Jeremaia 30:10 - Vakavakadewa Makawa

¹⁰ Ia ko iko Jekope na noqu tamata mo kakua ni rere, sa kaya ko Jiova; io kakua ni ko taqaya, Isireli: ni sai au, raica, ena vakabulai iko mai na vanua vakayawa, kei na nomu kawa mai na vanua era sa bobula kina; ia ena lesu mai ko Jekope, me tiko vinaka ka vakacegu, ka na sega e dua me vakarerei koya.

Ai Vola Tabu (Vakadewa Makawa Vakavoutaki 2021)

¹⁰ “Ia ko iko Jekope na noqu tamata mo kakua ni rere, sa kaya ko Jiova; io kakua ni ko taqaya, Isireli; ni sai au, raica, ena vakabulai iko mai na vanua vakayawa, kei na nomu kawa mai na vanua era sa bobula kina; ia ena lesu mai ko Jekope, me tiko vinaka ka vakacegu, ka na sega e dua me vakarerei koya.

AI VOLA TABU

¹⁰ Ia ko iko, mo kakua ni rere, Jekope na noqu tamata, sa kaya ko Jiova; io kakua ni ko taqaya, Isireli: ni sai au, raica, ena vakabulai iko mai na vanua vakayawa, kei na nomu kawa mai na vanua era sa bobula kina; ia ena lesu mai ko Jekope, me tiko vakacegu ka vinaka, me sega ena vakarerea.

Vakavakadewa Vou kei na iVola tale eso

¹⁰ Kemuni na kawa i Jekope na noqu dauveiqaravi, Ni kakua ni rere, kemuni na Isireli, Ni kakua ni yalo lailai. Au na sereki kemuni mai na vanua yawa o ya, Mai na vanua o ni a vakabobulataki kina. Era na lesu tale mai na kawa i Jekope Ka mai tiko sautu; Era na galala Ka sega ni dua me vakarerei ira.”

Ai Vola Tabu Ena Vakavakadewa Vou

¹⁰ Kemuni na kawa i Jekope na noqu dauveiqaravi, Ni kakua ni rere, kemuni na Isireli, Ni kakua ni yalo lailai. Au na sereki kemuni mai na vanua yawa o ya, Mai na vanua o ni a vakabobulataki kina. Era na lesu tale mai na kawa i Jekope Ka mai tiko sautu; Era na galala Ka sega ni dua me vakarerei ira.”

Jeremaia 30:10 Iomraidhean Croise

Vakatekivu 15:1

Sa oti na ka oqori sa vosa vei Eparama ko Jiova e na rai votu, ka kaya, Mo kakua ni rere, Eparama: koi au na nomu i sasabai, ia na kemui sau ena ka levu sara.

Aisea 14:3

Ia ena yaco e na siga sa vakacegui iko kina ko Jiova mai na nomu rarawa, kei na nomu rere, kei na oca dredre ka lavaki vei iko,

Aisea 35:9

Ena sega kina e dua na laioni, se dua na manumanu daukata me cabeta, se me kune kina: ko ira ga era sa vakabulai era na lako tu kina.

Aisea 43:5

Kakua ni ko rere, ni'u sa tiko vata kei iko: au na kauti ira na nomu kawa mai na tu-i-cake, ka'u na vakasoqoni ira na kai nomu mai ra talega:

Aisea 44:1

Ia oqo mo vakarorogo, Jekope na noqu tamata; ia ko iko talega Isireli, ka'u sa digitaka:

Aisea 44:2

sa vosa vakaoqo ko Jiova ka cakavi iko, ka buli iko mai na kete, ena vukei iko ko koya; Mo kakua ni rere, Jekope, na noqu tamata; ko iko talega Jesuruni, ka'u sa digitaka.

Aisea 46:11

ka'u sa kaciva na ikeli mai na tu-i-cake, kei na tamata sa na vakayacora na noqu i naki, mai na vanua yawa: ka'u sa cavuta, ka'u na vakayacora talega: ka'u sa nakita, ka'u na cakava talega.

Aisea 46:13

au sa kauta voleka mai na noqu cakacaka dodonu, ena sega ni yawa; kei na veivakabulai ka'u sa ia, ena sega ni berabera; ia ka'u na tauca na bula mai Saioni me nodra na Isireli na noqu lagilagi.

Aisea 49:12

Raica, ko ira oqo era na lako vakayawa mai; ka raica, ko ira oqo mai na tokalau, ka mai ra talega; kei ira oqo mai na vanua ko Sainimi.

Aisea 49:25

Ia sa kaya vakaoqo ko Jiova. Ena kovei ga ko ira na bobula mai vua sa qaqa, ka kaliraki nai toki ni valu mai vua sa rerevaki; ka'u na vala kei ira era veivala kei iko, ka vakabulai ira na luvemu:

Aisea 54:4

Mo kakua ni rere, ni ko na sega ni madua; ia mo kakua ni taqaya, ni ko na sega ni vakamaduataki: ni ko na guilecava na ka ni nomu veivakamaduataki ni ko a goneyalewa, ia na ka ko rogo ca kina ni ko sa yada ko na sega ni nanuma tale.

Jeremaia 23:3

Ia koi au, ka'u na vakasoqoni ira vata mai na kena vo ni noqu qele ni sipi mai na veivanua kecega ka'u sa dui vakasevi ira kina, ia ka'u na kauti ira tale mai ki na nodra lomanibai; ka ra na luvea ka tubu.

Jeremaia 23:4

Ia ka'u na lesia eso me nodra i vakatawa era na vakani ira: ka ra na sega ni rere tale, se taqaya, se yali, sa kaya ko Jiova.

Jeremaia 23:6

e na nona gauna era na vakabulai kina na Juta, ia ko ira na Isireli era na tiko vinaka: ia oqo na yacana ena vakatokai kina, KO JIOVA NA NODA YALODODONU.

Jeremaia 23:8

ia era na kaya ga, Sa bula ko Jiova, ko koya ka kauta cake mai ka tubera na nodra kawa na mataqali i Isireli mai na vanua ki na tokalau, kei na veivanua kecega ka'u a dui vakasevi ira kina; ka ra na tiko ga e na nodra vanua.

Jeremaia 29:11

Ni'u sa kila koi au na nanuma ni yaloqu e na vukumudou, sa kaya ko Jiova, na nanuma mo dou vinaka, ka sega ni ca, ka me'u solia vei kemudou nai nuinui vinaka ni gauna emuri.

Jeremaia 29:14

dou na qai kunei au, sa kaya ko Jiova: ia ka'u na vakalesui kemudou mai na nomudou veivakabobulataki, ka vakasoqoni kemudou mai na veivanua kecega, kei na veiyasana kecega ka'u sa vakasevi kemudou kina, sa kaya ko Jiova; ia ka'u na kauti kemudou tale mai ki na yasana ka'u a lewa mo dou kau tani maikina.

Jeremaia 3:18

E na gauna ko ya erau na lako vata na mataqali i Juta kei na mataqali i Isireli, ka ra na lako vata mai na vanua mai na tokalau ki na vanua ka'u a solia vei ira na nomudou qase me ra taukena.

Jeremaia 30:3

Ni sa kaya ko Jiova, Raica, ena yaco mai na gauna ka'u na vakalesui ira tale mai kina na noqu tamata na Isireli kei na Juta era a vakabobulataki, sa kaya ko Jiova: ia ka'u na vakalesui ira tale mai ki na vanua ka'u a solia ki na nodra qase, ka ra na taukena.

Jeremaia 30:7

Ulei! sa qai dua tani na siga ko ya, sa sega e dua me vakakina: io, sa kena gauna ni rarawa i Jekope: ia ena vakabulai ko koya mai na ka oqo:

Jeremaia 33:16

E na veisiga ko ya, ena vakabulai ko Juta, ia ko Jerusalemi, ena tiko vinaka: ia oqo na yaca ena vakatokai kina, Ko Jiova na noda yalododonu.

Isikeli 16:52

Io ko iko talega, ko daulewai ira na tuakamu, mo colata na nomu madua e na vuku ni nomu i valavala ca ko sa cakava me vakasisila vakalevu cake e na nodra: era sa dodonu cake vei kemudou: io mo taqaya talega ko iko, ka mo luvu e na madua, ni ko sa vakadonui ira na tacimu.

Isikeli 38:11

ia ko na kaya, Au na lako cake yani ki na vanua sa tiko kina na veikoro e sega ni vakabai; au na lako vei ira sa ra tiko vakacegu, sa ra tiko vinaka, sa ra tiko wale kecega ka sega na nodra bai, sa sega talega na nodra i vakadei se nai sogo;

Taniela 12:1

Ia e na gauna ko ya ena tu cake ko Maikeli, na turaga levu o koya sa totaki ira na luvedra na kai nomu: ena qai yaco e dua na gauna rarawa, sa sega sara e vakakina mai nai vakatekivu ni matanitu ka yacova na gauna ko ya: ia e na gauna ko ya era na vakabulai na kai nomu, ko ira kece sa na kune ni ra volai e nai vola.

Osea 2:18

Ia e na siga ko ya ka'u na ia na veiyalayalati e na vukudra, kei na manumanu ni vanua, kei na manumanu vuka, kei na ka sa qasi voli e na qele; ia ka'u na musuka tani mai na vanua na dakai kei nai seleiwau kei nai valu, ka lewa me ra koto sobu e na vakacegu.

Osea 2:20

Io, ka'u na tauri iko mo noqu e na lomadina: ia ko na kilai Jiova.

Osea 6:11

Oi kemudou talega na Juta, sa lesi oti vei kemudou na vula i matua, ni'u a kauti ira tale mai na noqu tamata era sa vakabobulataki.

Joeli 2:21

Mo kakua ni rere, na vanua; mo reki ka marau: ni na cakava na ka levu ko Jiova.

Maika 4:9

A cava tale ko sa tagi vakadomoilevu kina? sa sega li na nomu tui? ko ira na nomu daubose era sa yali beka? ka ni sa tauvi iko na rarawa me vaka na yalewa sa taratara?

Sakaraia 3:10

E na siga ko ya, sa kaya ko Jiova ni lewe vuqa, dou na dui kaciva na kai nomudou, me mai tiko e na ruku ni vaini, kei na ruku ni lolo.

Joni 12:15

Oi kemuni sa toka mai Saioni, kakua ni rere: raica, sa lako mai na nomuni Tui, ka vodo tu e na dua na luve ni asa.