Jeremaia 24:9 - Vakavakadewa Makawa

⁹ ia ka'u na soli ira me ra kau tani me ra ca kina, ki na veimatanitu kecega kei vuravura, me ra vakalialiai, ka vakaiboletaki, ka veiwalitaki, ka vosavosacati, e na veiyasana kecega ka'u na dui vakasevi ira kina:

Ai Vola Tabu (Vakadewa Makawa Vakavoutaki 2021)

⁹ Ia ka'u na soli ira me ra kau tani me ra ca kina, ki na veimatanitu kecega kei vuravura, me ra vakalialiai, ka vakaiboletaki, ka veiwalitaki, ka vosavosacati, e na veiyasana kecega ka'u na dui vakasevi ira kina.

AI VOLA TABU

⁹ ia kaʼu na soli ira me ra kauti tani me ra ca kina, ki na veimatanitu kecega kei vuravura, me ra vakalialiai, ka vakaiboletaki, ka veiwalitaki ka vosavosacati e na veiyasana kecega kaʼu na dui vakasevi ira kina:

Vakavakadewa Vou kei na iVola tale eso

⁹ Au na vakayacora vei ira na rere kei na ka ca, ki na veimatanitu kecega e vuravura, na ka e veivakamaduataki, ena vosa beci, ena ka e veivakalialiai, kei na ruru ena veiyasana kecega, kau sa vakasavi ira kina.

Ai Vola Tabu Ena Vakavakadewa Vou

⁹ Au na vakayacora vei ira na rere kei na ka ca, ki na veimatanitu kecega e vuravura, na ka e veivakamaduataki, ena vosa beci, ena ka e veivakalialiai, kei na ruru ena veiyasana kecega, kau sa vakasavi ira kina.

Jeremaia 24:9 Iomraidhean Croise

1 Tui 9:7

au na qai muduki ira tani na Isireli mai na vanua ka'u a solia vei ira; ia na vale oqo ka'u sa vakatabuya ki na yacaqu, au na biuta tani e mataqu; ena daucavuti talega e nai bole ko ira na Isireli, ka na vosabecitaki vei ira na veimatanitu kecega:

2 Veigauna 7:20

au na qai cavuivuvutaki ira mai na vanua au a solia vei ira; ia na vale oqo, ka'u sa vakatabuya oti ki na yacaqu, au na biuta tani e mataqu, ia ka'u na cakava me vakaibole ca ka me vakasiusiutaki e na veimatanitu kecega.

NA SAME 69:11

Au a vakaisulutaki au talega e nai sulu taga; Ia ka'u a vakaibole kina vei ira.

Aisea 43:28

o koya oqo ka'u sa vakacacani ira kina na turaga ni vale tabu, ka soli ira na Jekope me cudruvi, kei ira na Isireli me vakarogocataki.

Aisea 65:15

Ia na yacamudou sa na tiko ga me sa cavuti ni sa ia na veivatonaki vei ira ka'u sa digitaka, ia na Turaga ko Jiova ena vakamatei iko, ka vakayacani ira na nona tamata e na dua na yaca tani:

Jeremaia 15:4

Ia ka'u na soli ira me ra veikauyaki ki na veimatanitu kecega e vuravura, e na vuku i Manasa na luve i Esekaia na tui Juta, e na vuku ni ka sa cakava e Jerusalemi.

Jeremaia 19:8

Ia ka'u na cakava na koro oqo me koro rusa, ka me vakasiusiutaki: ko ira kece era lako voli mai kina era na kidacala ka vakasiusiu e na vuku ni kena ca levu kecega.

Jeremaia 25:18

io, ko Jerusalemi, kei na veikoro e Juta, kei na nodra tui, kei na nodra turaga, me cakava me ra lala tu, me ra vakurabuitaki, ka vakasiusiutaki, ka vosavosacati; me vaka e na siga oqo;

Jeremaia 26:6

ka'u na qai cakava na vale oqo me vakataki Sailo, ia na koro oqo ka'u na cakava me ka e vosavosacati vei ira na veimatanitu e vuravura.

Jeremaia 29:18

Ia ka'u na vakacacani ira e nai seleiwau, kei na viakana, kei na mate dauveiveitauvi, ka soli ira me ra kau tani ki na veimatanitu e vuravura; me ra vosavosacati, ka vakurabuitaki, ka vakasiusiutaki, ka vakalialiai, e na veivanua kecega ka'u sa dui vakasevi ira kina:

Jeremaia 29:22

ia ko ira kece na Juta era vakabobulataki mai Papiloni, era na vatonaki rau, ka vaka, Me cakavi iko ko Jiova mo tautauvata kei Setekaia ka tautauvata kei Eapi, sa vakamai rau ko tui Papiloni e na bukawaqa;

Jeremaia 34:17

O koya oqo sa kaya kina ko Jiova; Koi kemudou, dou sa sega ni vakarorogo vei au, mo dou dui tukuna yadua na veisereki vua na wekana, kei na tamata yadua vua na kai nona: raica, au sa tukuna vei kemudou na veisereki, sa kaya ko Jiova, ki nai seleiwau, kei na mate dauveiveitauvi, kei na viakana, ia ka'u na soli kemudou mo dou kau tani ki na veimatanitu kece e vuravura.

Jeremaia 42:18

Ni sa kaya vakaoqo ko Jiova ni lewe vuqa, na nodra Kalou na Isireli; Me vaka sa sovaraki na noqu cudru kei na noqu lesa vei ira na kai Jerusalemi; ena sovaraki vakakina na noqu cudru vei kemudou, ni dou sa yaco ki Ijipita: ia dou na vatonaki, ka vakurabuitaki, ka vosavosacati, ka vakalialiai; ia dou na sega ni raica tale na yasana oqo.

Jeremaia 44:12

Ia ka'u na kauta na kena vo ni Juta, era sa gu sara me ra lako ki na vanua ko Ijipita me tiko vulagi kina, a ra na oti kece e na vanua ko Ijipita; ka bale e nai seleiwau kei na viakana: io ko ira na tamata wale kei ira talega na turaga era na mate e nai seleiwau kei na viakana: a ra na vatonaki, ka vakurabuitaki, ka vosavosacati, ka vakalialiai.

Jeremaia 44:13

Ni'u na cudruvi ira sa tiko e na vanua ko Ijipita, me vaka ka'u a cudruvi Jerusalemi, e nai seleiwau, kei na viakana, kei na mate dauveiveitauvi:

Jeremaia 44:22

Ia sa dredre ni vosota ko Jiova, e na vuku ni ca ni nomudou i valavala, kei na ka vakasisila dou sa cakava; ka sa lala kina na nomudou vanua, ka sa kurabuitaki, ka sa vosavosacati, ka sega e tiko kina, me vaka e na siga oqo.

Isikeli 23:46

Ni sa kaya vakaoqo na Turaga ko Jiova; Au na kauta cake mai kivei rau e dua nai vavakoso, ka soli rau me rau kau tani ka vakacacani.

Isikeli 25:3

ka kaya vei ira na luve i Amoni, Mo rogoca na vosa ni Turaga ko Jiova; Sa kaya vakaoqo na Turaga ko Jiova; Ni ko sa vakaueue ki na noqu vale tabu, ni sa vakacacani; kei na vanua ko Isireli, ni sa lala: kei na mataqali i Juta, ni ra sa vakabobulataki;

Isikeli 26:2

Ko iko na luve ni tamata, ni sa vosataki Jerusalemi ko Taia, ka kaya, Ue, sa ramusu ko koya ka nodra matamata-ni-koro ko ira na veimataqali; sa vuki mai vei au ko koya: au na vakavutuniyautaki, ni sa lala mai ko koya:

Isikeli 5:8

o koya oqo sa kaya kina vakaoqo na Turaga ko Jiova; Raica, koi au, ka'u sa nomu meca, io ka'u na ia e na kemudou maliwa na veicudruvi e matadra na veimatanitu.

Vakarua 28:25

Ena soli kemuni ko Jiova mo ni moku e na matadra na nomuni meca; ko ni na lako yani e na dua na sala me vala kei ira, ka kubu e na sala e vitu e matadra: ia ko ni na veikauyaki ki na matanitu kecega e vuravura.

Vakarua 28:37

Ia ko ni na yaco me ka ni veivakurabuitaki, nai bole ca, kei na ka e dredrevaki, e na kedra maliwa na matanitu kecega sa kauti kemuni kina ko Jiova.