Jeremaia 3:25 - Vakavakadewa Makawa

²⁵ Keimami sa koto sobu e na neimami madua, ka sa luvuci keimami na kidroa: ni keimami sai valavala ca vei Jiova na neimami Kalou, koi keimami kei ira na neimami qase, mai na gauna keimami a cauravou kina ka yacova na siga oqo, ka sega ni vakarorogo ki na domo i Jiova na neimami Kalou.

Ai Vola Tabu (Vakadewa Makawa Vakavoutaki 2021)

²⁵ Keimami sa koto sobu e na neimami madua, ka sa luvuci keimami na kidroa; ni keimami sai valavala ca vei Jiova na neimami Kalou, koi keimami kei ira na neimami qase, mai na gauna keimami a cauravou kina ka yacova na siga oqo, ka sega ni vakarorogo ki na domo i Jiova na neimami Kalou.”

AI VOLA TABU

²⁵ Keitou sa koto sobu e na neitou madua, a sa ubi keitou na kidroa: ni keitou sai valavala ca vei Jiova na neitou Kalou, oi keitou kei ira na neitou qase, mai na gauna keitou a cauravou kina ka yacova na siga o qo, ka sega ni vakarorogo ki na domo i Jiova na neitou Kalou.

Vakavakadewa Vou kei na iVola tale eso

²⁵ Sa dodonu me keimami davo ena madua ka me ubi keimami na neimami lecaika, keimami sai valavala ca kei ira na neimami qase, me tekivu sara mai na gauna keimami a sa gone kina ka yacova sara mai na gauna oqo, keimami sa talaidredre tikoga vei Jiova na neimami Kalou.”

Ai Vola Tabu Ena Vakavakadewa Vou

²⁵ Sa dodonu me keimami davo ena madua ka me ubi keimami na neimami lecaika, keimami sai valavala ca kei ira na neimami qase, me tekivu sara mai na gauna keimami a sa gone kina ka yacova sara mai na gauna oqo, keimami sa talaidredre tikoga vei Jiova na neimami Kalou.”

Jeremaia 3:25 Iomraidhean Croise

NA SAME 106:6

Keimami sa caka cala vata kei ira na neimami qase, Keimami sa cakava na ka sa sega ni dodonu, keimami sai valavala ca.

NA SAME 106:7

Era a sega ni kila na nomuni cakacaka mana ko ira na neimami qase mai Ijipita; Era sega ni nanuma na kena levu ni nomuni loloma; Ka ra sa vakacudrui koya mai na wasawasa, io mai na Wasa Damudamu.

NA SAME 109:29

Me ra vakaisulutaki e na madua ko ira na noqu meca, Ia me ra solei tutuvi e na ka era madua kina me vaka e nai sulu.

Vosavakaibalebale 13:18

A dausiga kei na madua ena nona na tamata sa bese ni vakavulici: Ia ko koya sa muria na vunau ena dokai.

Vosavakaibalebale 5:13

Ka sa sega talega ni vakarogoca na domodra era vakavulici au, Ia vei ira era vunauci au ka'u a bese ni vakalakala daligaqu!

Aisea 48:8

Io, ko a sega ga ni rogoca; ko a sega ga ni kila; sa sega talega ni rogo mailiu na daligamu: ni'u a kila ko na cakacaka vakailasu sara, ka ni ko sa vakatokai na dautalaidredre mai na siga ko sucu kina.

Aisea 50:11

Raica, koi kemudou kece sa tutuvaka na buka, ka vauci kemudou e na lidi ni bukawaqa: dou lako voli ga e na rarama ni nomudou bukawaqa, kei na lidi ni bukawaqa dou sa tutuvaka. Dou na rawata na ka oqo; mai na ligaqu; dou na koto sobu ga e na rarawa.

Jeremaia 11:13

Ni sa tautauvata na kenai wiliwili ni nomu veikoro kei nai wiliwili ni nomu kalou, ko iko Juta; ka sa tautauvata nai wiliwili ni sala ni koro mai Jerusalemi kei nai wiliwili ni cabocabo-ni-soro dou sa vakaduria ki na ka ni veivakamaduataki ko ya, io nai cabocabo-ni-soro me vakama kina na ka boi vinaka vei Peali.

Jeremaia 12:13

Era sa kaburaka na witi, ia era na tamusuka na wa-vakavotona: era sa dauvakaocataki ira, ka na sega ga ni yaga: ia era na maduataka na nomudou vuata e na vuku ni cudru katakata i Jiova.

Jeremaia 14:20

Kemuni Jiova, keimami sa vakatusa na neimami ca, kei na caka cala ni neimami qase: ni keimami sai valavala ca vei kemuni.

Jeremaia 14:7

Kemuni Jiova, ko ni sa beitaki keimami dina e na neimami caka cala, ia mo ni cakacaka e na vuku ni yacamuni ga: ni sa ka levu na neimami dauvuki; keimami sai valavala ca vei kemuni.

Jeremaia 2:17

A ka oqo ko sa vakayacora vei iko, se segai, ni ko sa biuti Jiova na nomu Kalou, ni sa tuberi iko e na sala?

Jeremaia 2:19

Ena kemu kuita na nomu ca, ia na nomu vuki tani ena vunauci iko: mo kila ga ka raica ni sa ka ca ka ka gaga na nomu biuti Jiova na nomu Kalou, ni sa sega talega vei iko na rerevaki au, sa kaya na Turaga ko Jiova ni lewe vuqa.

Jeremaia 2:2

Mo la'ki tukuna e na daliga i Jerusalemi, ka kaya, Sa kaya vakaoqo ko Jiova; Au sa nanumi iko, kei na nodaru veilomani ni ko sa gone, kei na loloma ni nodaru veimusuki, ni ko a muri au voli e na veikau, e na vanua sa sega ni tei.

Jeremaia 2:26

Me vaka sa madua na butako ni sa kune, sa madua vakakina na mataqali i Isireli; ko ira, kei na nodra tui, kei na nodra turaga, kei na nodra bete, kei na nodra parofita,

Jeremaia 20:18

A cava ka'u sa lako mai kina mai na kete me'u kunea na oca kei na rarawa, me oti ga kina na noqu siga e na madua?

Jeremaia 22:21

Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Jeremaia 3:13

Me vakatusa ga na nomu caka cala, ko sa talaidredre kina vei Jiova na nomu Kalou, ka sa veibiuyaka na nomu i valavala kei ira na kai tani e na ruku ni kau bulabula kecega, ia dou a sega ni vakarorogo ki na domoqu, sa kaya ko Jiova.

Jeremaia 31:19

E dina ni'u sa saumaki mai, ka'u sa qai veivutuni; ia ni'u sa qai kila, ka'u sa sabica na sagaqu: au sa madua, io ka'u sa taqaya, ni sa luvuci au na ka ka'u sa rogo ca kina ni'u a cauravou.

Jeremaia 6:26

Ko iko, na goneyalewa ni noqu tamata, vauci iko e nai sulu taga, ka qiqi e na dravusa: mo ia na tagi, me vaka e dua sa tagicaka na luvena e dua bau ga, na tagi rarawa sara: ni na vakidacala na nona lako mai vei keda na dauvakacaca.

Jeremaia 7:19

Era sa vakacudrui au li? sa kaya ko Jiova, Era sa sega li ni vakacudrui ira vakataki ira ga me ra madua kina?

Jeremaia 8:14

A cava eda sa tiko vakadua kina? dou soqoni vata, me da la'ki curu ki na veikoro vakabai, ia me da tiko lo kina: ni sai Jiova na noda Kalou ka vagalui keda, ka vagunuvi keda e na wai gaga, ni da sai valavala ca vei Jiova.

Jeremaia 9:18

ia me ra kusarawa mai, me ia na tagi e na vukuda, me dave yani mai na matada na wai ni mata, ka tovure na wai mai na dreke-ni-matada.

Lele i Jeremaia 5:16

Sa lutu tani nai sala vakaturaga mai na ulu i keimami: Ulei koi keimami oqo, ni keimami sai valavala ca!

Lele i Jeremaia 5:7

Era sai valavala ca ko ira na tama i keimami; a ra sa yali ga; Ia keimami sa saumi e na vuku ni nodra caka cala.

Isikeli 2:3

A sa kaya vei au ko koya, Ko iko na luve ni tamata, au sa talai iko vei ira na Isireli, ki na dua na matanitu dauvuki sa vuki tani vei au: o ira kei na nodra qase era sa talaidredre vei au, ka yacova sara na siga oqo.

Isikeli 36:32

Dou kila mada, ni ka'u sa sega ni cakava na ka oqo e na vukumudou, sa kaya na Turaga ko Jiova: dou madua ka taqaya e na vuku ni nomudou i valavala, koi kemudou na mataqali i Isireli.

Isikeli 44:13

Ka ra na sega ni toro mai vei au, me ia vei au nai tavi vakabete, se torova e dua na noqu ka tabu, e na tikina tabu sara: ia ena kani ira ga na nodra madua, kei na nodra i valavala vakasisila era a kitaka.

Isikeli 7:18

A ra na vauci ira e nai sulu taga, ena nodra i tutuvi talega na domobula; era na matamadua ko ira kecega, era na ulu cou ko ira kece talega.

Taniela 12:2

Ia era lewe vuqa vei ira sa moce e na kuvu-ni-soso era na yadra, eso vei ira me ra bula ka sega ni mudu, ka so vei ira me ra madua ka beci ka sega ni mudu.

Osea 9:10

Ni ka'u a kunei ira na Isireli era vaka na vua-ni-vaini mai veikau: ka'u a raici ira na tamamudou me vaka nai sevu ni lolo, ni sa vuavuai: sa ra yaco ki Peali-piori, ka tawasei ira ki na ka e veivakamaduataki; ka ra yaco me ra vakasisila me vaka na ka ko ya era domona.

Sefanaia 1:17

Ia ka'u na vakararawataki ira na tamata, a ra na lako voli me vakataki ira na mataboko, ni ra sai valavala ca vei Jiova: ia na kedra dra ena sovaraki me vaka na kuvu-ni-soso, kei na lewedra me vaka na de-ni-manumanu.

Roma 6:21

Ia ka cava na vuana dou sa rawata, e na gauna ko ya, mai na veika dou sa qai madua kina? ni sa kenai otioti ni veika oqori na mate.

Dauveilewai 2:2

ia koi kemudou, dou kakua ni ia na veiyalayalati kei ira na lewe ni vanua oqo; dou na talaraka sobu na nodra i cabocabo-ni-soro; ia dou sa sega ni muria na noqu vosa: a cava dou sa cakava kina na ka oqo?