Jeremaia 23:5 - Vakavakadewa Makawa

⁵ Raica, sa kaya ko Jiova, ena yaco na gauna, ka'u na vakatubura kina vei Tevita e dua na Coke yalododonu, ia ena lewa e dua na Tui ka cakacaka yaco, ena ia ko koya na lewa kei na cakacaka dodonu e vuravura:

Ai Vola Tabu (Vakadewa Makawa Vakavoutaki 2021)

⁵ “Raica, sa kaya ko Jiova, ena yaco na gauna, ka'u na vakatubura kina vei Tevita e dua na Coke yalododonu, ia ena lewa e dua na Tui ka cakacaka yaco, ena ia ko koya na lewa kei na cakacaka dodonu e vuravura.

AI VOLA TABU

⁵ Raica, ena yaco na gauna, sa kaya ko Jiova, kaʼu na vakatubura kina vei Tevita e dua na Coke yalododonu, ia ena lewa e dua na Tui ka cakacaka yaco, ena ia ko koya na lewa kei na cakacaka dodonu e vuravura:

Vakavakadewa Vou kei na iVola tale eso

⁵ A sa kaya o Jiova, “Ena yaco dina mai na gauna, Au na qai digitaka kina e dua na kawa dina i Tevita me tui. Ena daumaka na nona veiliutaki ka na vinaka ka dodonu ena vanua taucoko.

Ai Vola Tabu Ena Vakavakadewa Vou

⁵ A sa kaya ko Jiova, “Ena yaco dina mai na gauna, Au na qai digitaka kina e dua na kawa dina i Tevita me tui. Ena daumaka na nona veiliutaki ka na vinaka ka dodonu ena vanua taucoko.

Jeremaia 23:5 Iomraidhean Croise

2 Samuela 23:3

Sa kaya ko koya na nodra Kalou na Isireli, Sa kaya vei au na nodra Kaukauwa na Isireli, Ko koya ka lewai ira na tamata vakadodonu, Ka lewa tiko e na rerevaki koya na Kalou;

NA SAME 45:4

Mo ni vodo lako tiko vakaturaga, mo ni mani yaco E na vuku ni dina kei na yalomalumalumu, kei nai valavala dodonu; Ka na vakavulici kemuni na ka ni veivakarerei na ligamuni matau.

NA SAME 80:15

Ka vakaruruga na ka sa tea na ligamuni matau, Kei na luvemuni ko ni a vakaukauwataka me nomuni.

NA SAME 99:4

A sa kaukauwa na tui ka sa lomana na lewa dodonu; O ni sa vakataudeitaka na ka dodonu, O ni sa vakayacora na lewa kei na cakacaka dodonu e Jekope.

Aisea 33:5

Sa cecere ko Jiova; ni sa tiko maicake ko koya: sa vakasinaiti Saioni ko koya e na lewa kei na cakacaka dodonu:

Aisea 4:2

E na gauna ko ya ena rairai vinaka ka rogo na coke i Jiova, ia na vuata ni vanua ena ka talei ka matavinaka me kedra na Isireli era sa dro bula.

Aisea 42:6

koi au ko Jiova ka'u a kacivi iko e na noqu yalododonu, ka'u na taura na ligamu, ka maroroi iko, ka soli iko mo vu ni veiyalayalati kei ira na tamata, mo nodra rarama na veimatanitu tani;

Aisea 45:24

Ena kaya na tamata, Sai Jiova ga ka'u sa donu kina ka kaukauwa; era na lako mai vei Koya ga ko ira na tamata; ia ko ira kecega era sa cudru vua era na madua.

Aisea 52:13

Raica, ena cakacaka vakavuku ko koya na noqu i talatala, ena vakalevulevui ka vakacaucautaki, ia ena cecere sara.

Aisea 53:10

Ia sa vinakata ko Jiova me qaqi koya, ka sa vakararawataka ko koya; ni sa cakava na yalona mei soro e na vuku ni valavala ca, ena qai kunea na nona kawa, ena vakadedetaka na nona gauna, ia na ka e vinakata ko Jiova ena vakayacora ga ko koya.

Aisea 53:2

Ni sa tubu cake ko koya me vaka na coke e matana, ka vaka na waka ni kau mai na qele mamaca: sa sega ni vinaka na matana ka sa sega ni vatukai vinaka na yagona; ia ni da sa raici koya, sa sega ni matavinaka ko koya me da qoroi koya kina.

Aisea 9:5

Ia na nodra i yaya kecega era sa vakaiyaragi tu ki nai valu kei na kaila ni valu, kei nai sulu sa lomoci e na dra, ena visa ga, me kena buka ni bukawaqa.

Aisea 9:6

Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; ena vakatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

Aisea 9:7

Ena sega ni oti na kena tubu na nona lewa kei na sautu, e nai tikotiko vakaturaga i Tevita, kei na nona matanitu, me vakataudeitaka, ka vakaukauwataka e na lewa dodonu kei nai valavala dodonu mai na gauna oqo ka yacova na gauna kecega. A lomakatakata i Jiova ni lewe vuqa ena vakayacora na ka oqo.

Jeremaia 22:15

Ko na lewa tiko beka e na vuku ni ko sa viribaiti iko e na sitari? a tamamu, sa sega beka ni kana ka gunu, ka cakava na lewa kei na cakacaka dodonu, ka sa qai vinaka kina ko koya?

Jeremaia 22:3

Sa kaya vakaoqo ko Jiova; Dou ia na lewa kei nai valavala dodonu, ka vakabulai koya sa vakacacani mai na liga i koya sa vakacacana: ia dou kakua ni vakararawataki ira na vulagi, kei na luveniyali; kei na yada, ka kakua ni dou vakadavea e na yasana oqo na dra sa sega ni cala.

Jeremaia 22:30

Sa kaya vakaoqo ko Jiova, Dou vola na tamata oqo me kua na luvena, me tamata sa sega ni yaco e na nona gauna: ni na sega ni yaco e dua na tamata e na nona kawa, me tiko e nai tikotiko i Tevita, ka lewa tale mai Juta.

Jeremaia 23:6

e na nona gauna era na vakabulai kina na Juta, ia ko ira na Isireli era na tiko vinaka: ia oqo na yacana ena vakatokai kina, KO JIOVA NA NODA YALODODONU.

Jeremaia 29:11

Ni'u sa kila koi au na nanuma ni yaloqu e na vukumudou, sa kaya ko Jiova, na nanuma mo dou vinaka, ka sega ni ca, ka me'u solia vei kemudou nai nuinui vinaka ni gauna emuri.

Jeremaia 30:3

Ni sa kaya ko Jiova, Raica, ena yaco mai na gauna ka'u na vakalesui ira tale mai kina na noqu tamata na Isireli kei na Juta era a vakabobulataki, sa kaya ko Jiova: ia ka'u na vakalesui ira tale mai ki na vanua ka'u a solia ki na nodra qase, ka ra na taukena.

Jeremaia 30:9

ia era na qaravi Jiova na nodra Kalou, kei Tevita na nodra tui, ko koya ka'u na vakatubura vei ira.

Jeremaia 31:27

Raica, sa kaya ko Jiova ena yaco na gauna, ka'u na kaburaka kina na mataqali i Isireli kei na mataqali i Juta e na kawa ni tamata, kei na kawa ni manumanu.

Isikeli 21:27

Au na vukica, io vukica, io vukica, ia ena segasega tale, ka me lako mada mai ko koya sa dodonu me nona; ia ka'u na solia vua.

Isikeli 34:16

Ka'u na vakasaqara oqori sa yali, ka vakauta tale mai oqori sa vakasevi, ka'u na vauca oqori sa ramusu, ka'u na vakaukauwataka oqori sa malumalumu: ia ka'u na vakarusa oqori sa dro ka kaukauwa; ka'u na vakani ira e na cudru.

Isikeli 34:29

Ia ka'u na vakatubura e dua na nodra coke sa na rogo, ka ra na sega ni takali tani tale e na vuku ni sa dausiga na vanua, se vakamaduataki tale vei ira na veimatanitu.

Isikeli 45:8

Sa na tu ga e na vanua, na nonai votavota e Isireli ia ko ira na noqu tamata turaga me ra kakua ni vakararawataki ira tale na noqu tamata; ia me ra solia na vanua vei ira na mataqali i Isireli me vaka na dui nodra veimataqali.

Taniela 9:24

Sa loku e vitusagavulu na wiki vei ira na kai nomu kei na nomu koro tabu, me qai tarovi na talaidredre, ka bokoci nai valavala ca, ka sorovaki na caka cala, ka vakayacori mai na cakacaka dodonu e sega ni mudu, ka me dregati na raivotu kei na parofisai, ka me lumuti ko Koya sa Yalosavasava sara.

Osea 1:11

Era na qai soqoni vata na Juta kei na Isireli, ka ra na lesia e dua me liutaki ira, ka ra na lako cake mai na vanua: ni na levu na siga i Jesirieli.

Osea 3:5

ka oti, era na qai lesu mai na Isireli, ka qaravi Jiova na nodra Kalou, kei Tevita na nodra tui; ka ra na rerevaki Jiova kei na nona loloma e na gauna maimuri.

Emosi 9:11

E na siga ko ya au na vakatura tale na vale i Tevita, ko ya sa bale sobu, au na viria tale na tikina sa cicila; ia na tikina ka rusa au na vakaduria, ia ka'u na tara tale me vaka e na gauna eliu:

Maika 5:3

Ia ena soli ira yani ko koya, me yaco mada na gauna me vakasucu kina ko koya sa taratara: ia ko ira na kena vo ni tacina ena qai lesu kivei ira na Isireli.

Sakaraia 3:8

Mo rogoca mada, Josua na bete levu, o iko, kei ira na nomu i tokani era tiko e matamu; (ni ra sai vakatakarakara ko ira oqo) ni sai au, raica, ka'u na kauti koya mai na noqu tamata na COKE.

Sakaraia 9:9

Mo reki vakalevu, na goneyalewa ni Saioni; mo kaikaila, na goneyalewa ni Jerusalemi: raica, ena lako mai vei iko na nomu Tui, sa yalododonu, a sa ia na veivakabulai ko koya, sa yalomalua, ka sa vodo lako e na asa, io, e na luve ni asa.

Maciu 2:2

a ra sa kaya, Evei ko koya sa sucu me nodra tui na kai Jutia? ni keitou a raica na nona kalokalo mai na tu i cake, ka keitou sa lako mai me cuva vua.

Joni 1:45

Sa kunei Nacanieli ko Filipi, ka kaya vua, Keitou sa kunei koya sa volavola kina ko Mosese e na vunau, kei ira talega na parofita, ko Jisu na kai Nasareci, a luve i Josefa.

Joni 1:49

Sa vosa ko Nacanieli, ka kaya vua. Vakavuvuli, koi kemuni na Luve ni Kalou, koi kemuni na nodra Tui na Isireli.

1 Korinica 1:30

Ia maivei koya ga dou sa tu vata kina kei Karisito Jisu, o koya sa cakava na Kalou me vu ni vuku vei keda, ka vu ni vakadonui, ka vu ni vakasavasavataki, ka vu ni bula;

Iperiu 8:8

Ia ni sa sega ni vinakata, sa kaya ko koya, Sa vosa ko Jiova, ena yaco na siga, Ka'u na cakava kina na veiyalayalati vou vei ira na mataqali nei Isireli kei na mataqali nei Juta:

Vakatakila 19:11

Ia ka'u a raici lomalagi ni sa dola tu, ka raica sa dua na ose vulavula; o koya sa vodo kina sa vakatokai ko Dodonu ka Dina, a sa lewa vakadodonu ko koya ka kitaka nai valu.