Jeremaia 21:7 - Vakavakadewa Makawa

⁷ ni sa oti oqori, sa kaya ko Jiova, ka'u na soli Setekaia na tui Juta, kei ira na nona tamata, kei ira na lewe ni vanua, kei ira sa vo e na koro oqo mai na mate dauveiveitauvi, kei nai seleiwau, kei na viakana, ki na liga i Nepukatiresa na tui Papiloni, kei na ligadra na nodra meca, kei na ligadra era sagai ira me ra vakamatea: ia ena yaviti ira ko koya e nai seleiwau; ena sega ni vosoti ira, ena sega talega ni yalovinaka, se yalololoma.

Ai Vola Tabu (Vakadewa Makawa Vakavoutaki 2021)

⁷ Ni sa oti oqori, sa kaya ko Jiova, ka'u na soli Setekaia na tui Juta, kei ira na nona tamata, kei ira na lewe-ni-vanua—ko ira sa vo e na koro oqo ka bula mai na mate dauveiveitauvi, kei nai seleiwau, kei na viakana—ki na liga i Nepukatiresa na tui Papiloni, kei na ligadra na nodra meca, kei na ligadra era sagai ira me ra vakamatea. Ia ena yaviti ira ko koya e nai seleiwau; ena sega ni vosoti ira, ka na sega talega ni vakabula e dua, se me yalololoma.’

AI VOLA TABU

⁷ ni sa oti o qori, sa kaya ko Jiova, kaʼu na soli Sitikiya na tui Juta, kei ira na nonai talatala, kei ira na tamata, kei ira sa vo e na koro o qo mai na mate dauveitauvi, kei nai seleiwau, kei na viakana, ki na liga i Nipukatiresari na tui Papiloni, kei na ligadra na nodra meca, kei na ligadra era qarai ira me ra vakamatea: ia ena yaviti ira ko koya e na bati ni seleiwau; ena sega ni vosoti ira, ena sega talega ni yalovinaka, se yalololoma.

Vakavakadewa Vou kei na iVola tale eso

⁷ A sa kaya o Jiova, “Ni oti o ya, au na soli Setekaia na tui Juta, kei ira na nona vakailesilesi kei na tamata kece ena koro oqo era bula mai na i valu, kei na mate ca, kei na dausiga ki na liga i Nepukanesa na tui Papiloni kei na ligadra na kedra meca kei ira era via vakamatei ira. Ena vakamatei ira o Nepukanesa. Ena sega ni vakabula e dua vei ira, ena sega ni yalo vinaka se yalo loloma vei ira.”

Ai Vola Tabu Ena Vakavakadewa Vou

⁷ Ia me baleti iko, o ira na nomu vakailesilesi, kei na tamata kece ena koro oqo era bula mai na i valu, kei na mate ca, kei na dausiga — au na soli kemuni ki na liga i Nepukanesa na tui Papiloni kei na ligadra na kemuni meca, o ira era via vakamatei kemuni. Ena vakamatei kemuni o Nepukanesa. Ena sega ni vakabula e dua vei kemuni, se yalololoma, se me yaloveivosoti vei kemuni.”

Jeremaia 21:7 Iomraidhean Croise

Aisea 27:11

Ni sa malai na tabana, ena qai musuki laivi: era na mai visa ko ira na yalewa: e na vuku ni ra sa sega ni tamata yalomatua, ena sega ni yalololoma kina vei ira ko koya ka bulia, ia ko koya ka bulia ena sega ni lomani ira.

Aisea 47:6

Au a cudruvi ira na noqu tamata; au a vakacacana na noqu i votavota, ka soli ira ki na ligamu: ko sa sega ni yalololoma vei ira; ia ko sa vakabibitaka vakalevu na nomu i vua vei ira na qase.

Jeremaia 13:14

ka'u na botobotolaki ira vata na tamata kei na kai nona, io ko ira vata na qase kei na luvedra, sa kaya ko Jiova: ka'u na sega ni lomana, se vosota, se yalololoma kina, ka'u na vakarusai ira ga.

Jeremaia 14:12

Ni ra sa lolo, ka'u na sega ni rogoca na nodra tagi; ni ra sa vakacabora nai soro kama kei nai madrali, ka'u na sega ni vinakati ira: ia ka'u na vakarusai ira ga e nai seleiwau, kei na viakana, kei na mate dauveiveitauvi.

Jeremaia 15:5

Ia ko cei li ena lomani iko, Jerusalemi? se ko cei me na tagicaki iko? se ko cei me na lesu tani me la'ki taroga, se sa vakaevei na nomu tiko?

Jeremaia 15:9

Sa malumalumu mai ko koya sa vakasucuma e lewe vitu: sa ciba ko koya: sa dromu na nona mata-ni-siga ni sa siga toka: sa madua ka taqaya ko koya: ia na kedra vo ka'u na solia ki nai seleiwau e na matadra na nodra meca, sa kaya ko Jiova.

Jeremaia 19:7

Ia ka'u na vakatawayagataka na lewa i Juta kei Jerusalemi e na yasana oqo, ka'u na lewa me ra bale e nai seleiwau e na matadra na nodra meca, e na ligadra talega era segata me ra vakamatei ira: ia ka'u na solia na yagodra me kedra na manumanu vuka, kei na manumanu ni vanua.

Jeremaia 20:4

Ni sa kaya vakaoqo ko Jiova, Raica, au na lewa mo ka rerevaki vei iko, vei ira kece talega na wekamu: ia era na bale e nai seleiwau ni nodra meca, ko na raica e matamu talega: ia ko ira na Juta kecega ka'u na solia ki na liga i Tui Papiloni, ena kauti ira vakabobula ki Papiloni, ka vakamatei ira e nai seleiwau.

Jeremaia 22:25

ia ka'u na soli iko ki na ligadra era sa segata me ra vakamatei iko, ki na ligadra talega ko sa rerevaka, io ki na liga i Nepukatiresa na tui Papiloni, kei na ligadra na kai Kalitia.

Jeremaia 27:6

Ia koi au, ka'u sa qai solia edaidai na veivanua kecega oqo ki na liga i Nepukanesa na tui Papiloni, na noqu tamata; ia na manumanu talega ni vanua ka'u sa solia vua me qaravi koya:

Jeremaia 32:4

ia ko Setekaia na tui Juta ena sega ni dro tani rawa mai na ligadra na kai Kalitia, ena soli dina ga ki na liga i tui Papiloni, ka rau na veivosaki vata kaya e na matanavotu, na matana talega ena raica na matana;

Jeremaia 34:3

ia ko iko, ko na sega ni dro tani rawa mai na ligana, ko na tauri vakaidina ga, ka soli ki ligana; ia drau na veirai mata kei tui Papiloni, ka veivosaki sara kaya e na gusumudrau, ia ko na yaco ga ki Papiloni.

Jeremaia 36:29

Ia mo kaya vei Jioiakimi na tui Juta, Sa kaya vakaoqo ko Jiova; Ko iko, ko sa vakama nai vola oqo, ka taroga, A cava ko sa vola kina, ka vaka, Ena lako vakaidina mai ko tui Papiloni ka na vakarusa na vanua oqo, ka vakaotia tani maikina na tamata kei na manumanu?

Jeremaia 37:17

sa qai talaki ko Setekaia na tui, ka kauti koya tani maikina: a sa tarogi koya lo ko koya na tui e na nona vale, ka vaka, Sa dua li na vosa maivei Jiova? Ka sa kaya ko Jeremaia, Sa dua: ka sa vaka, Ko na soli ki na liga i tui Papiloni.

Jeremaia 50:17

Ko Isireli na sipi dauvakasavi; ko ira na laioni era sa vakasavi koya: sa liu ko tui Asiria ka sa kani koya; a sa muri ko Nepukanesa na tui Papiloni oqo ka sa musuka na suina.

Lele i Jeremaia 2:20

Mo ni raica, Jiova, ka nanuma se ko cei ko ni sa cakava vua na ka oqo. Me ra kania li na luvedra ko ira na yalewa na gone lalai era keveti tiko? Me ra vakamatei li e na vale tabu ni Turaga ko ira na bete kei na parofita?

Lele i Jeremaia 2:22

Ko ni sa kaci yani, me vaka sa siga ni so levu tabu, me mai vakavolivoliti au na veika ka'u sa rerevaka, A sa sega kina e dua sa dro bula se vo tiko, e na siga ni cudru i Jiova: Ko ira na gone lalai ka'u sa keveta tiko ka susuga, sa vakawabokotaka ko ira na noqu meca.

Isikeli 23:28

Ni sa kaya vakaoqo na Turaga ko Jiova; Raica, au na soli iko ki na ligadra na tamata ko sa cata, ki na ligadra sa vuki tani vei ira na lomamu:

Isikeli 7:9

Ia na mataqu ena sega dina ni vosota, au na sega talega ni yalololoma: ka'u na sauma vei iko me vaka na nomu i valavala, ia na nomu ka vakasisila ena tu ga vei iko; ia dou na kila ni sai au ko Jiova sa ia na veicudruvi.

Isikeli 8:18

O koya oqo ka'u na cakacaka kina e na cudru: ena sega ni vosovoso na mataqu, au na sega talega ni yalololoma: ia ke ra tagi vakadomoilevu e na daligaqu, ka'u na sega ni rogoci ira.

Isikeli 9:10

Io koi au talega, ena sega ni vosovoso na mataqu, au na sega talega ni yalololoma, a nodra i valavala ka'u na sauma sara ga ki na uludra.

Vakarua 28:50

a matanitu sa mata lisoliso, sa na sega ni dokai ira na qase, se lomani ira na cauravou: