Jeremaia 22:3 - Vakavakadewa Makawa

³ Sa kaya vakaoqo ko Jiova; Dou ia na lewa kei nai valavala dodonu, ka vakabulai koya sa vakacacani mai na liga i koya sa vakacacana: ia dou kakua ni vakararawataki ira na vulagi, kei na luveniyali; kei na yada, ka kakua ni dou vakadavea e na yasana oqo na dra sa sega ni cala.

Ai Vola Tabu (Vakadewa Makawa Vakavoutaki 2021)

³ Sa kaya vakaoqo ko Jiova: Dou ia na lewa kei nai valavala dodonu, ka vakabulai koya sa vakacacani mai na liga i koya sa vakacacana. Ia dou kakua ni vakararawataki ira na vulagi, kei na luveniyali, kei na yada, ka kakua ni dou vakadavea e na yasana oqo na dra sa sega ni cala.

AI VOLA TABU

³ Sa vosa vakaoqo ko Jiova; Dou ia na lewa kei nai valavala dodonu, ka vakabulai koya sa vakacacani mai na liga i koya sa vakacacana: ia na vulagi, kei na luveniyali, kei na alewa dawai, dou kakua ni vakararawataki iratou, kei na dra tawa cala kakua ni dou vakadavea e na yasana o qo.

Vakavakadewa Vou kei na iVola tale eso

³ Sa kaya o Jiova mo ni cakava na ka dodonu kei na ka savasava. Ni taqomaka na tamata sa vakaisini mai vei koya sa veivakaisini, kakua ni cakava e dua na ka ca se vakasosataki ira na vulagi, se vei ira na luveniyali, se na yada; ni kakua ni vakamatei ira na tamata yalododonu ena vanua tabu oqo.

Ai Vola Tabu Ena Vakavakadewa Vou

³ Sa kaya ko Jiova mo ni cakava na ka dodonu kei na ka savasava. Ni taqomaka na tamata sa vakaisini mai vei koya sa veivakaisini, kakua ni cakava e dua na ka ca se vakasosataki ira na vulagi, se vei ira na luveniyali, se na yada; ni kakua ni vakamatei ira na tamata yalododonu ena vanua tabu oqo.

Jeremaia 22:3 Iomraidhean Croise

2 Samuela 23:3

Sa kaya ko koya na nodra Kalou na Isireli, Sa kaya vei au na nodra Kaukauwa na Isireli, Ko koya ka lewai ira na tamata vakadodonu, Ka lewa tiko e na rerevaki koya na Kalou;

2 Tui 24:4

ka e na vuku talega ni dra tawa cala sa vakadavea ko koya: ni sa vakasinaiti Jerusalemi e na dra tawa cala; ia na ka oqo sa sega ni via buluta ko Jiova.

Jope 22:9

Ia ko sa vakatalai ira wale na yada, ka ra sa lala tu, A sa musuki na ligadra na luveniyali.

Jope 24:9

Eso era sa kaliraka tani na luveniyali mai na mata-ni-sucu, Ka ra sa taura na nonai sulu na dravudravua mei vakadinadina ni ka;

NA SAME 68:5

A tamadra na luveniyali, kei koya sa lewa e na vukudra na yada, Na Kalou e na nonai tikotiko tabu.

NA SAME 82:4

Dou vakabula na vakaloloma kei na dravudravua: Dou vakabulai ira mai na ligadra nai valavala ca.

NA SAME 94:21

Era sa soqoni ira vata me ra vakacacana na yalona na yalododonu, Ka vakacala na tamata sa sega ni cala.

NA SAME 94:6

Era sa vakamatea na yada kei na vulagi, Ka labati ira na gone e sega ni vakatamani.

Lako Yani 22:21

Ia dou kakua ni vakararawataka e dua na vulagi, se vakasaurarataka: ni dou a vulagi mai na vanua ko Ijipita.

Lako Yani 22:22

Dou kakua ni vakararawataka e dua na yada, se dua sa sega ni vakatamani.

Vosavakaibalebale 23:10

Mo kakua ni kisira tani nai yalayala makawa ni vanua; Ia mo kakua ni curuma na nodra veiwere na luveniyali:

Vosavakaibalebale 6:17

Na mata viavialevu, na yame daulasu, Kei na liga sa vakadave dra sa sega ni cala,

Aisea 1:23

Ko ira na nomu turaga era sa dautalaidredre, a ra sa nodra i tokani na daubutako: era dui dauvinakata nai solisoli, ka daugu me saumi: Era sa sega ni ia na veilewai dodonu, e na vuku ni luveniyali, kei na kena lewa e na vuku ni yada sa sega ni yaco kivei ira.

Aisea 58:6

Sa sega li ni vakaoqo na lolo ka'u sa vinakata? mo dou sereka nai vesu sa sega ni dodonu, ka luvata nai kaukau bibi, ka sereki ira na bobula me ra lalaga, ka mo dou musuka kece talega nai vua?

Aisea 58:7

Sa vaka ne, se segai, me soli madrai vua sa viakana? ia ko ira sa rarawa ka luveniyali mo kauta ga ki na nomu vale; ni ko sa kunea e dua sa luvawale, mo vakasulumi koya, ia mo kakua ni vunitaki iko mai vua na wekamu dina?

Jeremaia 19:4

ka ni ra sa biuti au, ka ra sa vakacacataka na tikina oqo, ka ra sa vakama kina na ka boi vinaka vei ira na kalou tani, era sega ni kila, se ko ira, se na nodra qase, se ko iratou na tui Juta, ka ra sa vakasinaita na yasana oqo e na kedra dra era sega ni cala;

Jeremaia 21:12

koi kemudou na mataqali i Tevita, sa kaya vakaoqo ko Jiova: Dou ia na lewa dodonu e na mataka, ka vakabulai koya sa vakacacani mai na liga i koya sa vakacacana, de lako yani, na noqu cudru me vaka na bukawaqa, ka sa waqa tiko, me sega e dua e bokoca, e na vuku ni kena ca na nomudou i valavala.

Jeremaia 22:17

Ia na matamu kei na lomamu sa goleva ga na nomu kocokoco, kei na vakadave dra sa sega ni cala, kei na veivakasaurarataki, kei nai valavala kaukauwa, mo cakava.

Jeremaia 26:16

Era sa qai kaya ko ira na turaga kei na tamata kecega vei ira na bete kei na parofita; Sa sega ni dodonu me mate na tamata oqo: ni sa vosa vei keda ko koya e na yaca i Jiova na noda Kalou.

Jeremaia 5:28

Era sa yago vinaka mai, era sa lumilumisa; io, era sa uasivi ira na tani e nai valavala ca: era sa sega ni lewa na ka e tagici vei ira, na ka e tagi kina na luveniyali, ia ka ra yaco ga; na ka talega sa dodonu vei ira na dravudravua era sa sega ni lewa kina.

Jeremaia 7:23

ia na ka ga oqo ka'u a vakarota vei ira, ka kaya, Dou vakarorogo ki na noqu vosa, ka'u na qai nomudou Kalou, ia dou na vakabau mo dou noqu tamata: dou muria kece talega nai valavala ka'u a vakarota vei kemudou, mo dou vinaka kina:

Jeremaia 9:24

ia ko koya sa dokai koya me dokai koya e na ka oqo, ni sa yalomatua me kilai au, ni sai au ko Jiova ka dauia na yalololoma, kei na lewa kei na cakacaka dodonu, e vuravura: ni'u sa vinakata na ka oqo, sa kaya ko Jiova.

Lele i Jeremaia 3:36

Se me vakacaucautaka na tamata ni sa lewai, sa sega ni vinakata na ka oqori ko koya na Turaga.

Isikeli 18:12

ka vakasaurarataka na dravudravua kei na luveniyali, ka ia na dauveikoveraki, ka sa sega ni vakasuka na kenai vakadinadina, ia sa ta cake ki na matakau ka sa cakava ga na ka vakasisila,

Isikeli 18:7

ka sega ni vakasaurarataka e dua, ka sa vakasuka na kenai vakadinadina vua sa kerea e dua na ka, ka sega ni koveraka e dua, sa soli kakana vua sa viakana, ka sa vakaisulutaki koya sa luvawale;

Isikeli 22:7

Ko ira era sa tiko vei iko era sa beca na tamadra kei na tinadra: ka ra sa vakasaurarataki ira na nomu vulagi: ka ra sa vakararawataka na luveniyali kei ira na yada era tiko vei iko.

Isikeli 45:9

Sa kaya vakaoqo na Turaga ko Jiova; Me rauti kemudou mada, oi kemudou na turaga ni Isireli: dou biuta tani nai valavala kaukauwa kei na veivakacacani, ia mo dou cakava na ka vinaka ka dodonu ga me oti sara na nomudou vakasaurarataki ira na noqu tamata, sa kaya na Turaga ko Jiova.

Joeli 3:19

Ko Ijipita, ena lala sara mai; ko Itomi talega, ena veikau lala sara; ni ra sai valavala vakaukauwa vei ira na Juta, ka ni ra sa vakadavea na dra tawa cala e na nodra vanua.

Vunau ni Soro 19:15

Dou kakua ni cakava e dua na ka sa sega ni dodonu ni dou sa ia na veilewai: mo kakua ni golevi koya sa dravudravua, se dokai koya na turaga levu: mo lewa vakadodonu ga vua na kai nomu.

Emosi 5:15

Dou cata na ka ca, ka vinakata na ka vinaka, ka vakadeitaka na lewa dodonu e na matamata-ni-koro: ena qai yalololoma beka ko Jiova na Kalou ni lewe vuqa vei ira na kena vo vei Josefa.

Emosi 5:24

Ia me dave yani me vaka na wai na lewa dodonu, kei nai valavala dodonu me vaka na uciwai sa vuabale.

Maika 3:11

o ira na nodra turaga era sa ia na veilewai me ra vakaisolisoli kina, kei ira na nodra bete era sa ia nai vakavuvuli me ra vakaivoli kina, kei ira na nodra parofita era sa ia na caka mana vakailasu me ra vakailavo kina: ia era na vakararavi ga vei Jiova, ka kaya, Sa sega li ni tiko vata kei keda ko Jiova? ena sega ni yacovi keda e dua na ca.

Maika 6:8

Sa vakatakila oti vei iko, na tamata, na ka e vinaka: ia ka cava tale sa taroga maivei iko ko Jiova, mo caka dodonu ga, ka mo vinakata na yalololoma, ka mo yalomalumalumu talega ni drau lako vata kaya na nomu Kalou?

Malakai 3:5

Ia ka'u na toro voleka vei kemudou me ia na veilewai, ia ka'u na kusarawa ni tukuna na nodra ca na daucakaisausau, kei na dauveibutakoci, kei na daububului vakailasu, kei ira era butakoca nai voli ni tamata cakacaka, kei na yada, kei na luveniyali, kei ira era bureitaka vua na vulagi na ka sa dodonu me nona, ka ra sega ni rerevaki au, sa kaya ko Jiova ni lewe vuqa.

Maciu 23:23

E ca vei kemudou, na vunivola kei na Farisi, na dauveivakaisini! ni dou sa solia nai katini ni botebotekoro, kei na co vakaoqo, ia dou sa biuta laivi na veika bibi e na vunau, nai valavala dodonu, kei na loloma, kei na vakadinata: o koya sa kilikili mo dou kitaka, me kakua talega ni biu laivi ko ya.

Vakarua 10:18

sa dauia na lewa e na vukudra era sega ni vakatamani kei na yada, ka sa lomana na vulagi, ka me dausolia vua na kakana kei nai sulu.

Vakarua 24:17

Mo ni kakua ni kauta vakatani na lewa vua na vulagi, se ko ira sa sega na tamadra; se kauta na nonai sulu na yada me kenai vakadinadina ni ka:

Vakarua 24:7

Kevaka sa kune na tamata ni sa butakoca e dua vei ira na wekana na Isireli me nona bobula, se me volitaka; ena qai mate na tamata butako ko ya; ia ko ni na vakaotia kina na ca mai na kemuni maliwa.

Vakarua 25:1

Kevaka sa dua na ka era veiletitaka na tamata, a ra sa lako mai kivei ira na mataveilewai, me veilewaitaki; me ra qai vakadonui koya sa dodonu, ka vakacalai koya sa cala.

Vakarua 27:19

Me cudruvi ko koya sa kauta vakatani na lewa e na vuku ni kai tani, kei ira sa sega na tamadra, kei na yada. A ra na vakaemeni na tamata kecega.

Jemesa 1:27

Na lotu savasava ka sega ni cala e mata ni Kalou ko Tamada sa vakaoqo, Me sa dauraici ira na luveniyali kei ira na yada, ni ra sa rarawa, me sa qarauni koya talega me kakua ni tauvi koya na duka ni ka vakavuravura.