Jeremaia 30:11 - Vakavakadewa Makawa

¹¹ Ni'u sa tiko kei iko, sa kaya ko Jiova, me'u vakabulai iko: ni'u na vakaotia sara na veimatanitu kecega ka'u sa vakasevi iko kina, ia ko iko, ka'u na sega ni vakaotia sara: ka'u na vakanakuitataki iko vakavinaka ga, ni ko na sega ni dro bula sara.

Ai Vola Tabu (Vakadewa Makawa Vakavoutaki 2021)

¹¹ Ni'u sa tiko kei iko, sa kaya ko Jiova, me'u vakabulai iko; ni'u na vakaotia sara na veimatanitu kecega ka'u sa vakasevi iko kina, ia ko iko, ka'u na sega ni vakaotia sara. Ka'u na vakanakuitataki iko vakavinaka ga, ni ko na sega ni dro bula sara.

AI VOLA TABU

¹¹ Niʼu sa tiko kei iko koi au, sa kaya ko Jiova, me vakabulai iko: niʼu na vakaotia sara na veimatanitu kecega kaʼu sa vakasevi iko kina, ia ko iko, kaʼu na sega ni vakaotia sara: kaʼu na vakanakuitataki iko vakavinaka ga, ia niʼu na sa cudru, kaʼu na sega ni cudruvi iko vakalevu sara.

Vakavakadewa Vou kei na iVola tale eso

¹¹ Au na tiko kei kemuni Me'u vakabulai kemuni. Au na vakarusai ira Na veimatanitu kecega Ka'u a vakasavi kemuni kina; Ia au na sega ni vakarusai kemuni. Au na sega ni laivi kemuni Mo ni kakua ni totogi; Ia ni'u na totogitaki kemuni Ena vakarauta ga. Ni sai Jiova ga sa kaya oqo.”

Ai Vola Tabu Ena Vakavakadewa Vou

¹¹ Au na tiko kei kemuni Me'u vakabulai kemuni. Au na vakarusai ira Na veimatanitu kecega Ka'u a vakasavi kemuni kina; Ia au na sega ni vakarusai kemuni. Au na sega ni laivi kemuni Mo ni kakua ni totogi; Ia ni'u na totogitaki kemuni Ena vakarauta ga. Ni sai Jiova ga sa kaya oqo.”

Jeremaia 30:11 Iomraidhean Croise

2 Samuela 24:12

Mo la'ki kaya vei Tevita, Sa vosa vakaoqo ko Jiova, E tolu na ka ka'u sa cavuta vei iko; mo digitaka e dua, me'u vakayacora vei iko.

NA SAME 6:1

I Jiova, mo ni kakua ni vunauci au e nomuni cudru, Kakua ni cudruvi au e na nomuni cudru katakata.

Lako Yani 34:7

sa dauyalovinaka tiko vei ira na veiudolu, sa sega ni cudruvaka na caka ca kei na talaidredre kei nai valavala ca, ia sa sega ga ni vakadonui ira na cala; sa cudruvaka na nodra caka ca na qase vei ira na luvedra, kei na makubudra, ka yacova nai katolu ni tabatamata, kei na kenai kava.

Aisea 43:25

Koi au, io koi au ga, ka'u sa bokoca na nomu talaidredre e na vukuqu, ka'u na sega ni nanuma tiko na nomu i valavala ca.

Aisea 8:10

Dou bose vata mada, ena vukici ga; dou tukuna na vosa, ena sega ga ni yaco: ni sa tiko vata kei keimami na Kalou.

Jeremaia 1:19

ia era na veivala kei iko; ka ra na sega ni gumatua vei iko; ni'u sa tiko vata kei iko, sa kaya ko Jiova, me'u vakabulai iko.

Jeremaia 1:8

Mo kakua ni rerevaka na matadra: ni'u sa tiko vata kei iko koi au, me'u vakabulai iko, sa kaya ko Jiova.

Jeremaia 10:24

mo ni vakanakuitataki au, Jiova, e na lewa vinaka, me kakua e na nomuni cudru, de ko vakarusai au sara:

Jeremaia 15:20

Ia ka'u na qisi iko mo bai parasa vei ira na tamata oqo: era na veivala kei iko, ka ra na sega ni gumatua vei iko: ni'u sa tiko vata kei iko me'u vakabulai iko ka kaliraki iko, sa kaya ko Jiova:

Jeremaia 4:27

Ni sa kaya vakaoqo ko Jiova, Ena lala na vanua taucoko; ia ka'u na sega ni vakaotia sara.

Jeremaia 5:10

Dou kaba cake ki na kena bai, ka ia na veivakarusai; ia mo dou kakua ga ni vakaotia sara: biuta tani na kena bai ni valu; ni sa sega ni nei Jiova na ka ko ya.

Jeremaia 5:18

Ia e na veisiga ko ya, ka'u na sega ni vakaoti kemudou sara, sa kaya ko Jiova.

Lele i Jeremaia 3:22

A loloma ga i Jiova eda sa sega ni vakaoti kina, ka ni sa sega ni mudu rawa na nona yalololoma.

Isikeli 11:13

Ia ni'u sa parofisai tiko, sa qai ciba ko Pilataia na luve i Pinaia. Au sa qai bale vakatoboicu, ka tagi vakadomoilevu, ka kaya, Isa le, noqu Turaga Jiova! ko ni na qai vakaotia sara na kedra vo na Isireli?

Isikeli 6:8

Ia ka'u na vakavoca eso vei kemudou me ra bula mai nai seleiwau e na veimatanitu, ni dou na dui vakasevi ki na veivanua.

Osea 11:9

Au na sega ni vakayacora na noqu cudru katakata, au na sega ni lesu tale me'u vakarusai Ifireimi: ni'u sa Kalou, ka'u sega ni tamata; sai au na Yalosavasava e na kemudou maliwa: ia ka'u na sega ni curu ki na koro.

Vunau ni Soro 26:44

Ia ni sa oti kece na ka oqo, ka ra na tiko e na vanua ni nodra meca, au na sega ni biuti ira laivi, se cati ira me'u vakarusai ira sara, ka me vakacacataka na noqu veiyalayalati kei ira: ni sai au ko Jiova na nodra Kalou.

Maciu 1:23

Raica ena bukete e dua na goneyalewa, ka na vakasucuma e dua na gonetagane, Ka na vakayacani ko Imanueli: a kenai balebale, Na Kalou ka tiko vata kei keda.

Maciu 28:20

vakavulici ira me ra vakabauta na ka kece kau a vosa kina vei kemudou: ka mo dou kila, au sa tiko vata kei kemudou e na veisiga kecega, ka yacova nai vakataotioti kei vuravura. Emeni.

Cakacaka 18:10

ni ka’u sa tiko vata kei iko, ka na sega e dua me sagai iko me vakacacani iko: ni sa lewe vuqa na noqu tamata e na koro oqo.

Vakarua 4:31

(ni sa Kalou yalololoma ko Jiova na nomuni Kalou;) ena sega ni weletaki kemuni, se vakarusai kemuni, se guilecava na veiyalayalati kei ira na nomuni qase sa bubului kina vei ira ko koya.

2 Timoci 4:22

Me tiko vata kei na yalomu na Turaga ko Jisu Karisito. Me nomudou na loloma. Emeni.