Jeremaia 3:8 - Vakavakadewa Makawa

⁸ Ia ka'u a raica, ni sai koya dina oqo ni sa dautagane ko Isireli na dauvuki, ka'u a biuti koya tani ka solia vua nai vola ni veibiu, ka sa sega ni rere kina na daulawaki ko Juta na tacina, ia sa lako talega ko koya ka ia na dautagane.

Ai Vola Tabu (Vakadewa Makawa Vakavoutaki 2021)

⁸ Ia ka'u a raica, ni sai koya dina oqo ni sa dauveibutakoci ko Isireli na dauvuki, ka'u a biuti koya tani ka solia vua nai vola ni veibiu, ka sa sega ni rere kina na daulawaki ko Juta na tacina, ia sa lako talega ko koya ka ia na dautagane.

AI VOLA TABU

⁸ Ia kaʼu a raica, ni sa kawa ni ka kecega sa dauyatagane kina ko Isireli dauvuki kaʼu a biuti koya tani, ka solia vua nai vola ni tawase; ka sa sega ga ni rere kina na daulawaki ko Juta na tacina, ka sa lako ko koya talega ka ia na dauyatagane.

Vakavakadewa Vou kei na iVola tale eso

⁸ Sa raica talega o Juta ni'u sa veisere kei Isireli ka solia vua na i vola ni veibiu baleta ni sa gole tani mai vei au ka yaco me yalewa dautagane. Ia o Juta na taci Isireli sega ni yalodina sa sega ni rere. Sa yaco talega me dautagane,

Ai Vola Tabu Ena Vakavakadewa Vou

⁸ Sa raica talega o Juta ni'u sa veisere kei Isireli ka solia vua na i vola ni veibiu baleta ni sa gole tani mai vei au ka yaco me yalewa dautagane. Ia o Juta na taci Isireli sega ni yalodina sa sega ni rere. Sa yaco talega me dautagane,

Jeremaia 3:8 Iomraidhean Croise

2 Veigauna 21:11

Sa cakava talega na veitikina cecere e na veiulu-ni-vanua e Juta, a sa vakauqeti ira na kai Jerusalemi me ra kitaka nai valavala vakatani, ka vakasaurarataki ira kina na Juta.

Aisea 50:1

Sa kaya vakaoqo ko Jiova: Sa evei nai vola ni veibiu nei tinamu, ka'u sa vakatalai koya kina? se ko cei ka'u sa dinau vua ka'u sa volitaki iko kina. Raica, e na vuku ni nomudou i valavala ca dou sa volitaki kina: e na vuku talega ni nomudou talaidredre sa veibiu kina na tinamudou.

Jeremaia 2:19

Ena kemu kuita na nomu ca, ia na nomu vuki tani ena vunauci iko: mo kila ga ka raica ni sa ka ca ka ka gaga na nomu biuti Jiova na nomu Kalou, ni sa sega talega vei iko na rerevaki au, sa kaya na Turaga ko Jiova ni lewe vuqa.

Jeremaia 3:1

Sa kainaki, Kevaka e dua na tagane sa biuta na watina, a sa lako tani vua, ka sa yaco me nona na tagane tani, ena lesu tale beka vua ko koya na tagane? ena sega beka ni vakadukadukalitaki sara kina na vanua ko ya? ia ko iko ko sa cala kei ira e lewe vuqa; ia mo lesu ga vei au, sa kaya ko Jiova.

Jeremaia 33:24

Ko sa vakananuma, se segai, na ka era vosataka na tamata oqo, ka kaya, Na mataqali ruarua ka digitaka ko Jiova, sa biuta tani ga ko koya? a ra sa beci ira kina na noqu tamata, me ra kakua ni matanitu tiko e matadra.

Jeremaia 5:7

Me'u na sega ni cudruvi iko vakacava e na vuku ni ka oqo? a luvemu era sa biuti au, a ra sa bubului vei ira sa sega ni kalou: ni'u a vakani ira me ra mamau sara, era sa qai ia na dauyalewa, ia e na vale ni yalewa dautagane era sa soqoni levu kina.

Isikeli 16:46

Sa tuakamu talega ko Samaria, ko koya kei na luvena yalewa era tiko ki na nomu i mawi: ia ko Sotoma kei ira na luvena yalewa ka tiko ki na nomu i matau sa tacimu.

Isikeli 16:47

Ia ko a sega ni muria na nodra i valavala, se cakava me vaka na nodra i valavala vakasisila: ia ni vaka sa ka lailai ga ko ya, ko sa vakacacataki iko vakalevu e na nomu i valavala kecega ka vakalailai ga ko ira.

Isikeli 16:51

Ia sa lailai sobu nai valavala ca i Samaria ka sa levu cake na nomu i valavala ca; ia ko sa vakalevutaka na nomu i valavala vakasisila ka vakalailai ko ira, ka sa vakadonui ira na tacimu e na nomuni valavala vakasisila kecega ko sa cakava.

Isikeli 23:44

Ia era sa curu vua, me vaka era curu vua na yalewa sa ia na dautagane: io sa vakaoqo na nodra curu vei Aola kei Aolipa, koi rau na yalewa velavela.

Isikeli 23:9

O koya oqo ka'u sa soli koya kina ki na ligadra na nonai tau ki na ligadra na kai Asiria, sa gagano kina ko koya.

Osea 3:4

Ni na bogi vuqa na nodra tiko na Isireli ka sega na nodra tui, se na turaga, se nai soro, se na matakau, se na efoti, se na terafimi:

Vakarua 24:1

Ni sa vakawati kei na dua na yalewa na tagane, ka sa qai sega ni lomana, ni sa kunea vua e dua na ka sa sega ni savasava kina: me qai vola e dua nai vola ni veibiu, ka solia ki na ligana, ka vakatalai koya tani e nona vale.

Vakarua 24:3

Ia kevaka sa cati koya na watina emuri, ka vola e dua nai vola ni veibiu, ka solia ki na ligana, ka vakatalai koya tani e nona vale; se sa mate na watina emuri, o koya ka taura me watina;