Jeremaia 23:11 - Vakavakadewa Makawa

¹¹ Ko ira na parofita kei na bete talega era sa tamata ca, io, e na noqu vale ka'u sa kunea na nodra ca, sa kaya ko Jiova.

Ai Vola Tabu (Vakadewa Makawa Vakavoutaki 2021)

¹¹ “Ko ira na parofita kei na bete talega era sa tamata ca, io, e na noqu vale ka'u sa kunea na nodra ca, sa kaya ko Jiova.

AI VOLA TABU

¹¹ Ni sai ira na parofita kei na bete talega era sa tamata ca, io, e na noqu vale kaʼu sa kunea na nodra ca, sa kaya ko Jiova.

Vakavakadewa Vou kei na iVola tale eso

¹¹ Sa kaya ga vakaoqo o Jiova, “O ira na parofita kei na bete Era sa sega ni kila na Kalou; Au sa toboka na nodra i tovo ca Era sa dau kitaka ena Valenisoro.

Ai Vola Tabu Ena Vakavakadewa Vou

¹¹ Sa kaya ga vakaoqo ko Jiova, “O ira na parofita kei na bete Era sa sega ni kila na Kalou; Au sa toboka na nodra i tovo ca Era sa dau kitaka ena Valenisoro.

Jeremaia 23:11 Iomraidhean Croise

2 Veigauna 33:5

Ka sa cakava eso nai cabocabo-ni-soro vei ira kecega na kalokalo ni lomalagi e na rara vakabai ruarua ni vale i Jiova.

2 Veigauna 33:7

Ka sa viritura e dua na matakau ceuceu, na matakau ka cakava ko koya, e na vale ni Kalou, oqori ka vosa kina na Kalou kivei Tevita kei Solomoni na luvena, ka vaka, Au na vakatikora na yacaqu e na vale oqo, kei Jerusalemi, ko ya au sa digitaka e na nodra mataqali kecega na Isireli ka tawa mudu.

2 Veigauna 36:14

Ka ra sa caka cala vakalevu ko ira kecega sa liu vei ira na bete, kei ira na tamata, me vaka nai valavala vakasisila ni veimatanitu tani; a ra sa vakavelavelataka na vale i Jiova ka vakatabuya ko koya mai Jerusalemi.

Esera 10:18

A sa kune eso maivei ira na luvedra na bete era a veiwatini kei na yalewa tani: maivei iratou na luve i Jesua na luve i Josataki kei iratou na wekana: ko Meesea, kei Eliesa, kei Jaripi, kei Kitalaia.

Jeremaia 11:15

A cava sa mai kitaka e na noqu vale ko koya ka'u sa lomana, ni sa ia ko koya nai valavala ca levu, ia na yago savasava sa yali sara vei iko? ni ko sa caka ca, ko sa qai reki.

Jeremaia 23:15

O koya oqo sa kaya kina ko Jiova ni lewe vuqa e na vukudra na parofita; Raica, au na vakani ira e na kau gaga, ka vagunuvi ira e na wai gaga: ni sa lako yani na ka ca maivei ira na parofita ni Jerusalemi ki na vanua taucoko.

Jeremaia 32:34

ia era sa vakacuruma na nodra ka vakasisila ki na vale sa vakatokai e na yacaqu, me ra vakavelavelataka:

Jeremaia 5:31

ko iratou na parofita eratou sa parofisai vakailasu, ko ira na bete era sa lewa e na vukudratou, ia ko ira na noqu tamata era sa vinakata me vakakina: ia ka cava dou na qai cakava e na kenai tinitini?

Jeremaia 50:6

Ko ira na noqu tamata era sa sipi ka yali; ko ira na nodra i vakatawa era sa vakasesei ira, era sa vakalesui ira tani ki na veiulu-ni-vanua: ka ra sa veilakoyaki voli ki na veiulu-ni-vanua, era sa guilecava na nodra i vakavakacegu.

Jeremaia 6:13

Ni ra sa daukocokoco kecega ko ira na tamata wale kei ira talega na turaga; a ra sa cakacaka vakailasu kecega na parofita ka yacovi ira talega na bete:

Jeremaia 7:30

Ni ra sa cakava na ka ca e mataqu ko ira na Juta, sa kaya ko Jiova: era sa vakaduria na nodra ka vakasisila e na vale sa vakatokai e na yacaqu, me vakadukadukalitaka;

Jeremaia 8:10

E na vuku ni ka oqo ka'u na solia na watidra vei ira na tani, kei na nodra veiwere vei ira era na taukena: ni ra sa daukocokoco kecega ko ira na tamata wale ka yacovi ira talega na turaga, ka ra sa cakacaka vakailasu kecega na parofita ka yacovi ira talega na bete:

Lele i Jeremaia 2:20

Mo ni raica, Jiova, ka nanuma se ko cei ko ni sa cakava vua na ka oqo. Me ra kania li na luvedra ko ira na yalewa na gone lalai era keveti tiko? Me ra vakamatei li e na vale tabu ni Turaga ko ira na bete kei na parofita?

Isikeli 23:39

Ka ni rau a vakacabori ira oti na luvedrau ki na nodrau matakau, erau sa qai lako mai e na siga dina ko ya ki na noqu vale tabu me vakavelavelataka; io, sa vakaoqo na ka erau sa cakava e na noqu loma ni vale.

Isikeli 44:10

Ia ko ira na Livai sa ra lako vakayawa tani vei au, ni ra sa lako sese na Isireli, ka lako sese tani vei au me ra muria na nodra matakau; ena baleti ira dina ga na nodra caka cala.

Isikeli 7:20

Ia na nona ka vakaiukuuku ka vakaturaga, sa vakaduria ko koya me ka lagilagi sara: ia na matakau ni nodra ka vakasisila ka velavela era sa cakava kina: o koya oqo ka'u sa cakava me ka vakasisila vei ira:

Isikeli 8:11

a ra sa qarava ko ira e lewe vitusagavulu na tagane era qase ni mataqali i Isireli, ia ko Jeasanaia na luve i Safani sa tu e na kedra maliwa, ka ra dui taura e ligana na nona miqa ni ka boi vinaka; ka sa dua na o loaloa ni ka boi vinaka sa kuvu cake tu.

Isikeli 8:16

A sa kauti au ko koya ki na lomanibai e loma ni vale i Jiova, ka raica, sa tiko mai na mata ni vale i Jiova, e na tadrua ni curucuru kei nai cabocabo-ni-soro, e lewe ruasagavulu ka lima beka na tagane, era sa vakanadaku ki na vale i Jiova, ka vakanamata ki na tu-i-cake; a ra sa cuva ki na mata-ni-siga vaka ki na tu-i-cake.

Sefanaia 3:3

Era sa laioni dautagi ko ira na nona turaga; ko ira na nona turaga ni lewa era sa wolifa ni yakavi; ni ra quru sui, era sega ni sigavaka.

Sefanaia 3:4

O ira na nona parofita era sa yalodauveidokadokai, era sa tamata dauveivakaisini: ko ira na nona bete era sa vakacataka na ka e tabu, era sa kauta vakatani na vunau.