Jeremaia 26:5 - Vakavakadewa Makawa

⁵ ka sega ni vakarorogo ki na vosa ni noqu i talatala na parofita, ko ira ka'u sa tala vei kemudou, ka sou e na mataka me'u tala, ia dou a sega ga ni vakarorogo;

Ai Vola Tabu (Vakadewa Makawa Vakavoutaki 2021)

⁵ ka mo dou vakarorogo ki na vosa ni noqu tamata na parofita, ko ira ka'u sa tala vei kemudou—ka dou a sega ga ni vakarorogo—

AI VOLA TABU

⁵ me vakarorogo ki na vosa ni noqui talatala na parofita, o ira kaʼu sa tala vei kemudou, ka sou e na sabogibogi me tala, ia dou a sega ga ni vakarorogo;

Vakavakadewa Vou kei na iVola tale eso

⁵ ka rogoca na nodra vosa na noqu dauveiqaravi na parofita au sa talai ira tiko yani vei kemuni, ia o ni sa sega ni rogoci ira.

Ai Vola Tabu Ena Vakavakadewa Vou

⁵ ka rogoca na nodra vosa na noqu dauveiqaravi na parofita au sa talai ira tiko yani vei kemuni, ia o ni sa sega ni rogoci ira.

Jeremaia 26:5 Iomraidhean Croise

2 Tui 17:13

A sa vakarota matua ko Jiova vei ira na Isireli, kei ira na Juta, e na gusudra na nona parofita kecega, kei ira kecega na rairai, ka kaya, Dou lesu mada mai na nomudou i valavala ca, ka vakabauta na noqu vunau, kei na noqu i lesilesi, me vaka na vunau kece ka'u a vakarota vei ira na nomudou qase, ka'u a tukuna talega vei kemudou e na gusudra na noqu i talatala na parofita.

2 Tui 17:23

ka yacova na gauna sa biuti ira tani kina na Isireli ko Jiova mai na matana, me vaka ka kaya ko koya e na gusudra kecega na nonai talatala na parofita. A sa kau tani kina ko ira na Isireli, mai na nodra vanua ki Asiria, ka yacova na gauna oqo.

2 Tui 24:2

A sa vakauqeta ko Jiova na veimataivalu ni kai Kalitia, kei na veimataivalu ni kai Siria, kei na veimataivalu na kai Moapi, kei na veimataivalu ni luve i Amoni, a sa talai ira me ra vala kei ira na Juta me vakarusai ira, me vaka na vosa i Jiova, ka vosataka ko koya e na gusudra na nonai talatala na parofita.

2 Tui 9:7

Ia ko na mokuta na mataqali i Eapi na nomu turaga, ka me'u cudruvaka vei Jesepeli na kedra dra na noqu i talatala na parofita, kei na kedra dra nai talatala kecega i Jiova.

Esera 9:11

ko ni sa vakarota e na gusudra na nomuni talatala na parofita, ni kemuni sa kaya, A vanua dou sa lako kina mo dou taukena, sa vanua dukadukali, e na nodra dukadukali na lewe ni veivanua, e na nodra ka vakasisila, sa sinai kina e na nodra dukadukali, mai na kenai yalayala e dua ki na kenai yalayala kadua.

Jeremaia 11:7

Ni'u a vakadreta sara vei ira na nomudou qase e na siga ka'u a kauti ira cake kina mai na vanua ko Ijipita, ka yacova na siga oqo, ka'u sa sou e na mataka ka vakadreta ka kaya, Dou vakarogoca na noqu vosa.

Jeremaia 29:19

ka ni ra sa sega ni rogoca na noqu vosa, sa kaya ko Jiova, o koya ka'u sa talai ira na noqu i talatala na parofita me ra tukuna, ka'u sa sou e na mataka ka tala, ia dou a sega ni vakarogoca, sa kaya ko Jiova.

Jeremaia 32:33

A ra sa vakanadakui au, ka sega ni vakanamata vei au: ia ka'u a vakavulici ira, ka sou e na mataka me'u vakavulica, a ra sa sega ni vakarorogo me ra vakavulici kina:

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 35:17

o koya oqo sa kaya kina ko Jiova ni lewe vuqa, na Kalou ni Isireli; Raica, au na vakayacora kivei ira na Juta kei ira kece na kai Jerusalemi na ca kecega ka'u sa cavuta me yaco vei ira; ni'u sa vosa vei ira, ka ra sa sega ni goleva; ka'u sa kacivi ira, ka ra sa sega ni rogo mai.

Jeremaia 44:4

Ia ka'u a talai ira kecega na noqu i talatala vei kemudou, ka sou e na mataka me'u tala, ka kaya, Dou kakua sara mada ni cakava na ka vakasisila oqo ka'u sa cata.

Jeremaia 7:13

Ia oqo, ni dou sa cakava na cakacaka kece oqo, sa kaya ko Jiova, io, ka'u a vosa tikoga vei kemudou, ka sou e na mataka me'u vosa vei kemudou, dou a sega ga ni goleva; ia ka'u a kaci yani, ka dou a sega ni rogo mai;

Jeremaia 7:25

Mai na siga era sa lako mai kina na nomudou qase mai na vanua ko Ijipita ka yacova na siga oqo, ka'u a talai ira kecega na noqu parofita vei kemudou e na veisiga, ka'u a sou e na mataka ka tala:

Isikeli 38:17

Sa kaya vakaoqo na Turaga ko Jiova; Sai iko li ka'u a vosa kina eliu e na gusudra na noqu tamata na parofita ni Isireli, sa ra parofisai e na gauna ko ya me vuqa mada na yabaki ka'u na qai kauti iko mai vei ira?

Emosi 3:7

E dina, ena sega ni vakayacora e dua na ka na Turaga ko Jiova, ena vakaraitaka mada ga na nona vosa vuni vei ira na nonai talatala na parofita.

Sakaraia 1:6

Ia na noqu vosa kei na noqu i lesilesi, ka'u a vunautaka vei ira na noqu i talatala na parofita, sa sega ni vauci ira li na nomudou qase? io, era a lesu mai, ka kaya, Me vaka na ka sa nanuma ko Jiova ni lewe vuqa me cakava vei keimami, me vaka na neimami tovo, kei na neimami valavala, sa caka vakakina vei keimami.

Vakatakila 10:7

ia e na gauna ni domo i koya nai kavitu ni agilose, ni sa vakatekivu ko koya me uvuca, ena vakaoti vinaka na ka vuni ni Kalou, me vaka na nona vosa vinaka vei ira na nonai talatala na parofita.

Vakatakila 11:18

O ira na veimatanitu era sa cudru, ia sa yaco dina mai na nomuni cudru, kei na nodra gauna na mate, me ra saumi kina, mo ni solia talega vei ira na nomuni talatala na parofita na kedrai sau, vei ira talega na tamata yalosavasava, vei ira talega era rerevaka na yacamuni, se ra turaga se ra tamata lalai; mo ni vakawabokotaki ira era sa vakawabokotaki vuravura.