Jeremaia 23:3 - Vakavakadewa Makawa

³ Ia koi au, ka'u na vakasoqoni ira vata mai na kena vo ni noqu qele ni sipi mai na veivanua kecega ka'u sa dui vakasevi ira kina, ia ka'u na kauti ira tale mai ki na nodra lomanibai; ka ra na luvea ka tubu.

Ai Vola Tabu (Vakadewa Makawa Vakavoutaki 2021)

³ Ia koi au, ka'u na vakasoqoni ira vata mai na kena vo ni noqu qele ni sipi mai na veivanua kecega ka'u sa dui vakasevi ira kina, ia ka'u na kauti ira tale mai ki na nodra lomanibai; ka ra na vakaluveni ka tubu.

AI VOLA TABU

³ Ia koi au, kaʼu na vakasoqoni ira vata mai na kedra vo ni noqu sipi mai na veivanua kecega kaʼu sa dui vakasevi ira kina, ia kaʼu na kauti ira tale mai ki na nodra lomanibai; a ra na luvea ka tubu.

Vakavakadewa Vou kei na iVola tale eso

³ Au na qai vakasoqoni ira vata na vo-ni-bula ni noqu tamata mai na veimatanitu au a vakasavi ira kina, ka kauti ira lesu tale mai ki na nodra vanua dina. Era na vakaluveni vakalevu ka na tubu sara vakalevu na kedra i wiliwili.

Ai Vola Tabu Ena Vakavakadewa Vou

³ Au na qai vakasoqoni ira vata na vo-ni-bula ni noqu tamata mai na veimatanitu au a vakasavi ira kina, ka kauti ira lesu tale mai ki na nodra vanua dina. Era na vakaluveni vakalevu ka na tubu sara vakalevu na kedra i wiliwili.

Jeremaia 23:3 Iomraidhean Croise

NA SAME 106:47

Mo ni vakabulai keimami, Jiova na neimami Kalou, Ka soqoni keimami vata maivei ira na veimatanitu, Me keimami ia kina na vakavinavinaka ki na yacamuni tabu, Ke me daureki talega e na vakavinavinaka vei kemuni.

Jeremaia 16:15

ia, ena kainaki ga, Sa bula ko Jiova, ko koya ka kauti ira na Isireli mai na vanua mai na tokalau, mai na veivanua talega sa dui vakasevi ira kina ko koya: ia ka'u na kauti ira tale mai ki na nodra vanua ka'u a solia vei ira na nodra qase.

Jeremaia 29:14

dou na qai kunei au, sa kaya ko Jiova: ia ka'u na vakalesui kemudou mai na nomudou veivakabobulataki, ka vakasoqoni kemudou mai na veivanua kecega, kei na veiyasana kecega ka'u sa vakasevi kemudou kina, sa kaya ko Jiova; ia ka'u na kauti kemudou tale mai ki na yasana ka'u a lewa mo dou kau tani maikina.

Jeremaia 30:10

Ia ko iko Jekope na noqu tamata mo kakua ni rere, sa kaya ko Jiova; io kakua ni ko taqaya, Isireli: ni sai au, raica, ena vakabulai iko mai na vanua vakayawa, kei na nomu kawa mai na vanua era sa bobula kina; ia ena lesu mai ko Jekope, me tiko vinaka ka vakacegu, ka na sega e dua me vakarerei koya.

Jeremaia 30:3

Ni sa kaya ko Jiova, Raica, ena yaco mai na gauna ka'u na vakalesui ira tale mai kina na noqu tamata na Isireli kei na Juta era a vakabobulataki, sa kaya ko Jiova: ia ka'u na vakalesui ira tale mai ki na vanua ka'u a solia ki na nodra qase, ka ra na taukena.

Jeremaia 31:7

Ni sa kaya vakaoqo ko Jiova; Dou meke e na marau e na vuku i Jekope, ka kaikaila e na vuku i koya sa liu e na veimatanitu: dou vakarogoya, dou vakavinavinaka, ka kaya, Mo ni vakabulai ira, Jiova, na nomuni tamata, na Isireli sa vo.

Jeremaia 31:8

Raica, au na kauti ira mai na vanua mai na tokalau, ka vakasoqoni ira mai nai yalayala kei vuravura, ko ira vata kei na mataboko kei na lokiloki, kei na yalewa sa bukete kei koya sa taratara: e dua nai vavakoso levu ena lesu mai ki ke.

Jeremaia 32:37

Raica, au na vakasoqoni ira mai na veivanua kecega, ka'u sa dui vakasevi ira kina e na noqu cudru, kei na noqu lesa, kei na cudru levu; ia ka'u na kauti ira tale mai ki na yasana oqo, ka lesi ira me ra tiko vinaka:

Jeremaia 46:27

Ia ko iko, mo kakua ni rere, Jekope na noqu tamata, io kakua ni ko taqaya, na Isireli: koi au, ka'u na vakabulai iko mai na vanua vakayawa, kei na nomu kawa mai na vanua era sa bobula kina; ia ena lesu mai ko Jekope, me tiko vakacegu ka vinaka, ka sega e dua ena vakarerea.

Jeremaia 50:19

Ia ka'u na kauti Isireli tale mai ki na nonai tikotiko, ena kana ko koya mai Kameli kei Pasani, ka na vakamamautaki na yalona e na ulu-ni-vanua ko Ifireimi kei Kiliati.

Jeremaia 8:3

A ra na digitaka na mate ka besetaka na bula ko ira kecega na kedra vo sa vakavoci e na mataqali ca oqo, ko ira sa vakavoci e na veiyasana kecega ka'u sa dui vakasevi ira kina, sa kaya ko Jiova ni lewe vuqa.

Isikeli 11:17

O koya oqo mo kaya kina, Sa kaya vakaoqo na Turaga ko Jiova; Io ka'u na vakasoqoni kemudou maivei ira na veimataqali, ka vakasoqoni kemudou mai na veivanua dou sa dui vakasevi kina, ia ka'u na solia vei kemudou na vanua ko Isireli.

Isikeli 36:11

ia ka'u na vakalevutaka vei kemudou na tamata kei na manumanu; ka ra na tubu ka luvea: ka'u na vakaitaukeitaki kemudou tale me vaka na nomudou tiko eliu, ka kitaka na ka mo vinaka cake kina ka ca na nomudou tiko eliu: ia dou na kila ni sai au ko Jiova.

Isikeli 36:24

Ni'u na kauti kemudou mai na veimatanitu tani, ka vakasoqoni kemudou mai na veivanua kecega, ka kauti kemudou ki na nomudou vanua.

Isikeli 36:37

Sa kaya vakaoqo na Turaga ko Jiova; Ia me ra masuti au ko ira na mataqali i Isireli, me'u cakava vei ira na ka oqo; au na vakalewevuqataki ira na tamata me ra dua nai soqosoqo levu;

Vunau ni Soro 26:9

Ni'u na golevi kemudou, ka vakaluveataki kemudou, ka vakalewevuqataki kemudou, ka vakataudeitaka vei kemudou na noqu veiyalayalati.

Maika 2:12

Au na vakasoqoni kemudou vakaidina kece sara ga, na Jekope; au na soqoni ira dina vata na kena vo ni Isireli; au na vakatikori ira vata me vaka na sipi ni Posira, me vaka na qele ni sipi e loma ni vanua veico: era na ue vakalevu e na vuku ni tamata.

Maika 7:12

E na siga ko ya ena lako mai vei iko ko ira mai Asiria ka yacovi Ijipita, mai Ijipita talega ka yacova na Uciwai, mai na wasawasa e dua ki na wasawasa tani, mai na ulu-ni-vanua e dua ki na ulu-ni-vanua tani.