Jeremaia 27:8 - Vakavakadewa Makawa

⁸ Ia na vanua kei na matanitu ena bese ni qaravi Nepukanesa na tui Papiloni, ka bese ni vakataqara ki domodra nai vua i tui Papiloni, io na vanua ko ya ka'u na cudruva, sa kaya ko Jiova, e nai seleiwau, kei na viakana, kei na mate dauveiveitauvi, ka me'u vakaoti ira mada e na ligana.

Ai Vola Tabu (Vakadewa Makawa Vakavoutaki 2021)

⁸ “ ‘ “Ia na vanua kei na matanitu ena bese ni qaravi Nepukanesa na tui Papiloni, ka bese ni vakataqara ki domodra nai vua i tui Papiloni, io na vanua ko ya ka'u na cudruva, sa kaya ko Jiova, e nai seleiwau, kei na viakana, kei na mate dauveiveitauvi, ka me'u vakaoti ira mada e na ligana.

AI VOLA TABU

⁸ Ia ena yaco, na vanua kei na matanitu ena bese ni qaravi Nipukatinesari na tui Papiloni, ka bese ni vakataqara ki domodra nai vua i tui Papiloni, io na vanua ko ya kaʼu na cudruva, sa kaya ko Jiova, e nai seleiwau, kei na viakana, kei na mate dauveitauvi, ka meʼu vakaoti ira mada e na ligana.

Vakavakadewa Vou kei na iVola tale eso

⁸ Ia kevaka e dua na vanua se matanitu ena sega ni via vakarorogo ki na nona lewa, au na totogitaka na vanua o ya ena i valu, viakana kei na mate ca me yacova ni'u sa solia vei Nepukanesa me lewa taucoko sara.” Sa i Jiova ga sa kaya oqo.

Ai Vola Tabu Ena Vakavakadewa Vou

⁸ Ia kevaka e dua na vanua se matanitu ena sega ni via vakarorogo ki na nona lewa, au na totogitaka na vanua o ya ena i valu, viakana kei na mate ca me yacova ni'u sa solia vei Nepukanesa me lewa taucoko sara.” Sa i Jiova ga sa kaya oqo.

Jeremaia 27:8 Iomraidhean Croise

Jeremaia 24:10

ia ka'u na vakayacora vei ira nai seleiwau, kei na viakana, kei na mate dauveiveitauvi, me ra takali mada mai na vanua ka'u a solia vei ira, ka vei ira na nodra qase.

Jeremaia 25:9

raica, au na talaki ka kauti ira kecega na veimataqali mai na mata ni tokalau, kei Nepukanesa na tui Papiloni na noqu tamata, sa kaya ko Jiova, ia ka'u na kauti ira vakaivalu mai ki na vanua oqo, kei na lewena, kei na veimatanitu kecega oqo sa tiko vakavolivolita, ia ka'u na vakarusai ira sara, ka cakavi ira me ra vakurabuitaki, ka vakasiusiutaki, ka me vanua rusa ka sega ni mudu.

Jeremaia 27:11

Ia na veimatanitu sa vakataqara ki domodra nai vua i tui Papiloni, me ra qaravi koya, ka'u na laivi ira ga me ra tiko e na nodra vanua, sa kaya ko Jiova; ka ra na wereca, ka tikotiko ga kina.

Jeremaia 27:13

A cava dou sa via mate kina, ko iko, kei ira na nomu tamata, e nai seleiwau, kei na viakana, kei na mate dauveiveitauvi, me vaka na ka sa tukuna ko Jiova ena yaco ki na matanitu sa bese ni qaravi tui Papiloni?

Jeremaia 28:14

Ni sa kaya vakaoqo ko Jiova ni lewe vuqa, na Kalou ni Isireli; Nai vua kaukamea, ka'u sa qai tauca ki na domodra kecega na veimatanitu oqo, me ra qaravi Nepukanesa na tui Papiloni; ia era na qaravi koya ga: ia na manumanu talega ni vanua ka'u sa solia vua.

Jeremaia 28:4

ia ko Jekonaia na luve i Jioiakimi na tui Juta, kei ira kece na Juta era bobula, era lako ki Papiloni, ka'u na kauti ira tale mai ki na yasana oqo, sa kaya ko Jiova, ni'u na musuka nai vua i tui Papiloni.

Jeremaia 29:17

Sa kaya ko Jiova ni lewe vuqa; Raica, au na vakayacora vei ira nai seleiwau, kei na viakana, kei na mate dauveiveitauvi, ka cakavi ira me ra vaka na lolo ca sa sega ni laukana rawa, ni sa ca.

Jeremaia 29:18

Ia ka'u na vakacacani ira e nai seleiwau, kei na viakana, kei na mate dauveiveitauvi, ka soli ira me ra kau tani ki na veimatanitu e vuravura; me ra vosavosacati, ka vakurabuitaki, ka vakasiusiutaki, ka vakalialiai, e na veivanua kecega ka'u sa dui vakasevi ira kina:

Jeremaia 40:9

A sa bubului vei ira ko Kitalaia na luve i Eaikami na luve i Safani, vei ira talega na nodra tamata, ka kaya, Dou kakua ni rere ni qaravi ira na kai Kalitia: dou tiko ga e na vanua, ka qaravi tui Papiloni, dou na qai vinaka kina:

Isikeli 14:21

Ni sa kaya vakaoqo na Turaga ko Jiova; Io ka vakabeka evei na kena levu cake ni ka'u sa vakauta ki Jerusalemi na noqu ka rarawa kava, nai seleiwau, kei na viakana, kei na manumanu ca, kei na mate dauveiveitauvi, me'u muduka tani maikina na tamata kei na manumanu?