Jeremaia 22:9 - Vakavakadewa Makawa

⁹ Era na qai kaya, Ni ra sa biuta na veiyalayalati i Jiova na nodra Kalou, ka soro vei ira na kalou tani, ka qaravi ira.

Ai Vola Tabu (Vakadewa Makawa Vakavoutaki 2021)

⁹ Era na qai kaya, “Ni ra sa biuta na veiyalayalati i Jiova na nodra Kalou, ka soro vei ira na kalou tani, ka qaravi ira.” ’ ”

AI VOLA TABU

⁹ Era na qai kaya, E na vuku ni ra sa biuta na veiyalayalati i Jiova na nodra Kalou, ka sorovi ira na kalou tani, ka qaravi ira.

Vakavakadewa Vou kei na iVola tale eso

⁹ Ia era na qai sauma vakaoqo, “E baleta ga ni ra sa vakanadakuya na nodra veiyalayalati kei na Jiova na nodra Kalou ka qarava na veikalou tani.”

Ai Vola Tabu Ena Vakavakadewa Vou

⁹ Ia era na qai sauma vakaoqo, “E baleta ga ni ra sa vakanadakuya na nodra veiyalayalati kei na Jiova na nodra Kalou ka qarava na veikalou tani.”

Jeremaia 22:9 Iomraidhean Croise

1 Tui 9:8

ia e na vuku ni vale oqo, sa cecere tu, era na kurabui ko ira kece sa lako voli kina, ka vakaisaisa; a ra na kaya, E na vuku ni cava beka sa cakacaka kina vakaoqo ko Jiova ki na vanua oqo kei na vale oqo?

2 Tui 22:17

ni ra sa biuti au, ka sa vakama na ka boi vinaka ki na kalou tani eso me vakacudrui au kina e na cakacaka kecega ni ligadra; o koya ena waqa kina na noqu cudru ki na tikina oqo, ka na sega ni boko.

2 Veigauna 34:25

ni ra sa biuti au, ka vakama na ka boi vinaka vei ira na kalou tani, me ra vakacudrui au e na cakacaka kecega ni ligadra; e na vuku ni ka oqo, ena sovaraki kina na noqu cudru ki na koro oqo, ka na sega ni bokoci.

Jeremaia 11:10

era sa lesu tani ki nai valavala ca ni nodra qase eliu, era sa bese ni vakarogoca na noqu vosa, ka ra sa muria ga na kalou tani, me ra qaravi ira: era sa vakacacataka, ko ira na mataqali i Isireli kei na mataqali i Juta, na noqu veiyalayalati o koya ka'u a cakava kei ira na nodra qase.

Jeremaia 11:3

ia mo kaya vei ira, Sa kaya vakaoqo ko Jiova na nodra Kalou na Isireli; Ena ca na tamata sa sega ni vakarorogo ki na vosa ni veiyalayalati oqo,

Jeremaia 16:11

ia mo kaya vei ira, E na vukudra na nomudou qase ni ra sa biuti au, sa kaya ko Jiova, ka ra sa muria na kalou tani, ka qaravi ira, ka sorovi ira, ia era sa biuti au, ka ra sa sega ni vakabauta na noqu vunau;

Jeremaia 50:7

Ko ira kece sa kunei ira, era sa kani ira ga: ia na nodra meca era sa kaya, Keimami sa sega ni cala! ni ra sai valavala ca vei Jiova, nai tikotiko ni lewa dodonu, io, vei Jiova o koya era a vakararavi kina ko ira na nodra qase.

Jeremaia 9:13

Ka sa kaya ko Jiova, Ni ra sa biuta na noqu vunau ka'u a tauca e matadra, ka ra sa sega ni vakarorogo ki na noqu vosa se muria;

Isikeli 12:16

Ia ka'u na vakavoca vei ira e lewe vica na tamata mai nai seleiwau, kei na dausiga, kei na mate dauveiveitauvi; me ra tukuna na nodra i valavala vakasisila kecega ki na veimatanitu era na dui yaco kina; ka ra na kila ni sai au ko Jiova.

Isikeli 14:23

Ka ra na vakacegui kemudou, ni dou sa raica na nodra i tovo kei na nodra i valavala: dou na qai kila ni'u sa sega ni cakava wale na ka kece ka'u sa cakava kina, sa kaya na Turaga ko Jiova.

Isikeli 39:23

A ra na kila ko ira na veimatanitu tani ni ra sa vakabobulataki ko ira na mataqali i Isireli e na vuku ni nodra caka cala: ka ni ra sa talaidredre vei au ka'u a tabonaka kina na mataqu vei ira, ka soli ira yani ki na liga ni nodra meca, ka ra sa bale kece kina e nai seleiwau.

Isikeli 5:15

Ia ko na yaco mo ka e vakalialiai ka vosavakacacataki, me ra vakavulici kina ka vakidacalataki ko ira na veimatanitu sa tiko voliti iko, ni'u sa ia na veicudruvi e na kemudou maliwa e na cudru, kei na lesa, kei na veivunauci vakacudrucudru. Oi au ko Jiova ka'u sa tukuna.

Vakarua 29:24

ia era na kaya na veimatanitu kecega, A cava sa cakava kina ko Jiova na ka oqo ki na vanua oqo? sa vakaevei na katakata ni cudru levu oqo?