Jeremaia 3:17 - Vakavakadewa Makawa

¹⁷ E na gauna ko ya era na vakatokai Jerusalemi mei tikotiko vakaturaga i Jiova; ka ra na soqoni vata kina na lewe ni veimatanitu kecega ki na yaca i Jiova ki Jerusalemi: ka ra na sega ni muria tale na kaukauwa ni lomadra ca.

Ai Vola Tabu (Vakadewa Makawa Vakavoutaki 2021)

¹⁷ E na gauna ko ya era na vakatokai Jerusalemi mei tikotiko vakaturaga i Jiova; ka ra na soqoni vata kina na lewe ni veimatanitu kecega ki na yaca i Jiova ki Jerusalemi, ka ra na sega ni muria tale na kaukauwa ni lomadra ca.

AI VOLA TABU

¹⁷ E na gauna ko ya era na vakatokai Jerusalemi mei tikotiko i Jiova; a ra na soqoni vata kina na lewe ni veimatanitu kecega ki na yaca i Jiova ki Jerusalemi: a ra na sega ni muria tale na kaukauwa ni lomadra ca.

Vakavakadewa Vou kei na iVola tale eso

¹⁷ Ia ni sa yaco mai na gauna ena vakatokai kina o Jerusalemi na i tikotiko vakaturaga ni Kalou ka ra na soqoni na veimatanitu kece sara e kea ena yacaqu. Era sa na sega tale ni muria na yalodra ca ka kaukauwa.

Ai Vola Tabu Ena Vakavakadewa Vou

¹⁷ Ia ni sa yaco mai na gauna ena vakatokai kina o Jerusalemi na i tikotiko vakaturaga ni Kalou ka ra na soqoni na veimatanitu kece sara e kea ena yacaqu. Era sa na sega tale ni muria na yalodra ca ka kaukauwa.

Jeremaia 3:17 Iomraidhean Croise

Vakatekivu 8:21

A sa boica nai boi ni veivinakati ko Jiova: a sa kaya e lomana ko Jiova, Sa dina sa ka ca e nanuma na loma ni tamata mai na gauna sa cauravou kina; ia ka'u na sega ga ni vakarusai vuravura tale e na vuku ni tamata; ka'u na sega talega ni cudruva na ka kecega sa bula, me vaka na ka ka'u sa kitaka oti:

1 Tui 8:41

Ia e na vuku ni kai tani, o koya sa sega ni kai vata kei ira na nomuni tamata na Isireli, ni sa lako mai na vanua vakayawa e na vuku ni yacamuni;

NA SAME 102:23

Sa vakamalumalumutaka na noqu kaukauwa e na gaunisala; Sa vakalekalekataka na noqu siga ni bula.

NA SAME 78:8

Ia me ra kakua ni vakataki ira na nodra qase, Nai tabatamata yalovakatani ka talaidredre; Nai tabatamata sa sega ni vakarautaka na lomadra, Ka sa sega ni dina vua na Kalou na yalodra.

NA SAME 87:3

Sa dautukuni voli na nomuni lagilagi, O iko na koro ni Kalou. Sela.

Aisea 26:8

Io, e na sala ni nomuni lewa dodonu, Jiova, keimami a waraki kemuni; sa gadreva na yacamuni na yalo i keimami, kei na ka ko ni sa nanumi kina.

Aisea 56:6

Ia ko ira na kai tani era sa torovi Jiova, me ra qaravi koya, ka lomana na yaca i Jiova, me ra nona tamata, ka ra dui vakatabuya na siga tabu, me kakua ni vakacacana, ka ra taura matua na noqu veiyalayalati:

Aisea 59:19

Ko ira mai ra era na rerevaka na yaca i Jiova, kei ira mai nai cadracadra ni mata-ni-siga na nonai ukuuku: ni sa lako vakawaluvu mai na meca, ena vakaduria na Yalo i Jiova na kuila me tarovi koya.

Aisea 6:1

E na yabaki sa mate kina ko Usaia na tui ka'u a raica na Turaga ni sa tiko e nai tikotiko vakaturaga, sa cecere ka toka sara ki cake, a sa robota na vale ni soro na nonai tini yara.

Aisea 66:1

Sa kaya vakaoqo ko Jiova, Sa noqu i tikotiko vakaturaga, ko lomalagi, ia ko vuravura, sai tutu-ni-yavaqu: a vale cava dou na tara me noqu? se tikina cava me noqu i vakavakacegu?

Aisea 66:18

Ia koi au ka'u sa kila na nodra cakacaka kei na nanuma ni lomadra: ia, ka'u na vakasoqoni ira vata na lewe ni veivanua kecega kei na dui vosavosa; ka ra na lako mai ka raica na noqu totoka.

Aisea 66:20

A ra na kauti ira kece na wekamudou mai na veivanua, mei cabocabo vei Jiova, e na ose, kei na qiqi-ni-tamata, kei na tavata, kei na meule, kei na kameli, ki na noqu ulu-ni-vanua tabu ko Jerusalemi, sa kaya ko Jiova, me vakataki ira na Isireli era kauta mai nai cabocabo e na bilo savasava ki na vale i Jiova.

Jeremaia 11:8

A ra sa sega ni vakarorogo, se vakatu daligadra, era sa dui muria kecega na nodra yalokaukauwa: o koya oqo ka'u na vakayacora kina vei ira na vosa kecega ni veiyalayalati oqo, ka'u a vakarota vei ira me ra cakava; ka ra sa sega ni muria.

Jeremaia 12:15

ia ena yaco, ni'u sa cavuti ira oti, ka'u na qai lesu mai, ka lomani ira tale, ka kauti ira tale mai, na tamata yadua ki na nona tikina, kei na tamata yadua ki na nona vanua.

Jeremaia 12:16

Ia kevaka era na gumatua ni vulica nai valavala ni noqu tamata, me ra bubului e na yacaqu, ka vaka, Sa bula ko Jiova; me vaka era sa dauvakavulici ira na noqu tamata me ra bubului vei Peali; era na qai vakataudeitaki e na kedra maliwa na noqu tamata:

Jeremaia 14:21

Mo ni kakua ni cati keimami, e na vuku ni yacamuni, mo ni kakua ni vakarogocataka na nomuni tikotiko vakaiukuuku: mo ni nanuma, ka mo ni kakua ni vakatawayagataka na nomuni veiyalayalati kei keimami.

Jeremaia 16:12

ia koi kemudou dou sa caka ca vakalevu ka vakalailai ko ira na nomudou qase; ka raica, dou sa dui muria yadua na nona yalokaukauwa kei na nona loma ca, me ra kakua kina ni vakarorogo vei au:

Jeremaia 16:19

Kemuni Jiova, na noqu kaukauwa, kei na noqu koro ni valu, kei na noqu i vakaruru e na siga ni rarawa, era na lako mai kivei kemuni ko ira na veimatanitu mai na veiyalayala kei vuravura, ka ra na kaya, E dina, era sa taukena ko ira na neimami qase na ka lasu, kei na ka wale, kei na ka sa sega ni yaga.

Jeremaia 17:12

Sai tikotiko vakaiukuuku ka cecere mai nai vakatekivu na yasana ni neimami vale tabu.

Jeremaia 18:12

A ra sa kaya, Sa sega sara ni rawa: keimami na muria ga na neimami lewa, ia na nanuma ni lomaimami ca keimami na dui cakava.

Jeremaia 3:19

Ia ka'u a kaya, Au na vakatikori iko vata vakaevei kei ira na luvequ, ka solia vei iko na vanua sa vinakati sara, na nodra i votavota vinaka na lewe vuqa ni veimatanitu? ka'u a vaka, Ko na kaya mai vei au, Kemuni na Tamaqu; ia ko na sega tale ni vuki tani vei au.

Jeremaia 31:23

Sa kaya vakaoqo ko Jiova ni lewe vuqa, na nodra Kalou na Isireli; Era na cavuta tale na vosa oqo e na vanua ko Juta kei na kena veikoro, ni'u na kauti ira tale mai era a vakabobulataki; Mo vakalougatataki iko ko Jiova, nai tikotiko ni lewa dodonu, na ulu-ni-vanua tabu.

Jeremaia 33:9

Ia ena yaco kina me noqu na yaca rogo sa marautaki, ka vakavinavinakataki, ka vakacaucautaki, e na veimatanitu kece e vuravura, era na rogoca na ka vinaka kece ka'u sa cakava vei ira: ka ra na rere ka sautaninini e na vuku ni ka vinaka kecega kei na kena tubu cake ka'u sa vakayacora kina.

Jeremaia 4:2

ia ko na ia na bubului ka vaka, Sa bula ko Jiova, ka ia e na lomadina, kei na yalododonu, kei na cakacaka dodonu; ia era na vosavakalougatataki ira e na vukuna ko ira na lewe ni veimatanitu, ko koya talega era na vakacaucautaka.

Jeremaia 7:24

ka ra sa sega ni vakarorogo, se vakatu daligadra, era sa muria ga na nodra lewa kei na nodra yalokaukauwa, era sa suka ki muri, ka sega ni lako ki liu.

Jeremaia 9:14

ka ra sa muria ga na nodra yalokaukauwa, kei ira na Peali, oqori ka vakavulici ira kina ko ira na nodra qase:

Isikeli 1:26

Ia e cake sara ni maliwa mai dela ni uludratou sa rairai e dua nai vakatakarakara ni tikotiko vakaturaga me vaka na vatu safaia: ia e dela ni vakatakarakara ni tikotiko vakaturaga sa rairai nai vakatakarakara ni dua na tamata e delana e cake.

Isikeli 43:7

A sa kaya vei au ko koya, Ko iko na luve ni tamata, oqo na tikina ni noqu i tikotiko, kei nai tutu ni qeteqete ni yavaqu, ka'u na tiko kina e na kedra maliwa na Isireli ka sega ni mudu, a ra na sega ni vakacacana tale na mataqali i Isireli na yacaqu tabu, ko ira, se na nodra tui, e na nodra dauyalewa, se na yagodra mate na nodra tui, e na nodra veiyasana cecere.

Isikeli 48:35

Ni sa vakavolivolita na koro sa tini ka walu na udolu na kenai vakarau: ia na yaca ni koro mai na siga ko ya, Ko Jiova-sama [Sa tiko maikina ko Jiova].

Sakaraia 2:11

Ia na lewe ni veimatanitu e vuqa ena musuki ira vei Jiova e na siga ko ya, ka yaco me noqu tamata: au na tiko talega e na kemudou maliwa, ia dou na kila ni sai Jiova ni lewe vuqa sa talai au mai vei kemudou.

Sakaraia 8:8

ia ka'u na kauti ira mai, ka ra na tiko e loma i Jerusalemi: ka ra na vakabau me noqu tamata, ia koi au, ka'u na nodra Kalou, e na yalodina kei na yalododonu.

Tiko mai na Lekutu 15:39

ia ena dua na ka vakaiukuuku vei kemudou, mo dou raica, ka nanuma nai vakaro kecega i Jiova, ka cakava; ia mo dou kakua kina ni gadreva mo dou muria na lomamudou, kei na matamudou, dou a daulako vakatani kina mo dou muria;

Roma 1:21

Io, ni ra sa kila tiko na Kalou, era sa sega ni vakarokorokotaka me vaka sa Kalou, se vakavinavinaka; ia sa lialia mai na nodra nanuma, a sa butobuto mai na yalodra sa sesewa.

Roma 6:14

Ni na sega ni veitaliataki kemudou nai valavala ca: ni dou sa sega ni lewai e na vunau, e na loloma ga.

Kalatia 4:26

Ia ko Jerusalemi maicake sai taukei, o koya na tinada kecega.

Vakarua 29:29

A ka sa vuni tu sa nei Jiova na noda Kalou; ia na ka sa tukuni mai sa noda kei na nodra na luveda ka tawa mudu, me da cakava kina na vosa kecega ni vunau oqo.

Dauveilewai 2:19

Ia ni sa mate na dauveilewai, era sa qai vuki tale, ka uasivi ira na nodra qase e na ca, ni ra muria eso na kalou tani me ra qaravi ira, ka cuva vei ira; era sa sega ni vakacegu mai na nodra i valavala, kei na nodra i tovo vakalomaqa.