Jeremaia 25:3 - Vakavakadewa Makawa

³ Mai nai katinikatolu ni yabaki i Josaia na luve i Emoni na tui Juta, ka yacova na siga oqo, sa kenai karuasagavulu ka tolu ni yabaki, sa yaco tiko vei au na vosa i Jiova, ia ka'u a vosa tikoga vei kemudou, ka sou e na mataka me'u vosa; ia dou a sega ni vakarorogo.

Ai Vola Tabu (Vakadewa Makawa Vakavoutaki 2021)

³ “Mai nai katinikatolu ni yabaki i Josaia na luve i Emoni na tui Juta, ka yacova na siga oqo, sa kenai karuasagavulu ka tolu ni yabaki, sa yaco tiko vei au na vosa i Jiova, ia ka'u a vosa tikoga vei kemudou, ka sou e na mataka me'u vosa; ia dou a sega ni vakarorogo.

AI VOLA TABU

³ Mai nai katinikatolu ni yabaki i Josaia na luve i Amoni na tui Juta, ka yacova na siga o qo, sa kenai karuasagavulu ka tolu ni yabaki, sa yaco vei au na vosa i Jiova, ia kaʼu a vosa tikoga vei kemudou, ka sou e na sabogibogi me vosa; ia dou a sega ni vakarorogo.

Vakavakadewa Vou kei na iVola tale eso

³ Ena loma ni ruasagavulu katolu na yabaki, mai na i katini katolu ni yabaki sa tui kina e Juta o Josaia na luve i Amoni me yacova na siga edaidai e a vosa kina vei au o Jiova, ka'u sa ia tikoga na tukuna vei kemuni na nona vosa. Ia o ni a sega sara ni bau kauwaitaka.

Ai Vola Tabu Ena Vakavakadewa Vou

³ Ena loma ni ruasagavulu katolu na yabaki, mai na i katini katolu ni yabaki sa tui kina e Juta o Josaia na luve i Amoni me yacova na siga edaidai e a vosa kina vei au ko Jiova, ka'u sa ia tikoga na tukuna vei kemuni na nona vosa. Ia o ni a sega sara ni bau kauwaitaka.

Jeremaia 25:3 Iomraidhean Croise

Vakatekivu 22:3

A sa sou e na mataka ko Eparaama, ka vauca nai vodovodo ki na nona asa, ka kauta vata kaya e le rua na nona cauravou, kei Aisake na luvena, ka taya na buka ni soro kama, ka ia, ka lako vaka ki na yasana ka vosa kina vua na Kalou.

1 Tui 22:3

A sa kaya vei ira na nona tamata ko tui Isireli, Dou sa kila beka ni sa noda ko Remoci mai Kiliati? ia eda sa tiko wele ga, ka sega ni taura maivei koya na tui Siria.

2 Tui 17:13

A sa vakarota matua ko Jiova vei ira na Isireli, kei ira na Juta, e na gusudra na nona parofita kecega, kei ira kecega na rairai, ka kaya, Dou lesu mada mai na nomudou i valavala ca, ka vakabauta na noqu vunau, kei na noqu i lesilesi, me vaka na vunau kece ka'u a vakarota vei ira na nomudou qase, ka'u a tukuna talega vei kemudou e na gusudra na noqu i talatala na parofita.

2 Veigauna 24:19

Ia sa tala eso na parofita vei ira ko koya, me vakalesui ira tale kivei Jiova; a ra sa beitaki ira e na nodra i valavala: ka ra sa bese ga ni rogoca.

2 Veigauna 34:1

Sa yabaki walu ko Josaia ni sa buli me tui, ka sa lewa mai Jerusalemi ka yabaki tolusagavulu ka dua.

2 Veigauna 34:3

A sa vakatekivu ko koya me vakasaqara na Kalou i Tevita na tamana, e nai kawalu ni yabaki ni nona lewa, ni sa gone tiko: ia e na kenai katinikarua ni yabaki, sa vakatekivu me vakasavasavataki Juta kei Jerusalemi mai na veiyasana cecere, kei na kalouyalewa ni veikau, kei na matakau ceuceu, kei na matakau sa vakawaicalataki.

2 Veigauna 34:8

Ia e na kenai katinikawalu ni yabaki ni nona lewa, ni sa vakasavasavataka oti na vanua, kei na vale ni soro, sa talai Safani na luve i Asalaia, kei Meesea na turaga ni koro, kei Joa na luve i Joasi o koya ka dauvola na ka ni matanitu, me ratou vakavinakataka na vale i Jiova na nona Kalou.

2 Veigauna 36:15

A sa talai ira na nonai talatala kivei ira ko Jiova na Kalou ni nodra qase, sa sou e na mataka, ka talai ira; ni sa yalololoma ko koya vei ira na nona tamata, kei na yasana sa dautiko kina ko koya.

NA SAME 81:13

Ke ra sa vakarorogo mada vei au ko ira na noqu tamata, Ka muria ga na noqu sala ko ira na Isireli:

Lako Yani 8:20

A sa kaya vei Mosese ko Jiova, Mo sou e na mataka, ka la'ki tu e na mata i Fero; raica, sa lako mai ki na wai; ia mo kaya vua, Sa kaya vakaoqo ko Jiova, Mo laivi ira na noqu tamata me ra lako, me ra qaravi au:

Aisea 55:2

A cava dou sa volitaka kina na nomudou i lavo e na ka sa sega ni kakana; kei na nomudou cakacaka e na ka dou sa sega ni mamau kina? dou vakarorogo sara vei au, ka kania na ka sa yaga, ia na yalomudou ena qai marautaka na ka sa uro.

Jeremaia 1:2

a sa yaco vua na vosa i Jiova e na gauna i Josaia na luve i Emoni na tui Juta, e nai katinikatolu ni yabaki ni nona lewa.

Jeremaia 11:7

Ni'u a vakadreta sara vei ira na nomudou qase e na siga ka'u a kauti ira cake kina mai na vanua ko Ijipita, ka yacova na siga oqo, ka'u sa sou e na mataka ka vakadreta ka kaya, Dou vakarogoca na noqu vosa.

Jeremaia 19:15

Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora ki na koro oqo kei na kena veikoro kecega na ca kecega ka'u a vosa kina e na vukuna, ni ra sa vakadomoqataki ira, me ra kakua ni rogoca na noqu vosa.

Jeremaia 22:21

Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Jeremaia 25:4

Ia sa tala vei kemudou ko Jiova na nonai talatala kecega na parofita, ka sou e na mataka me tala; ia dou sa sega ni vakarorogo, se vakatu daligamudou mo dou rogoca.

Jeremaia 26:5

ka sega ni vakarorogo ki na vosa ni noqu i talatala na parofita, ko ira ka'u sa tala vei kemudou, ka sou e na mataka me'u tala, ia dou a sega ga ni vakarorogo;

Jeremaia 29:19

ka ni ra sa sega ni rogoca na noqu vosa, sa kaya ko Jiova, o koya ka'u sa talai ira na noqu i talatala na parofita me ra tukuna, ka'u sa sou e na mataka ka tala, ia dou a sega ni vakarogoca, sa kaya ko Jiova.

Jeremaia 32:33

A ra sa vakanadakui au, ka sega ni vakanamata vei au: ia ka'u a vakavulici ira, ka sou e na mataka me'u vakavulica, a ra sa sega ni vakarorogo me ra vakavulici kina:

Jeremaia 35:14

Sa vakayacori na vosa i Jionatapi na Rekapaiti, ka vakarota vei ira na luvena me ra kakua ni gunu waini; ia era sa sega ni gunuva ka yacova na siga oqo, ni ra sa vakarorogo ki nai vakaro ni tamadra: ia koi au ka'u a vosa tikoga vei kemudou, ka sou e na mataka me'u vosa; ia dou a sega ga ni vakarogoci au.

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 36:1

E na kenai kava ni yabaki i Jioiakimi na luve i Josaia na tui Juta, sa yaco na vosa oqo vei Jeremaia maivei Jiova, ka vaka,

Jeremaia 36:2

Mo taura e dua nai vola vivigi, ka vola kina na vosa kecega ka'u sa tukuna vei iko ka baleti ira na Isireli, kei ira na Juta, kei na veimatanitu kecega, mai na siga ka'u a vosa kina vei iko, io mai na gauna i Josaia, ka yacova na siga oqo.

Jeremaia 44:4

Ia ka'u a talai ira kecega na noqu i talatala vei kemudou, ka sou e na mataka me'u tala, ka kaya, Dou kakua sara mada ni cakava na ka vakasisila oqo ka'u sa cata.

Jeremaia 7:13

Ia oqo, ni dou sa cakava na cakacaka kece oqo, sa kaya ko Jiova, io, ka'u a vosa tikoga vei kemudou, ka sou e na mataka me'u vosa vei kemudou, dou a sega ga ni goleva; ia ka'u a kaci yani, ka dou a sega ni rogo mai;

Jeremaia 7:25

Mai na siga era sa lako mai kina na nomudou qase mai na vanua ko Ijipita ka yacova na siga oqo, ka'u a talai ira kecega na noqu parofita vei kemudou e na veisiga, ka'u a sou e na mataka ka tala:

Isikeli 33:4

ke sa rogoca dina e dua na tamata na domo ni davui, ka sega ni vakabauta; ka sa yaco mai nai seleiwau, ka sa mate kina ko koya, sa na baleti koya duaduaga na nona mate.

Sakaraia 1:4

Dou kakua ni vakataki ira na nomudou qase, ka kaci kina ko ira na parofita eliu, ka vaka Sa kaya vakaoqo ko Jiova ni lewe vuqa; Dou lesu mada mai na nomudou i tovo ca, kei na nomudou i valavala ca: ia era a sega ga ni rogoca, se vakarorogo vei au, sa kaya ko Jiova.

Marika 1:35

Ia ni sa mataka caca sa cavu tu ko koya, a sa lako ki tautuba, ka lako ki na dua na yasana lala, ka masu kina.

Joni 8:2

Ia e na mataka caca sa lako tale mai ko koya ki na vale ni soro, a ra sa lako mai vei koya ko ira kecega na tamata; a sa tiko sobu ko koya, ka vakavulici ira.

Joni 8:47

O koya sa nona na Kalou sa rogoca na vosa ni Kalou: oqo dou sa sega kina ni rogoca, ni dou sa sega ni nona na Kalou.

2 Timoci 4:2

mo vunautaka na Vosa; gumatua e na gauna vinaka, e na gauna ca; mo tukuna na ka e ca, mo vunauci ira sa cala, mo dauvakarota tiko e nai vakavuvuli ka vosota vakalevu sara.