Jeremaia 23:16 - Vakavakadewa Makawa

¹⁶ Sa kaya vakaoqo ko Jiova ni lewe vuqa, Dou kakua ni vakarorogo ki na nodra vosa na parofita era sa ia na parofisai vei kemudou; era sa vakalialiai kemudou ga: era sa cavuta na raivotu wale e vu mai na lomadra ga, ka sa segai mai na gusu i Jiova.

Ai Vola Tabu (Vakadewa Makawa Vakavoutaki 2021)

¹⁶ Sa kaya vakaoqo ko Jiova-ni-lewevuqa, “Dou kakua ni vakarorogo ki na nodra vosa na parofita era sa ia na parofisai vei kemudou; era sa vakalialiai kemudou ga. Era sa cavuta na raivotu wale e vu mai na lomadra ga, ka sa segai mai na gusu i Jiova.

AI VOLA TABU

¹⁶ Sa vosa vakaoqo ko Jiova ni lewe vuqa, Dou kakua ni vakarorogo ki na nodra vosa na parofita era sa ia na parofisai vei kemudou; era sa vakalialiai kemudou ga: na raivotu wale ni lomadra ga era sa cavuta, sa sega mai na gusu i Jiova.

Vakavakadewa Vou kei na iVola tale eso

¹⁶ Sa kaya o Jiova vei ira na lewe i Jerusalemi, “Ni kakua ni rogoca na veika era kaya na parofita ni ra sa vakasinaiti kemuni ena vakanuinui mate wale. Era sa tukuna vei kemuni na veika ga era nanuma ka sega ni veika au tukuna.

Ai Vola Tabu Ena Vakavakadewa Vou

¹⁶ Sa kaya ko Jiova vei ira na lewe i Jerusalemi, “Ni kakua ni rogoca na veika era kaya na parofita ni ra sa vakasinaiti kemuni ena vakanuinui mate wale. Era sa tukuna vei kemuni na veika ga era nanuma ka sega ni veika au tukuna.

Jeremaia 23:16 Iomraidhean Croise

1 Tui 22:11

A sa cakava ko Setekaia na luve i Kinana eso nai leu vakamanumanu e na aironi; a sa kaya, Sa vosa vakaoqo ko Jiova, O ni na cumuti ira na kai Siria e na ka oqo, ka me ra oti sara.

2 Tui 17:15

A ra sa biuta na nonai lesilesi kei na nona veiyalayalati ka ia ko koya kei ira na nodra qase, kei na nona vunau ka vakaroti ira kina; a ra sa muria na ka lialia, ka yaco kina me ra lialia, ka muri ira na veimatanitu sa vakavolivoliti ira, o ira ka vakaroti ira kina ko Jiova, me ra kakua ni cakacaka me vakataki ira.

2 Veigauna 18:5

A sa vakasoqoni ira vata kina na tui Isireli, na parofita era le va na drau na tamata, ka sa kaya vei ira, Me keimami lako ki Remoci-kiliati me ia nai valu, se me'u kakua? A ra sa kaya, Ni lako ga, ka na solia na Kalou kivei koya na tui.

Vosavakaibalebale 19:27

Na luvequ mo kua ni rogoca nai vakavuvuli Mo vuki tani kina mai na vosa vuku.

Jeremaia 14:14

A sa kaya vei au ko Jiova, Sa ka lasu ga era parofisaitaka e na yacaqu ko ira na parofita: au a sega ni talai ira, au a sega ni vakaroti ira, au a sega talega ni vosa vei ira: era sa parofisaitaka ga vei kemudou na raivotu lasu, kei na vosa mana lasu, kei na ka wale, kei nai lawaki ni lomadra.

Jeremaia 2:5

Sa kaya vakaoqo ko Jiova, A caka cala cava era sa kunea vei au ko ira na tamamudou, me ra lako vakayawa tani kina vei au, ka muria na ka wale, ka ra sa sega kina ni yaga?

Jeremaia 23:21

Au a sega ni talai ira na parofita oqo, ia era sa cici ga: au a sega ni vosa vei ira, ia era sa parofisai ga.

Jeremaia 23:26

A cava na kena dede me sa tiko na ka oqo e na lomadra na parofita ko ira era sa parofisaitaka na ka lasu? io era sa parofita daulawaki ga e na lomadra ko ira;

Jeremaia 29:23

ni rau sa cakava na ka ca sara e Isireli, ka sa dauyalewa kei na wati ni kai nodrau, ka sa cavuta talega na vosa lasu ga e na yacaqu, ka'u a sega ni vakarota vei rau, oi koi au ka'u sa kila, ka tukuna, sa kaya ko Jiova.

Jeremaia 29:8

Ni sa kaya vakaoqo ko Jiova ni lewe vuqa, na Kalou ni Isireli; Me ra kakua ni vakacalai kemudou ko ira na nomudou parofita kei na nomudou rairai, era tiko e na kemudou maliwa, dou kakua talega ni rogoca na nomudou tadra dou sa cakava me tadrataki.

Jeremaia 9:12

Ko cei na tamata vuku, me kila rawa na ka oqo? ia vei cei sa vosa kina na gusu i Jiova, me sa tukuna ko koya, se cava beka sa ca kina na vanua, ka sa yavu sara me vaka na veikau, me sega e dua e lakova?

Jeremaia 9:20

Ia dou rogoca na vosa i Jiova, koi kemudou na yalewa, ka vakabauta e na daligamudou na vosa ni gusuna, ka vakavulici ira na luvemudou yalewa e na tagi, kei ira yadua na kai nona na lele.

Lele i Jeremaia 2:9

Sa bulu e na qele nai sogo ni nona matamata-ni-koro; sa vakacataka ka musuka na kena samugakagaka: A kena tui kei ira na kena turaga, era sa tiko ga e na veivanua sa sega kina na vunau; Ko ira talega na nona parofita, era sa sega ni kunea e dua na raivotu maivei Jiova.

Isikeli 13:16

io, ko ira na parofita ni Isireli era parofisaitaki Jerusalemi, ka raica na kena raivotu ni vakacegu, ka sa sega na vakacegu, sa kaya na Turaga ko Jiova.

Isikeli 13:23

ia dou na sega kina ni raica tale na ka wale; ka dou na sega talega ni cakava na ka mana lasu: ni'u na kaliraki ira na noqu tamata mai na ligamudou: ia dou na kila ni sai au ko Jiova.

Isikeli 13:3

Sa kaya vakaoqo na Turaga ko Jiova; Ena ca ko ira na parofita lialia, era muria na yalodra ka segai na ka era raica!

Isikeli 13:6

Era sa raica na ka wale kei na vosa mana lasu, ka vaka, Sa kaya ko Jiova: ia ko Jiova sa sega ni talai ira: a ra dauvakauqeti ira na tamata me ra nuitaka na kena vakadinadinataki na vosa.

Isikeli 22:28

Ia ko ira na kena parofita era sa boroi ira e nai boro ca, ni ra sa raica na ka wale, ka ia na caka mana vakailasu vei ira, ka vaka, Sa kaya vakaoqo na Turaga ko Jiova, ia ko Jiova sa sega ni vosa kina.

Maika 2:11

Ke sa dua na tamata, sa lako voli e na yalo daulasu, me na vosa lasu ka kaya, Au na parofisaitaka vei iko na waini kei na yaqona kaukauwa; sai koya ga me sa nodra parofita na tamata oqo.

Maciu 7:15

Ia dou qarauni kemudou vinaka maivei ira nai vakavuvuli vakailasu, era sa lako mai vei kemudou ka vakaisulu vaka na sipi, a ra sa wolifa daukata e lomadra.

Roma 1:21

Io, ni ra sa kila tiko na Kalou, era sa sega ni vakarokorokotaka me vaka sa Kalou, se vakavinavinaka; ia sa lialia mai na nodra nanuma, a sa butobuto mai na yalodra sa sesewa.

1 Joni 4:1

Oi kemudou sa lomani, kakua ni vakadinata na yalo kecega, ia dou vakatovolei ira na yalo se ra yalo mai vua na Kalou, se segai: ni ra sa lewe vuqa na parofita vakailasu era sa lako voli yani e vuravura.