Jeremaia 3:24 - Vakavakadewa Makawa

²⁴ Ia na veivakamaduataki sa kania na nodra oca na neimami qase mai na gauna keimami a cauravou kina; kei na nodra qele ni sipi kei na nodra qele ni pulumokau, na luvedra tagane kei na luvedra yalewa.

Ai Vola Tabu (Vakadewa Makawa Vakavoutaki 2021)

²⁴ “Ia na veivakamaduataki sa kania na nodra oca na neimami qase mai na gauna keimami a cauravou kina, kei na nodra qele ni sipi kei na nodra qele ni bulumakau, na luvedra tagane kei na luvedra yalewa.

AI VOLA TABU

²⁴ Ia na ka veivakamaduataki sa kania na nodra oca na neitou qase mai na gauna keitou a cauravou kina; na nodra sipi kei na nodra karavau, na luvedra tagane kei na luvedra alewa.

Vakavakadewa Vou kei na iVola tale eso

²⁴ Ia na qaravi Peali sa vakavuna me keimami vakayalia na veika kece sara era a cakacakataka na neimami qase mai na gauna keimami a gone kina; na qele ni sipi, na qele ni bulumakau, kei ira na luve i keimami tagane kei na yalewa.

Ai Vola Tabu Ena Vakavakadewa Vou

²⁴ Ia na qaravi Peali sa vakavuna me keimami vakayalia na veika kece sara era a cakacakataka na neimami qase mai na gauna keimami a gone kina; na qele ni sipi, na qele ni bulumakau, kei ira na luve i keimami tagane kei na yalewa.

Jeremaia 3:24 Iomraidhean Croise

Jeremaia 11:13

Ni sa tautauvata na kenai wiliwili ni nomu veikoro kei nai wiliwili ni nomu kalou, ko iko Juta; ka sa tautauvata nai wiliwili ni sala ni koro mai Jerusalemi kei nai wiliwili ni cabocabo-ni-soro dou sa vakaduria ki na ka ni veivakamaduataki ko ya, io nai cabocabo-ni-soro me vakama kina na ka boi vinaka vei Peali.

Jeremaia 22:21

Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Jeremaia 44:7

O koya oqo sa qai kaya kina ko Jiova, na Kalou ni lewe vuqa, na Kalou ni Isireli; A cava dou sa cakava kina na ca levu oqo ki na yalomudou, me muduka tani kina vei kemudou na tagane kei na yalewa, na gone lalai kei ira sa sucu tiko, mai Juta, ka me kakua e vo vei kemudou;

Jeremaia 8:16

Sa rogo mai Tani na kedra suru na nona ose: ni sa rogo mai na kedra suru na nona ose kaukauwa, sa sautaninini na vanua taucoko; ni ra sa lako ga mai, ka ra sa kania na vanua, kei na ka kecega sa tu kina; na koro, kei ira era tiko kina.

Jeremaia 9:18

ia me ra kusarawa mai, me ia na tagi e na vukuda, me dave yani mai na matada na wai ni mata, ka tovure na wai mai na dreke-ni-matada.

Isikeli 16:19

a noqu kakana talega ka'u a solia vei iko, na madrai droka vinaka, kei na lolo, kei na oni, ka'u a vakani iko kina, ko sa tauca tale e matadra me ka boi vinaka: io sa vaka ga kina, sa kaya na Turaga ko Jiova.

Isikeli 16:20

Ia ko a kauta talega na luvemu tagane kei na luvemu yalewa, o ira ko a vakasucuma vei au, ka sa vakacabora vei ira me ra kania. Sa ka lailai beka na nomu dautagane,

Isikeli 16:61

O na qai nanuma na nomu i valavala, ka madua sara kina, ni ko na bauti ira na tacimu, ko ira era qase vei iko kei ira era gone vei iko: ia ka'u na soli ira vei iko me ra luvemu yalewa; ia ka segai e na nomu veiyalayalati.

Isikeli 16:63

mo nanuma kina, ka mo taqaya, ka sega ni rawa tale ni dalaga e na vuku ni nomu madua, ni'u sa bokoca kecega na ka ca ko sa cakava oti, sa kaya na Turaga ko Jiova.

Osea 10:6

Io, na ka talega ko ya ena kau ki Asiria me ka ni loloma vua na tui Jerupi; ena nodra na Ifireimi na madua, io, era na vakamaduataki na Isireli e na vuku ni nodra lewa.

Osea 2:8

Ia na ka oqo sa lecava ko koya, ni sai au ga ka solia vua na sila kei na waini, kei na waiwai, ia ka'u a vakalevutaka vua na siliva, kei na koula, ia era sa vakayagataka vei Peali.

Osea 9:10

Ni ka'u a kunei ira na Isireli era vaka na vua-ni-vaini mai veikau: ka'u a raici ira na tamamudou me vaka nai sevu ni lolo, ni sa vuavuai: sa ra yaco ki Peali-piori, ka tawasei ira ki na ka e veivakamaduataki; ka ra yaco me ra vakasisila me vaka na ka ko ya era domona.