Jeremaia 22:21 - Vakavakadewa Makawa

²¹ Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Ai Vola Tabu (Vakadewa Makawa Vakavoutaki 2021)

²¹ Au a vosa vei iko ni ko sa tiko vinaka; ia ko sa kaya, ‘Au na sega ni rogoca.’ Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

AI VOLA TABU

²¹ Au a vosa vei iko ni ko sa tiko vinaka; ko sa kaya, Au na sega ni rogoca. Sa vakaoqo na nomui valavala ni ko sa gone ka yacova na siga o qo, me kakua ni rogoca na domoqu.

Vakavakadewa Vou kei na iVola tale eso

²¹ A sa vosa vei iko o Jiova Ni o a tiko vinaka Ia o a qai bese ni vakarorogo. Oqo na veika o a dau cakava Mai na gauna o a sa gone kina; O a bese ni muria Na nona vosa o Jiova.

Ai Vola Tabu Ena Vakavakadewa Vou

²¹ A sa vosa vei iko ko Jiova Ni o a tiko vinaka Ia o a qai bese ni vakarorogo. Oqo na veika o a dau cakava Mai na gauna o a sa gone kina; O a bese ni muria Na nona vosa ko Jiova.

Jeremaia 22:21 Iomraidhean Croise

2 Veigauna 33:10

A sa vosa ko Jiova kivei Manasa, vei ira talega na nona tamata: a ra sa bese ni rogoca.

NA SAME 129:1

Me ra kaya mada ko ira na Isireli, Sa vakavuqa na nodra vakararawataki au mai na gauna ka'u a cauravou kina;

Vosavakaibalebale 30:9

De'u mamau, ka lasutaki kemuni, ka kaya, Ko cei ko Jiova? Se'u dravudravua, ka butako, Ka cavuta wale na yaca ni noqu Kalou.

Aisea 48:8

Io, ko a sega ga ni rogoca; ko a sega ga ni kila; sa sega talega ni rogo mailiu na daligamu: ni'u a kila ko na cakacaka vakailasu sara, ka ni ko sa vakatokai na dautalaidredre mai na siga ko sucu kina.

Jeremaia 13:10

Ko ira na tamata ca oqo, era bese ni rogoca na noqu vosa, era muria na nodra yalokaukauwa era muria talega na kalou tani, me qaravi ira, ka soro vei ira, era na vaka ga nai vau oqo, sa sega e dua na ka e yaga kina:

Jeremaia 19:15

Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora ki na koro oqo kei na kena veikoro kecega na ca kecega ka'u a vosa kina e na vukuna, ni ra sa vakadomoqataki ira, me ra kakua ni rogoca na noqu vosa.

Jeremaia 2:25

Me kua mada ni tawa vakaivava na yavamu; ka tarova na nomu i tilotilo, mo kakua ni viagunu: ia ko a kaya, Sa sega vei au nai nuinui: sa segai sara; ni'u a lomani ira na kai tani, ia ka'u na muri ira ga.

Jeremaia 2:31

Kemudou nai tabatamata, dou kila mada na vosa i Jiova. Ka'u a vaka beka na veikau vei Isireli; se na vanua butobuto loaloa? a cava era sa kaya kina na noqu tamata, Keimami sa veitalia ga; keimami na sega ni lako tale vei iko?

Jeremaia 25:3

Mai nai katinikatolu ni yabaki i Josaia na luve i Emoni na tui Juta, ka yacova na siga oqo, sa kenai karuasagavulu ka tolu ni yabaki, sa yaco tiko vei au na vosa i Jiova, ia ka'u a vosa tikoga vei kemudou, ka sou e na mataka me'u vosa; ia dou a sega ni vakarorogo.

Jeremaia 25:4

Ia sa tala vei kemudou ko Jiova na nonai talatala kecega na parofita, ka sou e na mataka me tala; ia dou sa sega ni vakarorogo, se vakatu daligamudou mo dou rogoca.

Jeremaia 25:7

Ia dou a sega ni vakarorogo vei au, sa kaya ko Jiova; mo dou sa vakacudrui au kina e na cakacaka ni ligamudou mo dou ca.

Jeremaia 25:8

O koya oqo sa kaya kina vakaoqo ko Jiova ni lewe vuqa; Ni dou sa sega ni rogoca na noqu vosa,

Jeremaia 3:24

Ia na veivakamaduataki sa kania na nodra oca na neimami qase mai na gauna keimami a cauravou kina; kei na nodra qele ni sipi kei na nodra qele ni pulumokau, na luvedra tagane kei na luvedra yalewa.

Jeremaia 3:25

Keimami sa koto sobu e na neimami madua, ka sa luvuci keimami na kidroa: ni keimami sai valavala ca vei Jiova na neimami Kalou, koi keimami kei ira na neimami qase, mai na gauna keimami a cauravou kina ka yacova na siga oqo, ka sega ni vakarorogo ki na domo i Jiova na neimami Kalou.

Jeremaia 32:30

Ni ra sa cakava tikoga na ka ca e mataqu ko ira na Isireli kei ira na Juta mai na gauna era sa gone kina: ni ra sa vakacudrui au tikoga e na cakacaka ni ligadra ko ira na Isireli, sa kaya ko Jiova.

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 48:11

Sa dautiko vakacegu ko Moapi mai na gauna sa gone kina, a sa dautiko wale e na kena soko, a sa sega ni veisovayaki mai na saqa ki na saqa, ia sa sega na gauna sa kau tani kina vakabobula: o koya oqo sa to ga vua na kena velavela, ia na kenai boiboi sa sega ni dua tani mai.

Jeremaia 6:16

Sa kaya vakaoqo ko Jiova, Dou tu e na sala, ka vakararai, ka taroga nai lakolako makawa, se sa evei na sala vinaka, ia dou lako ga kina, dou na qai kunea kina na vakacegu ni yalomudou. A ra sa kaya, Keimami na sega ni lako kina.

Isikeli 20:13

Ia sa talaidredre vei au na mataqali ni Isireli mai na vanua liwa lala; ka ra sega ni muria na noqu vunau, ka ra sa beca na noqu lewa, o koya ke cakava e dua na tamata, ena bula kina; ia na noqu siga tabu era sa vakacacana sara: au a qai kaya, Au na sovaraka na noqu cudru vei ira e na vanua liwa lala, me'u vakarusai ira.

Isikeli 20:21

Ia ka sa talaidredre vei au ko ira na luvedra: ka ra sega ni muria na noqu vunau, ka ra sega ni vakabauta na noqu lewa, me ra cakava, ia ke sa cakava e dua na tamata, ena bula kina; era sa vakacacana talega na noqu siga tabu; au a qai kaya, Au na sovaraka na noqu cudru vei ira, me'u vakayacora na noqu cudru vei ira e na vanua liwa lala.

Isikeli 20:28

Ia ni'u a kauti ira ki na vanua, ka'u a dulaka cake kina na ligaqu me'u solia vei ira, era sa qai raica na veiulu-ni-koro cecere kecega, kei na kau rugurugua kecega, a ra vakacabora maikea na nodra i soro, kei na nodra i madrali talega sa ka ni veivakacudrui: ka ra sa tauca maikea na nodra ka boi vinaka, ka sova maikea na nodra i sevu.

Isikeli 20:8

Ia era sa talaidredre vei au, ka ra bese ni vakarorogo vei au: era sa sega ni dui biuta tani na ka vakasisila ni matadra, ka ra sa sega ni biuta na matakau ni Ijipita: au a qai kaya, Au na sovaraka na noqu cudru vei ira, me'u vakayacora na noqu cudru vei ira e loma ni vanua ko Ijipita.

Sefanaia 3:2

Sa sega ni vakarorogo ki na domona, sa bese ni vakavulici; sa sega ni vakararavi vei Jiova; sa sega ni toro vua na nona Kalou.

Sakaraia 7:7

Sa sega li ni kena vosa oqo ka vunautaka ko Jiova e na gusudra na parofita eliu, ni sa tawa tiko ka sa sautu ko Jerusalemi, kei na kena veikoro e vakavolivolita, ka ni sa tawa tiko na yasayasa vakaceva kei na buca?

Vakarua 31:27

Ni'u sa kila na nomuni talaidredre, kei na nomuni domoqa: raica, ni'u sa bula tiko kei kemuni e na siga oqo, ko ni sa talaidredre ga vei Jiova; ia ena vakaevei na kena levu cake ni'u sa mate!

Vakarua 9:24

Mai na siga ka'u a kilai kemuni kina, kemuni sa talaidredre ga vei Jiova.

Vakarua 9:7

Mo ni nanuma, kakua ni guilecava, ni ko a dauvakacudrui Jiova na nomuni Kalou mai na vanua liwa: mai na siga ko ni a lako tani mai na vanua ko Ijipita, ka yacova na siga kemuni a yaco kina ki na yasana oqo, ko ni sa talaidredre ga vei Jiova.