

Ia sa evei na nomu kalou ko sa cakava me yaga vei iko? me ra tu cake mai, kevaka era sa vakabulai iko rawa e na gauna ni nomu rarawa: na nomu kalou, ko iko Juta sa tautauvata na kedrai wiliwili kei na nomu veikoro.

Jeremaia 30:10

Ia ko iko Jekope na noqu tamata mo kakua ni rere, sa kaya ko Jiova; io kakua ni ko taqaya, Isireli: ni sai au, raica, ena vakabulai iko mai na vanua vakayawa, kei na nomu kawa mai na vanua era sa bobula kina; ia ena lesu mai ko Jekope, me tiko vinaka ka vakacegu, ka na sega e dua me vakarerei koya.

Lele i Jeremaia 1:12

Sa ka wale beka vei kemudou koi kemudou kece sa lako voli yani? Dou mai raica, ka kila se dua na rarawa sa vaka na noqu rarawa, sa caka vei au, Ni sa qai vakararawataki au ko Jiova e na siga ni nona cudru katakata.

Lele i Jeremaia 2:13

A cava me'u tukuna vei iko? a cava me'u vakatautauvatataki iko kina, na goneyalewa ni Jerusalemi? A cava me'u vakatauvatana kei iko, me'u vakacegui iko kina, na goneyalewa ni Saioni? Ni sa levu me vaka na wasawasa na nomu vakacacani: ko cei me na vakabulai iko?

Lele i Jeremaia 4:6

Ni sa ka levu na caka cala ni goneyalewa ni kai noqu, ka sa ka lailai nai valavala ca i Sotoma, ko koya ka vukici vakasauri sara, ka sega na liga e tarai koya.

Taniela 12:1

Ia e na gauna ko ya ena tu cake ko Maikeli, na turaga levu o koya sa totaki ira na luvedra na kai nomu: ena qai yaco e dua na gauna rarawa, sa sega sara e vakakina mai nai vakatekivu ni matanitu ka yacova na gauna ko ya: ia e na gauna ko ya era na vakabulai na kai nomu, ko ira kece sa na kune ni ra volai e nai vola.

Taniela 9:12

A sa vakadinadinataka ko koya na nona vosa ni veicudruvi ka baleti keimami, kei ira na neimami turaga ni lewa era sa lewai keimami, ni sa vakayacora kina vei keimami na ca levu: ni sa sega ni caka e ruku i lomalagi taucoko me vaka na ka sa caka i Jerusalemi.

Osea 1:11

Era na qai soqoni vata na Juta kei na Isireli, ka ra na lesia e dua me liutaki ira, ka ra na lako cake mai na vanua: ni na levu na siga i Jesirieli.

Joeli 1:15

Ulei na siga ko ya! ni sa voleka na siga i Jiova, ia ena yaco mai me vaka na veivakarusai maivei Koya sa Kaukauwa.

Joeli 1:2

Dou rogoca mada na ka oqo, na qase, ka vakatu daliga, oi kemudou kece na lewe ni vanua. Sa yaco beka na ka vakaoqo e na nomudou gauna, se na nodra gauna na nomudou qase?

Joeli 2:11

ia ko Jiova ena tabalaka na domona ni sa liutaki ira na nona mataivalu: ni sa ka levu sara na nonai valu: sa kaukauwa talega ko koya sa vakayacora na nona vosa: sa ka levu na siga i Jiova ka rerevaki sara; ia ko cei me na vosota rawa?

Joeli 2:31

a mata-ni-siga ena vuki me butobuto, kei na vula me dra, ena qai yaco mai emuri na siga i Jiova, e levu ka rerevaki.

Maika 4:9

A cava tale ko sa tagi vakadomoilevu kina? sa sega li na nomu tui? ko ira na nomu daubose era sa yali beka? ka ni sa tauvi iko na rarawa me vaka na yalewa sa taratara?

Apakuki 3:16

Au a rogoca, ka rise na bati ni ketequ; Ni sa rogo mai, sa yavala kina na tebenigusuqu: Sa curu ki na suiqu na vuca, ka'u a sautaninini tu e yavaqu: Ia ka'u na vakacegu ga e na siga ni rarawa, Ni sa lako cake mai ko koya vei ira na lewe ni vanua ena mai kabai ira ko koya.

Sakaraia 14:7

Ena qai yaco e dua na siga, (sa kilai ga vei Jiova,) ena sega ni siga ena sega talega ni bogi; ia ena yaco, ni sa yakavi, ena qai rarama mai.

Malakai 4:1

Ia raica, sa lako mai na siga ko ya, ena waqa me vaka na lovo; ia ko ira kece era viavialevu, kei ira kece sa caka ca, era na vaka na vu-ni-sila: ia ena vakamai ira na siga ko ya sa lako mai, sa kaya ko Jiova ni lewe vuqa, me kakua kina ni vo vei ira na wakana se na tabana.

Marika 13:19

Ni na yaco na ka rarawa e na gauna ko ya; sa sega ni vakakina mai nai vakatekivu ni nona buli ka na Kalou ka yacova na siga oqo, ka na sega talega emuri.

Cakacaka 2:20

Ena vuki na mata-ni-siga me butobuto, Kei na vula me dra, Ena qai yaco emuri na siga i Jiova, Sa levu ka rogo tiko:

Roma 11:26

Ia sa vakaoqo, era na vakabulai ko ira kecega na Isireli: me vaka na ka sa volai, Ena lako mai Saioni ko koya nai Vakabula, Ka na kauta tani nai valavala ca maivei ira na Jekope;

Vakatakila 6:17

ni sa qai yaco mai na siga dina ni nona cudru; ia ko cei ena yatedei me na tu dei rawa?