Jeremaia 24:6 - Vakavakadewa Makawa

⁶ ni'u na vakaraici ira me ra vinaka kina, ka kauti ira tale mai ki na vanua oqo: ia ka'u na tarai ira cake, ka sega ni basuka sobu; ka'u na tei ira, ka sega ni cavuta:

Ai Vola Tabu (Vakadewa Makawa Vakavoutaki 2021)

⁶ Ni'u na vakaraici ira me ra vinaka kina, ka kauti ira tale mai ki na vanua oqo. Ia ka'u na tarai ira cake, ka sega ni basuka sobu; ka'u na tei ira, ka sega ni cavuta.

AI VOLA TABU

⁶ niʼu na vaqara na mataqu vei ira me ra vinaka kina, ka kauti ira tale mai ki na vanua o qo: ia kaʼu na tarai ira cake, ka sega ni basuka sobu; kaʼu na tei ira, ka sega ni cavuta:

Vakavakadewa Vou kei na iVola tale eso

⁶ Au na raica me ra vinaka kina, ia au na kauti ira tale mai ena vanua oqo. Au na tarai ira cake tale ka sega ni basuraki ira sobu, ia au na tei ira tale ka sega ni veti ira laivi.

Ai Vola Tabu Ena Vakavakadewa Vou

⁶ Au na raica me ra vinaka kina, ia au na kauti ira tale mai ena vanua oqo. Au na tarai ira cake tale ka sega ni basuraki ira sobu, ia au na tei ira tale ka sega ni veti ira laivi.

Jeremaia 24:6 Iomraidhean Croise

Vakatekivu 44:21

Ia ko a kaya vei keitou na nomuni tamata, Dou kauti koya sobu mai vei au, me raici koya na mataqu.

2 Veigauna 16:9

Ni sa veiraiyaki na mata i Jiova e vuravura taucoko, me totaki ira vakaidina sa dodonu na lomadra vua. O ni sai valavala vakalialia e na ka oqo: ia e na gauna emuri ena ia vei kemuni nai valu.

Niemaia 5:19

Mo ni nanumi au, na noqu Kalou, me'u vinaka kina, me vaka na ka ka'u sa kitaka vei ira na tamata oqo.

NA SAME 34:15

Sa vakaraici ira na tamata yalododonu ko Jiova, Ka sa qara tu na daligana ki na nodra masu.

NA SAME 44:2

Ni kemuni a vakasevi ira tani e na ligamuni na lewe ni veimatanitu, ka sa tei ira ga kina; Kemuni sa vakararawataki ira na tamata, ka sa vakasevi ira tani.

Aisea 14:1

Ni na lomani ira na Jekope ko Jiova, ka digitaki ira tale na Isireli, ka vakalesui ira ki na nodra vanua; ia ko ira na kai tani era na la'ki to vata kei ira, ka kabiti ira na mataqali i Jekope.

Aisea 60:21

Ko ira na nomu tamata, era na yalododonu kecega: era na taukena na vanua ka sega ni mudu, na sulina ka'u a tea, na cakacaka ni ligaqu, me'u vakarokorokotaki kina.

Jeremaia 1:10

Raica, ka'u sa lesi iko e na siga oqo ki na veivanua kei na veimatanitu mo cavuta laivi, ka basuka, ka vakarusa, ka talaraka, ka tara, ka tea.

Jeremaia 12:15

ia ena yaco, ni'u sa cavuti ira oti, ka'u na qai lesu mai, ka lomani ira tale, ka kauti ira tale mai, na tamata yadua ki na nona tikina, kei na tamata yadua ki na nona vanua.

Jeremaia 16:15

ia, ena kainaki ga, Sa bula ko Jiova, ko koya ka kauti ira na Isireli mai na vanua mai na tokalau, mai na veivanua talega sa dui vakasevi ira kina ko koya: ia ka'u na kauti ira tale mai ki na nodra vanua ka'u a solia vei ira na nodra qase.

Jeremaia 21:10

ni sa dua tani na mataqu ki na koro oqo me sa ca ga, me kakua ni vinaka, sa kaya ko Jiova: ena soli ga ki na liga i tui Papiloni, ia ena vakama e na bukawaqa ko koya.

Jeremaia 23:3

Ia koi au, ka'u na vakasoqoni ira vata mai na kena vo ni noqu qele ni sipi mai na veivanua kecega ka'u sa dui vakasevi ira kina, ia ka'u na kauti ira tale mai ki na nodra lomanibai; ka ra na luvea ka tubu.

Jeremaia 29:10

Ni sa kaya ko Jiova, Me oti mada e vitusagavulu na yabaki mai Papiloni ka'u na qai talevi kemudou, ka vakayacora vei kemudou na noqu vosa vinaka, ni'u sa vakalesui kemudou tale mai ki na yasana oqo.

Jeremaia 31:28

Ia ena yaco, me vaka ni'u a dauvakaraici ira, me'u cavuta, ka basuka sobu, ka talaraka, ka vakarusa, ka vakararawataka; ka'u na dauvakaraici ira vakakina me'u tara, ka me'u tea, sa kaya ko Jiova.

Jeremaia 31:4

au na baci tarai iko tale, ia ko na qai tara, ko iko na goneyalewa ni Isireli; ko na baci vakaiukuukutaki tale e na nomu tibereli, ia ko na bau yani e na nodra meke era sa ia na marau:

Jeremaia 32:37

Raica, au na vakasoqoni ira mai na veivanua kecega, ka'u sa dui vakasevi ira kina e na noqu cudru, kei na noqu lesa, kei na cudru levu; ia ka'u na kauti ira tale mai ki na yasana oqo, ka lesi ira me ra tiko vinaka:

Jeremaia 32:41

Ia ka'u na rekitaki ira me'u caka vinaka vei ira, ka'u na tei ira vakaidina ga e na vanua oqo, mai na vu ni lomaqu, kei na vu ni yaloqu.

Jeremaia 33:7

Ia ka'u na kauti ira tale mai na Juta kei ira na Isireli era vakabobulataki, ia ka'u na vakavinakataki ira tale me vaka eliu:

Jeremaia 33:9

Ia ena yaco kina me noqu na yaca rogo sa marautaki, ka vakavinavinakataki, ka vakacaucautaki, e na veimatanitu kece e vuravura, era na rogoca na ka vinaka kece ka'u sa cakava vei ira: ka ra na rere ka sautaninini e na vuku ni ka vinaka kecega kei na kena tubu cake ka'u sa vakayacora kina.

Jeremaia 39:12

Mo kauti koya, ka vakaraici koya vinaka, ka mo kakua ni cakava vua e dua na ka ca; ia mo cakava ga vua me vaka na ka sa kaya vei iko ko koya.

Jeremaia 42:10

Kevaka dou na tiko dina ga e na vanua oqo, au na qai tarai kemudou cake, ka sega ni talaraki kemudou sobu, au na tei kemudou, ka sega ni cavuti kemudou cake: ni'u sa veivutuni e na vuku ni ca ka'u sa cakava vei kemudou.

Isikeli 36:24

Ni'u na kauti kemudou mai na veimatanitu tani, ka vakasoqoni kemudou mai na veivanua kecega, ka kauti kemudou ki na nomudou vanua.

Emosi 9:14

Ia ka'u na kauti ira tale mai na noqu tamata na Isireli era vakabobulataki, ka ra na tara na veikoro lala, ka vakatawa; ka ra na tea na veiwere-ni-vaini, ka gunuva na kena waini; era na cakava talega na were, ka kania na vuana.

Vakarua 11:12

e dua na vanua sa vakaraica tiko ko Jiova na nomuni Kalou: sa qarava tikoga na mata i Jiova na nomuni Kalou, mai nai vakatekivu ni yabaki ka yacova nai vakataotioti ni yabaki.

1 Pita 3:12

Ni sa wanonovi ira na tamata yalododonu na mata ni Turaga, Ka sa qara tu na daligana ki na nodra masu; Ia sa dua tani na mata ni Turaga vei ira sai valavala ca.