Jeremaia 3:22 - Vakavakadewa Makawa

²² Dou lesu mai, na gone sa dauvuki, ka'u na buluta na nomudou dauvuki. Mo ni raica, keimami sa lako mai vei kemuni; ni sai kemuni ko Jiova na neimami Kalou.

Ai Vola Tabu (Vakadewa Makawa Vakavoutaki 2021)

²² “Dou lesu mai, na gone sa dauvuki, ka'u na buluta na nomudou dauvuki.” “Mo ni raica, keimami sa lako mai vei kemuni; ni sai kemuni ko Jiova na neimami Kalou.

AI VOLA TABU

²² Dou lesu mai, na gone dauvuki, kaʼu na vakamavotaka na nomudou dauvuki. Kaica, keitou sa lako mai vei iko; ni sai iko ko Jiova na neitou Kalou.

Vakavakadewa Vou kei na iVola tale eso

²² Lesu mai, Oi kemuni kece sa gole tani mai vei Jiova. Ena vakabulai kemuni, Ka vakavuna mo ni yalodina. O Ni sa kaya, “Io, keimami sa lako mai vei Jiova baleta ni sai koya o Jiova na neimami Kalou.

Ai Vola Tabu Ena Vakavakadewa Vou

²² Lesu mai, Oi kemuni kece sa gole tani mai vei Jiova. Ena vakabulai kemuni, Ka vakavuna mo ni yalodina. O Ni sa kaya, “Io, keimami sa lako mai vei Jiova baleta ni sai koya ko Jiova na neimami Kalou.

Jeremaia 3:22 Iomraidhean Croise

Sere i Solomoni 1:4

Vakayarayarataki au; keitou na qai cicimuri kemuni: Sa kauti au mai na tui ki na nona loqi: Keitou na marau ka rekitaki kemuni, Keitou na nanuma vakalevu ki na nomuni loloma ka vakalailai ki na waini: Ko ira na yalododonu era sa lomani kemuni.

Aisea 1:2

Dou rogoca, na lomalagi, ka vakatu daliga, na vuravura, ni sa kaya mai ko Jiova, Ka'u a susuga ka vakalevulevui ira na luvequ, ia ko ira, era sa vuki tani vei au.

Aisea 27:8

Sa vakarauti ga na nomu veicudruvi kaya ni ko a vakatalai koya tani: sa kauti koya tani e nona cagi kaukauwa e na siga ni cagi mai na tu-i-cake.

Aisea 31:6

Dou lesu mai vei koya era sa vuki tani vakalevu kina na Isireli.

Aisea 57:17

E na vuku ni nona ca ni sa daukocokoco ka'u sa cudru, ka'u sa yaviti koya kina; ka'u sa vunitaki au, ka'u sa cudru ga; ka sa vuki tani tiko ko koya ki na sala sa yalona kina.

Jeremaia 3:12

Mo la'ki tukuna na vosa oqo vaka ki na tokalau, ka kaya, Dou lesu mai, na Isireli sa dauvuki, sa kaya ko Jiova; ka'u na qai sega ni vakatauca na noqu cudru vei kemudou: ni'u sa yalololoma, sa kaya ko Jiova, ka'u na sega ni vakadedetaka tikoga na noqu cudru me sega ni mudu.

Jeremaia 30:17

Ni'u na vakamavotaka na nomu mavoa ia ka'u na vakabulai iko, sa kaya ko Jiova; io, ka ni ra cavuti iko mo luveniyali, Oqo ko Saioni, ka sega e dua e lakova.

Jeremaia 31:18

Au a rogoci Ifireimi vakaidina ni sa tagicaki koya, ka kaya, Ko ni sa vakanakuitataki au, ia ka'u sa vakanakuitataki, me vaka na pulumokau sa sega ni veilasamaki kei nai vua: ni saumaki au mai, ka'u na qai saumaki; ni sai kemuni Jiova na noqu Kalou.

Jeremaia 33:6

Raica, au na vakamavotaki ira na nomu mate, ia ka'u na vakabulai ira, ka vakayacora vei ira na sautu levu kei na dina.

Jeremaia 4:1

Kevaka ko na lesu mai, na Isireli, sa kaya ko Jiova, mo lesu mai vei au: ia kevaka ko na biuta tani na nomu ka vakasisila e mataqu, ko na qai sega ni lako tani:

Isikeli 18:30

O koya oqo ka'u na lewai kemudou yadua kina, na mataqali i Isireli, me vaka na nomudou i valavala yadua, sa kaya na Turaga ko Jiova. Dou veivutuni, ka saumaki mada mai na nomudou i valavala ca kecega; ena qai sega ni vu ni nomudou rusa na caka ca.

Isikeli 33:11

Mo kaya vei ira, Me vaka na dina ni noqu bula, sa kaya na Turaga ko Jiova, au sa sega ni vinakata me mate na tamata ca; au vinakata ga me lesu mai na tamata ca mai na nonai tovo, ka me bula: dou lesu mai, dou lesu mai mai na nomudou i tovo ca; e na vuku ni cava dou sa via mate kina, koi kemudou na mataqali i Isireli?

Osea 13:4

Ia koi au ga ko Jiova na nomu Kalou mai na vanua ko Ijipita, ia dou na sega ni kila e dua tale na kalou, koi au duaduaga, ni sa sega tale nai vakabula, koi au ga.

Osea 14:1

Ko iko na Isireli, mo lesu mada vei Jiova na nomu Kalou; ni ko sa bale e na nomu caka cala.

Osea 14:4

Au na vakabulai ira mai na nodra dauvuki, au na lomani ira ga: ni sa suka tani maivua na noqu cudru.

Osea 14:5

Au na vaka na tegu vei Isireli: ena tubu ko koya me vaka na viavia, ka ti na wakana me vakataki Lepanoni.

Osea 14:8

Ena kaya ko Ifireimi, Me yaga tale vakacava vei au na matakau? koi au ka'u sa rogoca, ia ka'u na vakaraici koya: au sa vaka na vu ni damanu bulabula. Na vuamu sa qai kune sa vu ga vei au.

Osea 3:5

ka oti, era na qai lesu mai na Isireli, ka qaravi Jiova na nodra Kalou, kei Tevita na nodra tui; ka ra na rerevaki Jiova kei na nona loloma e na gauna maimuri.

Joeli 2:12

Ia oqo ga, sa kaya ko Jiova, mo dou lesu mai vei au e na vu ni yalomudou, ka dou lolo talega, ka me vakawai na matamudou ka ia na tagi yaso:

Sakaraia 13:9

Ia ka'u na vakauta nai katolu ni wase e loma ni bukawaqa, ka vakasavasavataki ira me vaka sa vakasavasavataki na siliva, ka vakatovolei ira me vaka sa vakatovolei na koula: era na masuta na yacaqu ko ira, ia koi au talega ka'u na rogoci ira: au na kaya, Era sa noqu tamata ko ira: ia ko ira talega era na kaya, sa neimami Kalou Ko Jiova.