Jeremaia 27:22 - Vakavakadewa Makawa

²² Sa na kau ga ki Papiloni, ka na tu ga maikea ka yacova na siga ka'u na talevi ira kina, sa kaya ko Jiova; ka'u na qai kauti ira cake mai, ka vakasuka tale ki na yasana oqo.

Ai Vola Tabu (Vakadewa Makawa Vakavoutaki 2021)

²² Sa na kau ga ki Papiloni, ka na tu ga mai kea ka yacova na siga ka'u na talevi ira kina, sa kaya ko Jiova; ka'u na qai kauti ira cake mai, ka vakasuka tale ki na yasana oqo.”

AI VOLA TABU

²² Sa na kau ga ki Papiloni, ka maikea ena tu ga kina ka yacova na siga kaʼu na cudruvi ira, sa kaya ko Jiova; kaʼu na qai kauta cake tale mai, ka vakasuka ki na yasana o qo.

Vakavakadewa Vou kei na iVola tale eso

²² Era na kau ki Papiloni ka na tu mai kea me yacova ni'u sa talevi ira tale. Au na qai kauti ira lesu tale mai ka mai biuti ira ena vanua oqo.” Ni sai Jiova ga sa kaya oqo.

Ai Vola Tabu Ena Vakavakadewa Vou

²² Era na kau ki Papiloni ka na tu mai kea me yacova ni'u sa talevi ira tale. Au na qai kauti ira lesu tale mai ka mai biuti ira ena vanua oqo.” Ni sai Jiova ga sa kaya oqo.

Jeremaia 27:22 Iomraidhean Croise

2 Tui 25:13

Ia na duru parasa ka tu e na vale i Jiova, kei na veitutu ni taqi, kei na taqi levu parasa sa tu e na vale i Jiova, era sa vorolaka na kai Kalitia, ka kauta na kena parasa ki Papiloni.

2 Veigauna 36:21

me vakayacora na vosa i Jiova e na gusu i Jeremaia, me rekitaka mada na vanua na kena gauna ni vakacecegu: ka ni sa biu tu sa qai vakacegu tiko, ka me cava mada na yabaki e vitusagavulu.

Esera 1:11

ai yaya koula kecega kei na siliva, sa lima na udolu ka va na drau. Sa kauta cake kece ko Sesipasa, kei ira na bobula era sa kau cake mai Papiloni ki Jerusalemi.

Esera 7:19

Ai yaya talega sa soli vei iko me ia kina na cakacaka e na vale ni nomu Kalou, mo solia e na mata ni Kalou ni Jerusalemi.

Esera 7:9

Ni sa cavu tu ko koya me lako cake mai Papiloni e nai matai ni siga e nai matai ni vula, a sa yaco ki Jerusalemi e nai matai ni siga e nai kalima ni vula, ka ni sa tiko vua na liga vinaka ni nona Kalou.

Vosavakaibalebale 21:30

Sa sega na vuku, se na yalomatua, Se na bose me gumatua vei Jiova.

Jeremaia 20:5

Ia ka'u na solia na kaukauwa kecega ni koro oqo, kei na kena cakacaka kecega, kei na kena ka talei kecega, io, na nodra i yau kece talega na tui Juta ka'u na solia ki na liga ni nodra meca, a ra na tokitaka, ka taura, ka kauta ki Papiloni.

Jeremaia 27:21

io, sa kaya vakaoqo ko Jiova ni lewe vuqa, na Kalou ni Isireli, e na vuku ni yaya sa vo tiko e na vale i Jiova, kei na vale i tui Juta, kei Jerusalemi:

Jeremaia 27:7

ia na veivanua kecega, ena qaravi koya, kei na luvena, kei na makubuna, ka me yaco dina mada na kena gauna ni nona vanua: io ko koya tale, ena qai qarava ga na veivanua e vuqa kei na tui lelevu eso.

Jeremaia 29:10

Ni sa kaya ko Jiova, Me oti mada e vitusagavulu na yabaki mai Papiloni ka'u na qai talevi kemudou, ka vakayacora vei kemudou na noqu vosa vinaka, ni'u sa vakalesui kemudou tale mai ki na yasana oqo.

Jeremaia 32:5

ia ena kauti Setekaia ko koya ki Papiloni, ka na tiko ga kina ko koya ka yacova na siga ka'u na talevi koya kina, sa kaya ko Jiova: ke dou sa veivala kei ira na kai Kalitia, ke dou na sega ga ni gumatua?

Jeremaia 34:2

Sa kaya vakaoqo ko Jiova, na Kalou ni Isireli; Mo la'ki kaya vei Setekaia na tui Juta, ka tukuna vua, Sa kaya vakaoqo ko Jiova; Raica, au na solia na koro oqo ki na liga i tui Papiloni, ia ena vakama ko koya e na bukawaqa:

Jeremaia 34:3

ia ko iko, ko na sega ni dro tani rawa mai na ligana, ko na tauri vakaidina ga, ka soli ki ligana; ia drau na veirai mata kei tui Papiloni, ka veivosaki sara kaya e na gusumudrau, ia ko na yaco ga ki Papiloni.

Jeremaia 34:5

ko na mate ga e na vakacegu: ia na kama, sa kedrai loloku na nomu qase, era tui eliu ka tarava ko iko, era na vakama vakakina me kemui loloku; a ra na tagicaki iko, ka kaya, Ulei na turaga! ia ka'u sa cavuta koi au na kena vosa, sa kaya ko Jiova.

Taniela 5:23

ko ni sa vakalevulevui kemuni vei koya na Turaga ni lomalagi, ka ra sa kauta mai ki matamuni na bilo ni nona vale, ka kemuni sa gunu waini mai kina, kei ira na nomuni tamata turaga, na watimuni dina, kei na watimuni lalai, ia kemuni sa vakacaucautaka na kalou siliva, kei na kalou koula, na kalou parasa, na kalou aironi, na kalou kau, kei na kalou vatu, na ka ka sega ni rai, se rogo, se kila ka rawa: ia na Kalou, sa tiko e ligana na nomuni cegu, ka sa lewa na nomuni lakolako kece, ko ni sa sega ni doka:

Taniela 9:2

e nai matai ni yabaki ni nona lewa, koi au ko Taniela, ka'u a kila mai nai vola nai wiliwili ni yabaki, sa yaco kina na vosa vei Jeremaia na parofita, ni na vitusagavulu mada na yabaki na kena lala tu ko Jerusalemi.