Jeremaia 27:7 - Vakavakadewa Makawa

⁷ ia na veivanua kecega, ena qaravi koya, kei na luvena, kei na makubuna, ka me yaco dina mada na kena gauna ni nona vanua: io ko koya tale, ena qai qarava ga na veivanua e vuqa kei na tui lelevu eso.

Ai Vola Tabu (Vakadewa Makawa Vakavoutaki 2021)

⁷ Ia na veivanua kecega, ena qaravi koya, kei na luvena, kei na makubuna, ka me yaco dina mada na kena gauna ni nona vanua. Io ko koya tale, ena qai qarava ga na veivanua e vuqa kei na tui lelevu eso.

AI VOLA TABU

⁷ ia na veivanua kecega, ena qaravi koya kei na luvena, kei na luve ni luvena, ka me yaco dina mada na kena gauna ni nona vanua: io ko koya tale, ena qai qarava ga na veivanua e vuqa kei na tui levu e so.

Vakavakadewa Vou kei na iVola tale eso

⁷ Era na qaravi koya na veimatanitu kece sara, ka ra na qarava na luvena kei na makubuna me yacova na gauna sa na qai vakadrukai kina na nona vanua. A qai yaco na nona vanua me qaravi ira na veimatanitu qaqa kei na tui lelevu eso.

Ai Vola Tabu Ena Vakavakadewa Vou

⁷ Era na qaravi koya na veimatanitu kece sara, ka ra na qarava na luvena kei na makubuna me yacova na gauna sa na qai vakadrukai kina na nona vanua. A qai yaco na nona vanua me qaravi ira na veimatanitu qaqa kei na tui lelevu eso.

Jeremaia 27:7 Iomraidhean Croise

NA SAME 37:13

Ena dredrevaki koya na Turaga: Ni sa raica sa toro mai na nona siga.

Aisea 13:1

Na vosa ni parofisai bibi kei Papiloni, oqori ka raica ko Aisea na luve i Emosi.

Aisea 21:9

ka raica, sa lako mai oqo e dua na mataivalu sa vodo tu, ka yayarua lako. A sa vosa mai ko koya, ka kaya, Sa bale, sa bale, ko Papiloni; ia na matakau ceuceu kece ni nona kalou sa basuraka sobu ki na qele ko koya.

Jeremaia 27:22

Sa na kau ga ki Papiloni, ka na tu ga maikea ka yacova na siga ka'u na talevi ira kina, sa kaya ko Jiova; ka'u na qai kauti ira cake mai, ka vakasuka tale ki na yasana oqo.

Jeremaia 34:1

E na gauna sa veivaluti kina kei Jerusalemi, kei na kena veikoro kece, ko Nepukanesa, na tui Papiloni, kei na nonai valu kecega, kei na veiqali kece ni nona matanitu e vuravura, kei ira kece na tamata, sa qai yaco vei Jeremaia e dua na vosa maivei Jiova, ka vaka,

Jeremaia 44:30

Raica, au na soli Ferofira na tui Ijipita ki na ligadra na nona meca, kei na ligadra era segata me ra vakamatei koya: me vaka ka'u a soli Setekaia na tui Juta ki na liga i Nepukanesa na tui Papiloni, na nona meca, o koya talega ka segata me vakamatei koya.

Jeremaia 46:13

A vosa sa tukuna ko Jiova vei Jeremaia na parofita, e na vuku ni nona lako mai ko Nepukanesa na tui Papiloni, me samuta na vanua ko Ijipita.

Jeremaia 52:31

Ia e nai katolusagavulu ka vitu ni yabaki ni nona vakabobulataki ko Jioiakini na tui Juta, e nai katinikarua ni vula, e nai karuasagavulu ka lima ni siga ni vula, sa qai vueti Jioiakini na tui Juta ko Ivili-mirotaki na tui Papiloni, e nai matai ni yabaki ni nona lewa, ka kauti koya mai na vale ni veivesu:

Isikeli 30:24

Ia ka'u na vakaukauwataka na liga i tui Papiloni, ka solia na noqu i seleiwau ki na ligana: ia ka'u na musuka ga na liga i Fero, ena vutugu talega e matana e na vutugu ni tamata sa vuetaki vakaca sara.

Taniela 2:37

Sai kemuni, na tui, na nodra tui na tui: ia ko koya na Kalou ni lomalagi sa solia vei kemuni na matanitu, kei na kaukauwa, kei na gumatua, kei na lagilagi.

Taniela 4:22

sai kemuni na tui, ka sa tubu me kaukauwa mai: ni sa tubu na kemu levu, ka sa yala ki lomalagi, kei na nomuni lewa, sa yaco ki nai yalayala kei vuravura.

Apakuki 2:7

Ena sega li ni vakasauri na nodra tu cake ko ira era na kati iko, ka yadra mai ko ira era na tauri iko vakaukauwa, ia ko na qai yaco me nodra i toki ni valu?

Apakuki 2:8

Ia ko iko, ni ko sa vakacacana na veimatanitu e vuqa, ena vakacacani iko kina ko ira kece na vo ni veimataqali; e na vuku ni kedra dra na tamata, kei nai valavala vakasausa e caka e na vanua, kei na koro, kivei ira kece talega era tiko kina.

Vakatakila 14:8

A sa dua tani tale, nai karua ni agilose sa muri, ka kaya, Sa bale, sa bale ko Papiloni, na koro levu, e na vuku ni sa vagunuvi ira kecega na veimatanitu e na waini ni cudru ni nona dautagane.

Vakatakila 16:19

A sa tawase vakatikitolu na koro levu, ia sa bale na veikoro e na veivanua; a sa mai vakananumi ko Papiloni na koro levu e na mata ni Kalou, me soli kina na bilo ni waini ni nona cudru waqawaqa.