Jeremaia 26:13 - Vakavakadewa Makawa

¹³ o koya oqo dou vakavinakataka na nomudou i tovo kei na nomudou i valavala, ka vakarorogo ki na domo i Jiova na nomudou Kalou; ena qai veivutunitaka ko Jiova na ca sa kaya ena yacovi kemudou.

Ai Vola Tabu (Vakadewa Makawa Vakavoutaki 2021)

¹³ O koya oqo dou vakavinakataka na nomudou i tovo kei na nomudou i valavala, ka vakarorogo ki na domo i Jiova na nomudou Kalou; ena qai veivutunitaka ko Jiova na ca sa kaya ena yacovi kemudou.

AI VOLA TABU

¹³ o koya o qo dou cakava kina me vinaka na nomudou sala kei na nomudoui valavala, ka vakarorogo ki na domo i Jiova na nomudou Kalou; ena qai veivutunitaka ko Jiova na ca sa cavuta me kemudou.

Vakavakadewa Vou kei na iVola tale eso

¹³ O koya oqo mo ni na veisautaka na nomuni vakarau kei na nomuni tovo ka muria na nona vosa na Turaga na nomuni Kalou. Ena qai veisautaka na lomana o Jiova ka na sega ni vakayacora na veivakarusai sa tukuna me yaco vei kemuni.

Ai Vola Tabu Ena Vakavakadewa Vou

¹³ O koya oqo mo ni na veisautaka na nomuni vakarau kei na nomuni tovo ka muria na nona vosa na Turaga na nomuni Kalou. Ena qai veisautaka na lomana ko Jiova ka na sega ni vakayacora na veivakarusai sa tukuna me yaco vei kemuni.

Jeremaia 26:13 Iomraidhean Croise

Lako Yani 32:14

A sa veivutunitaka ko Jiova na ca sa kaya ena vakayacora vei ira na nona tamata.

Aisea 1:19

Kevaka dou vakadinata ka vakarorogo, dou na kania na veta ni vuata.

Aisea 55:7

me biuta mada na nonai tovo na tamata ca, kei na nona vakanananu na tamata daucaka cala; ka me lesu mai ko koya vei Jiova, ena yalololoma vua, io vei koya na noda Kalou, ni na gugumatua ni lomana:

Jeremaia 11:4

ka'u a vakarota vei ira na nomudou qase e na siga ka'u a kauti ira kina mai na vanua ko Ijipita, mai na lovo kaukamea, ka kaya, Dou vakarogoca na noqu vosa, ka muria me vaka na ka kecega ka'u sa vakarota vei kemudou: dou na yaco kina mo dou noqu tamata, ia koi au ka'u na yaco me'u nomudou Kalou:

Jeremaia 18:11

Ia oqo, mo vosa vei ira na Juta, kei na lewe i Jerusalemi, ka kaya, Sa kaya vakaoqo ko Jiova; Raica, au sa tulia na ca kivei kemudou, ia ka'u sa vakananuma e dua na lewa e na vukumudou: dou dui lesu mada mai na nomudou i tovo ca, ka vakavinakataka na nomudou i tovo kei na nomudou i valavala.

Jeremaia 18:8

kevaka ena lesu na vanua ko ya mai na nodra ca, ka'u a lewa me ra ca kina, ka'u na qai veivutunitaka na ca ka'u a nanuma me'u cakava vei ira.

Jeremaia 26:19

Sa ra vakamatei koya li ko Esekaia na tui Juta kei ira na Juta kecega? sa sega ni rerevaki Jiova beka ga ko koya, ka masuti Jiova, ka sa veivutuni mai ko Jiova e na vuku ni ca sa kaya ena caka vei ira? Ia de sa da vakayacora kina vei keda na ca levu.

Jeremaia 26:3

era na vakarorogo beka, ka lesu na tamata yadua mai na nonai tovo ca, me'u veivutunitaka na ca, ka'u sa nakita me'u cakava vei ira ni sa ca na nodra i valavala.

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 36:3

Era na rogoca beka ko ira na mataqali i Juta na ca kecega ka'u sa nakita me'u cakava vei ira; me ra dui lesu kina ko ira yadua mai na nona sala ca; ia me'u bokoca kina na nodra caka cala kei na nodra i valavala ca.

Jeremaia 38:20

Sa qai kaya ko Jeremaia, Era na sega ni soli kemuni. Mo ni vakarorogo mada ki na vosa i Jiova, ka'u sa tukuna vei kemuni: ko ni na qai vinaka kina, ia ena bula kina na yalomuni.

Jeremaia 42:10

Kevaka dou na tiko dina ga e na vanua oqo, au na qai tarai kemudou cake, ka sega ni talaraki kemudou sobu, au na tei kemudou, ka sega ni cavuti kemudou cake: ni'u sa veivutuni e na vuku ni ca ka'u sa cakava vei kemudou.

Isikeli 33:11

Mo kaya vei ira, Me vaka na dina ni noqu bula, sa kaya na Turaga ko Jiova, au sa sega ni vinakata me mate na tamata ca; au vinakata ga me lesu mai na tamata ca mai na nonai tovo, ka me bula: dou lesu mai, dou lesu mai mai na nomudou i tovo ca; e na vuku ni cava dou sa via mate kina, koi kemudou na mataqali i Isireli?

Joeli 2:14

O cei sa kila, se na lesu beka ga ko koya ka veivutuni, ka laiva ki muri na ka ni veivakalougatataki; io, nai madrali laukana kei nai madrali gunuvi vei Jiova na nomudou Kalou?

Jona 3:9

O cei e kila de sa na saumaki beka na Kalou ka veivutuni, ka lesu mai na nona cudru waqawaqa, me da kakua ni rusa?

Jona 4:2

A sa masu vei Jiova, ka kaya, Kemuni Jiova, sai koya ga oqo ka'u a kaya ni'u a tiko e na noqu vanua, se segai? sai koya talega oqo ka'u a dro vakatotolo kina ki Tasisi: ni'u a kila ko ni sa Kalou daulomasoli, ka yalololoma, ka cudru vakamalua, ka dauyalovinaka, ka sa dauveivutuni e na vuku ni ca.

Vakarua 32:36

Ena lewai ira na nona tamata ko Jiova, Ka veivutuni e na vukudra na nonai talatala, Ni sa raica sa oti na nodra kaukauwa, Ka sa sega e dua sa sogolati se dua sa lako voli.

Iperiu 5:9

ia ni sa vakarautaki oti, sa yaco me vu ni bula tawa mudu vei ira kecega sa talairawarawa vua;

Dauveilewai 2:18

Ia ni sa vakatubura vei ira ko Jiova eso na dauveilewai, sa tiko vata kaya na dauveilewai ko Jiova, ka sa vakabulai ira mai na ligadra na nodra meca e na gauna kecega ni dauveilewai: ni sa veivutuni ko Jiova e na vuku ni nodra vuturi e na matadra era dauvakacacani ira ka dauvakararawataki ira.