Jeremaia 21:9 - Vakavakadewa Makawa

⁹ ko koya sa tiko ga e na koro oqo ena mate e nai seleiwau, kei na mate dauveiveitauvi: ia ko koya sa curu ki tautuba, ka dro vei ira na kai Kalitia era mai kabai kemudou, ena bula, ena soli vua na nona bula me nonai toki ni valu:

Ai Vola Tabu (Vakadewa Makawa Vakavoutaki 2021)

⁹ Ko koya sa tiko ga e na koro oqo ena mate e nai seleiwau, kei na mate dauveiveitauvi; ia ko koya sa curu ki tautuba, ka dro vei ira na kai Kalitia era mai kabai kemudou, ena bula, ena soli vua na nona bula me nona i toki-ni-valu.

AI VOLA TABU

⁹ o koya sa tiko e na koro o qo ena mate e nai seleiwau, kei na mate dauveitauvi: ia ko koya sa curu kitautuba, ka dro vei ira na kai Kalitea era mai kabai kemudou, ena bula, ena soli vua na nona bula me nonai toki ni valu:

Vakavakadewa Vou kei na iVola tale eso

⁹ O ira era na tiko ena loma ni koro era na mate ena i valu, se ena viakana se ena mate ca. Ia o koya ena curu yani ki tuba ka soro vei ira na kai Papiloni era sa samuta tiko oqo na nodra koro era na sega ni vakamatei ka ra na vakabulai me i toki ni valu.

Ai Vola Tabu Ena Vakavakadewa Vou

⁹ O ira era na tiko ena loma ni koro era na mate ena i valu, se ena viakana, se ena mate ca. Ia o ira era curu yani ki tuba ka soro vei ira na kai Papiloni, o ira ka sa valuta tiko oqo na koro levu, era na sega ni vakamatei; era na vakabulai me i tokinivalu.

Jeremaia 21:9 Iomraidhean Croise

Jeremaia 14:12

Ni ra sa lolo, ka'u na sega ni rogoca na nodra tagi; ni ra sa vakacabora nai soro kama kei nai madrali, ka'u na sega ni vinakati ira: ia ka'u na vakarusai ira ga e nai seleiwau, kei na viakana, kei na mate dauveiveitauvi.

Jeremaia 21:7

ni sa oti oqori, sa kaya ko Jiova, ka'u na soli Setekaia na tui Juta, kei ira na nona tamata, kei ira na lewe ni vanua, kei ira sa vo e na koro oqo mai na mate dauveiveitauvi, kei nai seleiwau, kei na viakana, ki na liga i Nepukatiresa na tui Papiloni, kei na ligadra na nodra meca, kei na ligadra era sagai ira me ra vakamatea: ia ena yaviti ira ko koya e nai seleiwau; ena sega ni vosoti ira, ena sega talega ni yalovinaka, se yalololoma.

Jeremaia 24:10

ia ka'u na vakayacora vei ira nai seleiwau, kei na viakana, kei na mate dauveiveitauvi, me ra takali mada mai na vanua ka'u a solia vei ira, ka vei ira na nodra qase.

Jeremaia 27:11

Ia na veimatanitu sa vakataqara ki domodra nai vua i tui Papiloni, me ra qaravi koya, ka'u na laivi ira ga me ra tiko e na nodra vanua, sa kaya ko Jiova; ka ra na wereca, ka tikotiko ga kina.

Jeremaia 27:12

Ia ka'u a cavuta vei Setekaia talega na tui Juta na vosa kecega oqo, ka kaya, Dou vakataqara ki na domomudou nai vua i tui Papiloni, ka qaravi koya kei ira na nona tamata, mo dou bula.

Jeremaia 27:13

A cava dou sa via mate kina, ko iko, kei ira na nomu tamata, e nai seleiwau, kei na viakana, kei na mate dauveiveitauvi, me vaka na ka sa tukuna ko Jiova ena yaco ki na matanitu sa bese ni qaravi tui Papiloni?

Jeremaia 38:2

Sa kaya ko Jiova, Ko koya sa tiko e na koro oqo ena mate ga e nai seleiwau, kei na viakana, kei na mate dauveiveitauvi: ia ko koya sa lako yani vei ira na kai Kalitia ena bula; ia na nona bula ena nonai toki ni valu, ena bula ga ko koya.

Jeremaia 38:3

Sa kaya vakaoqo ko Jiova, Ena soli vakaidina na koro oqo ki na liga ni nonai valu ko tui Papiloni, ka ra na rawata.

Jeremaia 39:18

ni'u na vakabulai iko vakaidina, ia ko na sega ni bale e nai seleiwau, ia na nomu bula ga ena nomu i toki ni valu: ni ko sa vakararavi vei au, sa kaya ko Jiova.

Jeremaia 45:5

Ia ko iko ko sa dauqara beka eso na ka levu me nomu? mo kakua ni dauqara: raica, au na vakayacora na ca vei ira na tamata kecega, sa kaya ko Jiova: ia ka'u na solia vei iko na nomu bula me nomu i toki ni valu e na veiyasana kecega ko sa lako voli kina.

Isikeli 5:12

E dua na kemudou wase ena mate e na dauveiveitauvi, ia era na vakaoti ga e na dausiga e na kemudou maliwa: e dua tale na kemudou wase ena bale e nai seleiwau sa na vakavolivoliti iko: ia na kenai katolu ni kemudou wase ka'u na vakaseva ki na mata ni cagi kecega, ia ka'u na ucuna nai seleiwau me muri ira.