Jeremaia 23:8 - Vakavakadewa Makawa

⁸ ia era na kaya ga, Sa bula ko Jiova, ko koya ka kauta cake mai ka tubera na nodra kawa na mataqali i Isireli mai na vanua ki na tokalau, kei na veivanua kecega ka'u a dui vakasevi ira kina; ka ra na tiko ga e na nodra vanua.

Ai Vola Tabu (Vakadewa Makawa Vakavoutaki 2021)

⁸ ia era na kaya ga, ‘Sa bula ko Jiova, ko koya ka kauta cake mai ka tubera na nodra kawa na vale i Isireli mai na vanua ki na vualiku, kei na veivanua kecega ka'u a dui vakasevi ira kina’; ka ra na tiko ga e na nodra vanua.”

AI VOLA TABU

⁸ ia ko ya ga, Sa bula ko Jiova, o koya ka kauta cake mai ka tubera na nodra kawa na mataqali i Isireli mai na vanua mai na mata ni tokalau, kei na veivanua kecega kaʼu a dui vakasevi ira kina; a ra na tiko ga e na nodra vanua.

Vakavakadewa Vou kei na iVola tale eso

⁸ Ia, era na bubului vei au ni sai au na Kalou bula, ka kauti ira tani mai na Isireli mai na matanitu mai cake, vaka ki na vualiku, kei na veimatanitu tale eso au a vakasavi ira kina. Ia era sa na qai mai tiko tale ena nodra vanua dina.”

Ai Vola Tabu Ena Vakavakadewa Vou

⁸ Ia, era na bubului vei au ni sai au na Kalou bula, ka kauti ira tani mai na Isireli mai na matanitu mai cake, vaka ki na vualiku, kei na veimatanitu tale eso au a vakasavi ira kina. Ia era sa na qai mai tiko tale ena nodra vanua dina.”

Jeremaia 23:8 Iomraidhean Croise

Aisea 11:11

Ia ena yaco e na siga ko ya, ena baci dodoka tale vakarua na ligana na Turaga, me vakabulai ira na kena vo ni nona tamata, era sa vo tiko, mai Asiria, kei Ijipita, kei Pacirosi, kei Kusa, kei Ilama, kei Saina, kei Emaci, kei na veiyanuyanu mai na wasawasa.

Aisea 14:1

Ni na lomani ira na Jekope ko Jiova, ka digitaki ira tale na Isireli, ka vakalesui ira ki na nodra vanua; ia ko ira na kai tani era na la'ki to vata kei ira, ka kabiti ira na mataqali i Jekope.

Jeremaia 16:14

Ia ka sa kaya vakaoqo ko Jiova, Raica, ena yaco na gauna, ena sega ni kainaki tale kina, Sa bula ko Jiova, ko koya ka kauti ira cake na Isireli mai na vanua ko Ijipita;

Jeremaia 16:15

ia, ena kainaki ga, Sa bula ko Jiova, ko koya ka kauti ira na Isireli mai na vanua mai na tokalau, mai na veivanua talega sa dui vakasevi ira kina ko koya: ia ka'u na kauti ira tale mai ki na nodra vanua ka'u a solia vei ira na nodra qase.

Jeremaia 23:3

Ia koi au, ka'u na vakasoqoni ira vata mai na kena vo ni noqu qele ni sipi mai na veivanua kecega ka'u sa dui vakasevi ira kina, ia ka'u na kauti ira tale mai ki na nodra lomanibai; ka ra na luvea ka tubu.

Jeremaia 29:14

dou na qai kunei au, sa kaya ko Jiova: ia ka'u na vakalesui kemudou mai na nomudou veivakabobulataki, ka vakasoqoni kemudou mai na veivanua kecega, kei na veiyasana kecega ka'u sa vakasevi kemudou kina, sa kaya ko Jiova; ia ka'u na kauti kemudou tale mai ki na yasana ka'u a lewa mo dou kau tani maikina.

Jeremaia 30:10

Ia ko iko Jekope na noqu tamata mo kakua ni rere, sa kaya ko Jiova; io kakua ni ko taqaya, Isireli: ni sai au, raica, ena vakabulai iko mai na vanua vakayawa, kei na nomu kawa mai na vanua era sa bobula kina; ia ena lesu mai ko Jekope, me tiko vinaka ka vakacegu, ka na sega e dua me vakarerei koya.

Jeremaia 30:3

Ni sa kaya ko Jiova, Raica, ena yaco mai na gauna ka'u na vakalesui ira tale mai kina na noqu tamata na Isireli kei na Juta era a vakabobulataki, sa kaya ko Jiova: ia ka'u na vakalesui ira tale mai ki na vanua ka'u a solia ki na nodra qase, ka ra na taukena.

Jeremaia 31:8

Raica, au na kauti ira mai na vanua mai na tokalau, ka vakasoqoni ira mai nai yalayala kei vuravura, ko ira vata kei na mataboko kei na lokiloki, kei na yalewa sa bukete kei koya sa taratara: e dua nai vavakoso levu ena lesu mai ki ke.

Jeremaia 32:37

Raica, au na vakasoqoni ira mai na veivanua kecega, ka'u sa dui vakasevi ira kina e na noqu cudru, kei na noqu lesa, kei na cudru levu; ia ka'u na kauti ira tale mai ki na yasana oqo, ka lesi ira me ra tiko vinaka:

Jeremaia 8:3

A ra na digitaka na mate ka besetaka na bula ko ira kecega na kedra vo sa vakavoci e na mataqali ca oqo, ko ira sa vakavoci e na veiyasana kecega ka'u sa dui vakasevi ira kina, sa kaya ko Jiova ni lewe vuqa.

Isikeli 28:25

Sa kaya vakaoqo na Turaga ko Jiova; Ni'u na vakasoqoni ira oti na mataqali i Isireli maivei ira na veimataqali era dui vakasevi kina, ka ni'u sa vakarokorokotaki vei ira e matadra na veimatanitu, era na qai tiko ga e na nodra vanua ka'u a solia vei Jekope na noqu tamata:

Isikeli 34:13

Ia ka'u na kauti ira tani maivei ira na veimataqali, ka vakasoqoni ira mai na veivanua, ka kauti ira ki na nodra vanua, ka vakani ira e na veiulu-ni-vanua i Isireli e na bati ni uciwai, kei nai tikotiko kece ni vanua.

Isikeli 36:24

Ni'u na kauti kemudou mai na veimatanitu tani, ka vakasoqoni kemudou mai na veivanua kecega, ka kauti kemudou ki na nomudou vanua.

Isikeli 36:35

Era na qai kaya, A vanua oqo ka lala sa qai yaco me vaka na were ko Iteni; ia na veikoro sa lekutu ka lala ka rusa sa qai viribaiti, ka sa tawa tale.

Isikeli 37:25

A ra na tiko ga e na vanua ka'u a solia vua na noqu tamata ko Jekope, na vanua era sa tiko kina ko ira na nomudou qase; ka ra na tiko kina ko ira, kei ira na luvedra, kei na makubudra ka sega ni mudu: ia ko Tevita na noqu tamata, ena nodra turaga ko koya ka sega ni mudu.

Isikeli 39:28

era na qai kila ni sai au ko Jiova na nodra Kalou, ka'u a vakauti ira tani vakabobula ki na veimatanitu tani: ia ka'u sa qai vakasoqoni ira mai ki na nodra vanua, ka sega ni vakalaiva tale yani e dua vei ira.

Joeli 3:7

Raica, au na vakayavalati ira me ra takali tani mai na yasana dou sa volitaki ira kina, ka vakasuka na kemudoui sau ki na ulumudou:

Maika 7:15

Me vaka e na gauna dou a lako mai kina mai na vanua ko Ijipita, ka'u na vakatakila vei ira na ka e veivakurabuitaki.

Sefanaia 3:20

E na gauna ko ya au na kauti kemudou mai, io, e na gauna ko ya au na vakasoqoni kemudou kina; ni'u na cakava mo dou rogo ka vakacaucautaki vei ira na veimataqali kecega e vuravura, ni'u na vakalesui kemudou mai na nomudou veivakabobulataki, sa kaya ko Jiova.