Jeremaia 23:6 - Vakavakadewa Makawa

⁶ e na nona gauna era na vakabulai kina na Juta, ia ko ira na Isireli era na tiko vinaka: ia oqo na yacana ena vakatokai kina, KO JIOVA NA NODA YALODODONU.

Ai Vola Tabu (Vakadewa Makawa Vakavoutaki 2021)

⁶ E na nona gauna era na vakabulai kina na Juta, ia ko ira na Isireli era na tiko vinaka. Ia oqo na yacana ena vakatokai kina, ‘Ko Jiova na noda Yalododonu’ (ko Jiova-sikenu).

AI VOLA TABU

⁶ e na nona gauna era na vakabulai kina na Juta, ia ko ira na Isireli era na tiko vinaka ga: ia o qo na yacana ena vakatokai kina, Ko Jiova na noda yalododonu.

Vakavakadewa Vou kei na iVola tale eso

⁶ Ena qai galala o Juta ena nona gauna ni veiliutaki ka ra na qai tiko sautu na lewe i Isireli. Era na vakatoka na tui o ya me yacana, ‘O Jiova na noda yalododonu.’

Ai Vola Tabu Ena Vakavakadewa Vou

⁶ Ena qai galala o Juta ena nona gauna ni veiliutaki ka ra na qai tiko sautu na lewe i Isireli. Era na vakatoka na tui o ya me yacana, ‘Ko Jiova na noda yalododonu.’

Jeremaia 23:6 Iomraidhean Croise

1 Tui 4:25

A sa tiko vakavinaka e na gauna kece i Solomoni ko ira na Juta kei ira na Isireli, na tamata yadua e ruku ni nona vaini, kei na ruku ni nona lolo, mai Tani ka yacovi Pieri-sepa.

NA SAME 45:5

Sa gata na nomuni gasau E na lomadra na meca ni Tui; Era sa bale e matamuni na veimatanitu.

Lako Yani 9:26

Ia e na yasana ga ko Koseni, era tiko kina na Isireli, sa sega kina na uca-cevata.

Aisea 2:4

Ia ena ia na veilewai e na vuku ni veimatanitu, ka na vunauci ira na veimataqali e vuqa: ka ra na tukitukia na nodra i seleiwau mei bati ni siviyara, kei na nodra moto mei sele ni samaki: ena sega ni lavei seleiwau e dua na matanitu ki na dua na matanitu, a ra na sega ni vulica tale nai valu.

Aisea 32:1

Raica, ena buli e dua na tui me ia na lewa dodonu, ko ira talega na turaga era na lewa vakadodonu.

Aisea 32:18

Ia ko ira na noqu tamata era na tikotiko ga e na vanua sa sautu, kei na veivale sa dei, kei nai vakavakacegu vinaka.

Aisea 33:22

Io ko Jiova sa noda turaga-ni-lewa, ko Jiova sa noda vu ni lawa, ko Jiova sa noda tui; o koya ga ena vakabulai keda.

Aisea 33:5

Sa cecere ko Jiova; ni sa tiko maicake ko koya: sa vakasinaiti Saioni ko koya e na lewa kei na cakacaka dodonu:

Aisea 35:9

Ena sega kina e dua na laioni, se dua na manumanu daukata me cabeta, se me kune kina: ko ira ga era sa vakabulai era na lako tu kina.

Aisea 42:6

koi au ko Jiova ka'u a kacivi iko e na noqu yalododonu, ka'u na taura na ligamu, ka maroroi iko, ka soli iko mo vu ni veiyalayalati kei ira na tamata, mo nodra rarama na veimatanitu tani;

Aisea 45:17

Ia ko ira na Isireli ni ra tiko kei Jiova era na vakabulai e na bula e sega ni mudu: dou na sega ni madua se taqaya ka yacova na gauna e sega ni mudu.

Aisea 54:17

nai yaragi kecega sa caka me kemu ena sega ga ni yaco; kei na yame kecega ena mai veilewai kei iko ko na vakacala ga. Oqo na nodra i votavota na tamata i Jiova, kei na nodra veivakadonui maivei au, sa kaya ko Jiova.

Aisea 7:14

Ia ko Jiova vakataki koya ga ena solia vei kemudou e dua nai vakadinadina; Raica, ena bukete e dua na goneyalewa, ena vakasucuna e dua na gonetagane, ena vakayacani koya ko Imanueli:

Aisea 9:6

Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; ena vakatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

Jeremaia 29:11

Ni'u sa kila koi au na nanuma ni yaloqu e na vukumudou, sa kaya ko Jiova, na nanuma mo dou vinaka, ka sega ni ca, ka me'u solia vei kemudou nai nuinui vinaka ni gauna emuri.

Jeremaia 30:10

Ia ko iko Jekope na noqu tamata mo kakua ni rere, sa kaya ko Jiova; io kakua ni ko taqaya, Isireli: ni sai au, raica, ena vakabulai iko mai na vanua vakayawa, kei na nomu kawa mai na vanua era sa bobula kina; ia ena lesu mai ko Jekope, me tiko vinaka ka vakacegu, ka na sega e dua me vakarerei koya.

Jeremaia 31:23

Sa kaya vakaoqo ko Jiova ni lewe vuqa, na nodra Kalou na Isireli; Era na cavuta tale na vosa oqo e na vanua ko Juta kei na kena veikoro, ni'u na kauti ira tale mai era a vakabobulataki; Mo vakalougatataki iko ko Jiova, nai tikotiko ni lewa dodonu, na ulu-ni-vanua tabu.

Jeremaia 32:37

Raica, au na vakasoqoni ira mai na veivanua kecega, ka'u sa dui vakasevi ira kina e na noqu cudru, kei na noqu lesa, kei na cudru levu; ia ka'u na kauti ira tale mai ki na yasana oqo, ka lesi ira me ra tiko vinaka:

Jeremaia 33:15

E na veisiga ko ya, kei na gauna ko ya, ka'u na vakatubura kina vei Tevita na Coke yalododonu; ia ena cakava ko koya na lewa dodonu kei na cakacaka dodonu e na vanua.

Jeremaia 33:16

E na veisiga ko ya, ena vakabulai ko Juta, ia ko Jerusalemi, ena tiko vinaka: ia oqo na yaca ena vakatokai kina, Ko Jiova na noda yalododonu.

Isikeli 21:27

Au na vukica, io vukica, io vukica, ia ena segasega tale, ka me lako mada mai ko koya sa dodonu me nona; ia ka'u na solia vua.

Isikeli 28:26

ka ra na tiko vakacegu kina, ka tara vale, ka tea na veiwere-ni-vaini; io, era na qai tiko vakacegu, ni'u sa na cudruvi ira oti kece era beci ira ka ra tiko vakavolivoliti ira; ka ra na kila ni sai au ko Jiova na nodra Kalou.

Isikeli 38:14

O koya oqo mo ia kina na parofisai, ko iko na luve ni tamata, ka kaya vei Koki, Sa kaya vakaoqo na Turaga ko Jiova: E na siga ko ya ni ra qai tiko vinaka na noqu tamata na Isireli, ko na sega beka ni kila, ne?

Isikeli 48:35

Ni sa vakavolivolita na koro sa tini ka walu na udolu na kenai vakarau: ia na yaca ni koro mai na siga ko ya, Ko Jiova-sama [Sa tiko maikina ko Jiova].

Taniela 9:24

Sa loku e vitusagavulu na wiki vei ira na kai nomu kei na nomu koro tabu, me qai tarovi na talaidredre, ka bokoci nai valavala ca, ka sorovaki na caka cala, ka vakayacori mai na cakacaka dodonu e sega ni mudu, ka me dregati na raivotu kei na parofisai, ka me lumuti ko Koya sa Yalosavasava sara.

Taniela 9:7

Sa nomuni, Turaga, na cakacaka dodonu, a sa neimami na mata madua, me vaka e na siga oqo; io koi keimami na kai Juta kei na lewe i Jerusalemi, kei na Isireli kecega, ko ira sa voleka, kei ira sa yawa; e na veivanua kece ko ni sa dui vakasevi ira yani kina, e na vuku ni nodra talaidredre era sa talaidredre kina vei kemuni.

Osea 1:11

Era na qai soqoni vata na Juta kei na Isireli, ka ra na lesia e dua me liutaki ira, ka ra na lako cake mai na vanua: ni na levu na siga i Jesirieli.

Osea 1:7

Ia ka'u na lomani ira na mataqali i Juta, ka vakabulai ira e na liga i Jiova na nodra Kalou, ia ka'u na sega ni vakabulai ira e na dakai, se nai seleiwau, se nai valu, se na ose, se vei ira era dauvodo ose.

Osea 2:18

Ia e na siga ko ya ka'u na ia na veiyalayalati e na vukudra, kei na manumanu ni vanua, kei na manumanu vuka, kei na ka sa qasi voli e na qele; ia ka'u na musuka tani mai na vanua na dakai kei nai seleiwau kei nai valu, ka lewa me ra koto sobu e na vakacegu.

Opetaia 1:17

Ia e na ulu-ni-vanua ko Saioni ena tiko na kena vo era dro bula, ena yalosavasava talega; ia na mataqali i Jekope ena taukena na nodra vanua.

Opetaia 1:21

Ka ra na lako cake mai eso nai vakabula ki na ulu-ni-vanua ko Saioni me lewa na ulu-ni-vanua i Iso; ia na matanitu ena qai nei Jiova.

Sefanaia 3:13

A kedra vo na Isireli era na sega ni cakava nai valavala e sega ni dodonu, se vosataka na ka lasu; ena sega talega ni kune e na gusudra na yame dauveivakaisini; ni ra na kana ka koto sobu, ka na sega e dua me vakarerei ira.

Sakaraia 10:6

Ia ka'u na vakaukauwataka na mataqali i Juta, ka vakabula talega na mataqali i Josefa, ka kauti ira tale mai; ni'u sa lomani ira: ia na nodra tiko oqo ena tautauvata kei na nodra tiko eliu ni'u a sega ni biuti ira tani: ni sai au ko Jiova na nodra Kalou, ia ka'u na rogoci ira.

Sakaraia 3:10

E na siga ko ya, sa kaya ko Jiova ni lewe vuqa, dou na dui kaciva na kai nomudou, me mai tiko e na ruku ni vaini, kei na ruku ni lolo.

Roma 3:22

io, sa ia na veivakadonui na Kalou e na vuku ni vakabauti Jisu Karisito, vei ira kecega era sa vakabauta; ni da sa tautauvata kecega:

1 Korinica 1:30

Ia maivei koya ga dou sa tu vata kina kei Karisito Jisu, o koya sa cakava na Kalou me vu ni vuku vei keda, ka vu ni vakadonui, ka vu ni vakasavasavataki, ka vu ni bula;

2 Korinica 5:21

O Koya sa sega vua na cala sa qisia ko koya mei soro ni nodai valavala ca; me vakayacori kina vei keda na veivakadonui ni Kalou e na vukuna.

Filipai 3:9

me keirau kune vata kaya, me kakua ni tu vei au na vakadonui, sa rawa mai na vunau, ko ya ga sa rawa e na vakabauti Karisito, na vakadonui sa mai vua na Kalou e na vuku ni vakabauta: