Jeremaia 27:18 - Vakavakadewa Makawa

¹⁸ Ia kevaka era sa parofita dina, kevaka sa tiko vei ira na vosa i Jiova, me ra ia mada na veimasulaki vei Jiova ni lewe vuqa, me kakua ga ni kau ki Papiloni nai yaya sa vo tu e na vale i Jiova, kei na vale i tui Juta, kei Jerusalemi.

Ai Vola Tabu (Vakadewa Makawa Vakavoutaki 2021)

¹⁸ Ia kevaka era sa parofita dina, kevaka sa tiko vei ira na vosa i Jiova, me ra ia mada na veimasulaki vei Jiova-ni-lewevuqa, me kakua ga ni kau ki Papiloni nai yaya sa vo tu e na vale i Jiova, kei na vale i tui Juta, kei Jerusalemi.

AI VOLA TABU

¹⁸ Ia kevaka era sa parofita dina, kevaka sa tiko vei ira na vosa i Jiova, me ra ia mada na veimasulaki vei Jiova ni lewe vuqa, me kakua ga ni kau ki Papiloni nai yaya sa vo tu e na vale i Jiova, kei na vale i tui Juta, kei Jerusalemi.

Vakavakadewa Vou kei na iVola tale eso

¹⁸ Kevaka era sa noqu parofita dina, kevaka talega e tu vei ira na noqu vosa, laiva me kau tani ki Papiloni na vo ni veiyaya vakatui mai Jerusalemi.

Ai Vola Tabu Ena Vakavakadewa Vou

¹⁸ Kevaka era sa noqu parofita dina, kevaka talega e tu vei ira na noqu vosa, laiva me kau tani ki Papiloni na vo ni veiyaya vakatui mai Jerusalemi.

Jeremaia 27:18 Iomraidhean Croise

Vakatekivu 20:17

A sa masuta na Kalou ko Eparaama: a sa vakabulai Apimeleki na Kalou, kei na watina kei iratou na nona vada; a ra sa vakasucu.

1 Tui 18:24

ia mo ni masu ki na yaca ni nomuni kalou, ia ka'u na masu ki na yaca i Jiova; ia na kalou sa vosa mai e na bukawaqa, me Kalou ga ko koya. A ra sa vosa kecega na tamata, ka kaya, Sa vinaka na vosa.

1 Tui 18:26

A ra sa kauta na pulumokau sa soli vei ira, a ra sa vakarautaka, a ra sa qai masu ki na yaca i Peali e na mataka, ka sigalevutaka, a ra sa kaya, I Peali, mo rogoci keimami mai. A sa sega na domo e rorogo, se dua e vosa mai. A ra sa ladeva nai cabocabo-ni-soro sa caka.

2 Veigauna 32:20

Ia e na vuku ni ka oqo, sa masu ka tagi ki lomalagi ko Esekaia na tui, kei Aisea na parofita, na luve i Emosi.

Jeremaia 15:1

Sa qai kaya vei au ko Jiova, Ke rau tu e mataqu ko Mosese kei Samuela, ke sega ni gole rawa kina na lomaqu vei ira na tamata oqo: biuti ira tani me'u kua ni raica, me ra lako tani ga.

Jeremaia 18:20

Me saumi beka na vinaka e na ca? ka ni ra kelia nai keli me'u mate kina. Mo ni nanuma ni'u a tu e matamuni me vosa vinaka e na vukudra, ka me'u saumaka tani na nomuni cudru mai vei ira.

Jeremaia 42:2

a ra sa kaya vei Jeremaia na parofita, Me vinaka mada na neimami vakamamasu e matamu, ia mo masulaki keimami vei Jiova na nomu Kalou, io koi keimami kecega oqo sa vo tiko; (ni ko sa raici keimami ka lewe lailai sa vo vei ira na lewe vuqa:)

Jeremaia 7:16

Ia ko iko, mo kakua ni masulaki ira na tamata oqo, mo kakua talega ni ia e na vukudra na tagi se na masu, mo kakua talega ni ia na veimasulaki vei au: ni'u na sega ni rogoci iko.

Isikeli 14:14

ke ratou tiko kina na tamata tolutolu oqo, ko Noa, kei Taniela, kei Jope, ke ratou na dui vakabula ga na yalodratou e na nodratou yalododonu, sa kaya na Turaga ko Jiova.

Isikeli 22:30

Ia ka'u a qara vei ira e dua na tamata, me cakava na bai ni were, ka tu e na tiki ni bai e basuki me soro vei au e na vuku ni vanua, me'u kakua ni vakarusa: ia ka'u sega ni kunea e dua.

Malakai 1:9

Ia oqo, ka'u masuti kemudou mo dou kerekere mada vua na Kalou, me lomani keda mai: sai kemudou ga e vuna na ka oqori: me na vakadonui kemudou li ko koya? sa kaya ko Jiova ni lewe vuqa.

1 Samuela 12:19

A ra sa kaya vei Samuela ko ira kecega na tamata, Mo masulaki keimami na nomu tamata vei Jiova na nomu Kalou, me keimami kakua ni mate: ni keimami sa kuria na neimami valavala ca kecega e na ca oqo, ni keimami sa kerea e dua na neimami tui.

1 Samuela 12:23

Ia koi au, me'u kakua sara ni cala vei Jiova ni ka'u sa cegu ni masulaki kemuni: ia ka'u na vakavulici kemuni e nai valavala vinaka ka dodonu:

1 Samuela 7:8

A sa kaya vei Samuela ko ira na Isireli, Mo kakua ni cegu ni tagi vei Jiova na noda Kalou e na vukuda, me vakabulai keda mai vei ira na kai Filisitia.