Jeremaia 24:7 - Vakavakadewa Makawa

⁷ ia ka'u na solia vei ira na yalo me ra kilai au kina, ni sai au ko Jiova: ia era na yaco me ra noqu tamata, ka'u na yaco me'u nodra Kalou: ni ra na lesu mai vei au e na lomadra dina.

Ai Vola Tabu (Vakadewa Makawa Vakavoutaki 2021)

⁷ Ia ka'u na solia vei ira na yalo me ra kilai au kina, ni sai au ko Jiova; ia era na yaco me ra noqu tamata, ka'u na yaco me'u nodra Kalou, ni ra na lesu mai vei au e na lomadra dina.

AI VOLA TABU

⁷ ia kaʼu na solia vei ira na yalo me kilai au, ni sai au ko Jiova: ia era na yaco me noqu tamata, kaʼu na yaco me nodra Kalou: ni ra na lesu mai vei au e na lomadra dina.

Vakavakadewa Vou kei na iVola tale eso

⁷ Au na solia vei ira na Yaloqu me ra kila ni sai au o Jiova, era na qai noqu tamata, ka'u na qai nodra Kalou, ni ra sa na lesu tale mai vei au, ena vu ni yalodra dina.”

Ai Vola Tabu Ena Vakavakadewa Vou

⁷ Au na solia vei ira na Yaloqu me ra kila ni sai au ko Jiova, era na qai noqu tamata, ka'u na qai nodra Kalou, ni ra sa na lesu tale mai vei au, ena vu ni yalodra dina.”

Jeremaia 24:7 Iomraidhean Croise

2 Veigauna 6:38

a ra sa lesu vei kemuni e na lomadra taucoko, kei na vu ni yalodra taucoko, e na vanua era sa tiko vakabobula kina, ka masu ni ra rai vaka ki na nodra vanua ko ni a solia vei ira na nodra qase, na koro ko ni sa digitaka, kei na vale ka'u sa tara oti ki na yacamuni;

NA SAME 119:2

Sa kalougata ko ira era vakabauta na nona vosa, Era qarai koya e na lomadra taucoko.

Aisea 51:16

Ia ka'u sa vakacuruma na noqu vosa ki na gusumu, ia ka'u sa ubi iko e na yaloyalo ni ligaqu, me'u tea na lomalagi, ka tauyavutaki vuravura, ka kaya vei ira mai Saioni, Koi kemudou na noqu tamata.

Jeremaia 11:4

ka'u a vakarota vei ira na nomudou qase e na siga ka'u a kauti ira kina mai na vanua ko Ijipita, mai na lovo kaukamea, ka kaya, Dou vakarogoca na noqu vosa, ka muria me vaka na ka kecega ka'u sa vakarota vei kemudou: dou na yaco kina mo dou noqu tamata, ia koi au ka'u na yaco me'u nomudou Kalou:

Jeremaia 29:10

Ni sa kaya ko Jiova, Me oti mada e vitusagavulu na yabaki mai Papiloni ka'u na qai talevi kemudou, ka vakayacora vei kemudou na noqu vosa vinaka, ni'u sa vakalesui kemudou tale mai ki na yasana oqo.

Jeremaia 3:10

Ia e na ka kece talega oqo sa sega ni lesu kina vei au na tacina daulawaki ko Juta e na vu ni yalona, ia sa ka vakailasu ga, sa kaya ko Jiova.

Jeremaia 30:22

Ia dou na yaco mo dou noqu tamata, ia koi au ka'u na yaco me'u nomudou Kalou.

Jeremaia 7:23

ia na ka ga oqo ka'u a vakarota vei ira, ka kaya, Dou vakarorogo ki na noqu vosa, ka'u na qai nomudou Kalou, ia dou na vakabau mo dou noqu tamata: dou muria kece talega nai valavala ka'u a vakarota vei kemudou, mo dou vinaka kina:

Isikeli 11:17

O koya oqo mo kaya kina, Sa kaya vakaoqo na Turaga ko Jiova; Io ka'u na vakasoqoni kemudou maivei ira na veimataqali, ka vakasoqoni kemudou mai na veivanua dou sa dui vakasevi kina, ia ka'u na solia vei kemudou na vanua ko Isireli.

Isikeli 14:11

me kakua tale ni lako sese kina vei au na mataqali i Isireli, se vakadukadukalitaki tale e na nodra talaidredre kecega; me ra yaco ga me noqu tamata, koi au talega, me'u yaco me nodra Kalou, sa kaya na Turaga ko Jiova.

Isikeli 16:62

Ia ka'u na vakataudeitaka na noqu veiyalayalati kei iko; io ko na kila ni sai au ko Jiova:

Isikeli 37:23

ka ra na sega ni vakadukadukalitaki ira tale e na nodra matakau, se na nodra ka vakasisila, se dua na nodra talaidredre: ia ka'u na vakabulai ira mai na nodra i tikotiko kece, era sai valavala ca kina, ka vakasavasavataki ira: ka ra na vakabau me ra noqu tamata, ia koi au talega ka'u na yaco me'u nodra Kalou.

Isikeli 37:27

Ena tu vata talega kei ira na noqu vale: io ka'u na yaco me'u nodra Kalou, ko ira talega era na vakabau me ra noqu tamata.

Isikeli 39:22

Era na qai kila ko ira na mataqali i Isireli ni sai au ko Jiova na nodra Kalou mai na siga ko ya ka ia tiko ki muri.

Osea 2:22

ko vuravura talega ena rogo yani ki na sila, kei na waiwai, kei na waini; ia na ka talega ko ya ena rogo yani ki Jesirieli.

Sakaraia 13:9

Ia ka'u na vakauta nai katolu ni wase e loma ni bukawaqa, ka vakasavasavataki ira me vaka sa vakasavasavataki na siliva, ka vakatovolei ira me vaka sa vakatovolei na koula: era na masuta na yacaqu ko ira, ia koi au talega ka'u na rogoci ira: au na kaya, Era sa noqu tamata ko ira: ia ko ira talega era na kaya, sa neimami Kalou Ko Jiova.

Sakaraia 8:8

ia ka'u na kauti ira mai, ka ra na tiko e loma i Jerusalemi: ka ra na vakabau me noqu tamata, ia koi au, ka'u na nodra Kalou, e na yalodina kei na yalododonu.

Roma 6:17

Ia me ia na vakavinavinaka vua na Kalou, ni dou sa muria, mai na vu ni yalomudou, koi kemudou ka bobula ki nai valavala ca, nai vakarau ni vakavuvuli dou sa vakatavulici kina.

Iperiu 11:16

Ia era sa qai guta sara e dua na vanua sa vinaka cake, ko ya sa vakalomalagi: o koya ga oqo e sega kina ni madua na Kalou me vakatokai me nodra Kalou: ni sa tara ko koya e dua na koro me nodra.

Iperiu 8:10

A sa kaya ko Jiova, Sa vakaoqo na veiyalayalati ka'u na cakava vei ira na mataqali nei Isireli ni sa oti na gauna ko ya; Au na tugana na noqu vunau ki na lomadra, Ka vola e na yalodra: Ia ka'u na yaco me nodra Kalou, Ia era na yaco me noqu tamata:

1 Samuela 7:3

A sa vosa vei ira kecega na mataqali i Isireli ko Samuela, ka kaya, Kevaka kemuni sa saumaki vei Jiova e na yalomuni taucoko, mo ni biuta na nodra kalou na kai tani kei Aseteroci mai na kemuni maliwa, ka vakarautaka na yalomuni vei Jiova, ka qaravi koya duaduaga; ena qai vakabulai kemuni ko koya mai na ligadra na kai Filisitia.