Jeremaia 21:6 - Vakavakadewa Makawa

⁶ Ia ka'u na yaviti ira na lewe ni koro oqo, na tamata kei na manumanu: era na mate ga e na mate dauveiveitauvi:

Ai Vola Tabu (Vakadewa Makawa Vakavoutaki 2021)

⁶ Ia ka'u na yaviti ira na lewe ni koro oqo, na tamata kei na manumanu. Era na mate ga e na mate dauveiveitauvi.

AI VOLA TABU

⁶ Ia kaʼu na yaviti ira na lewe ni koro o qo, na tamata kei na manumanu: e na mate dauveitauvi era na mate ga kina:

Vakavakadewa Vou kei na iVola tale eso

⁶ Au na vakamatei ira kece sara era tiko ena koro oqo; ena tautauvata ga ki na tamata kei na manumanu kecega era na mate ena dua na mate ca levu sara.

Ai Vola Tabu Ena Vakavakadewa Vou

⁶ Au na vakamatei ira kece sara era tiko ena koro oqo. Na tamata kei na manumanu kecega era na mate vakatautauvata ena dua na mate ca levu sara.

Jeremaia 21:6 Iomraidhean Croise

Vakatekivu 6:7

A sa kaya ko Jiova, Au na vakarusa mai na vuravura na tamata ka'u sa bulia; io na tamata kei na manumanu e yavai va, kei na ka sa qasi voli, kei na manumanu vuka; ni'u sa veivutuni ni'u sa buli ira.

Aisea 6:11

Au a qai kaya, Kemuni na Turaga, Me cava na kena dede? A sa kaya ko koya, Me lala mada na veikoro me sega na lewena, kei na veivale me sega na tamata e tiko kina, kei na vanua me lala didi,

Jeremaia 14:12

Ni ra sa lolo, ka'u na sega ni rogoca na nodra tagi; ni ra sa vakacabora nai soro kama kei nai madrali, ka'u na sega ni vinakati ira: ia ka'u na vakarusai ira ga e nai seleiwau, kei na viakana, kei na mate dauveiveitauvi.

Jeremaia 16:4

Era na mate e na mate ca; era na sega ni tagicaki; era na sega talega ni bulu; era na vaka na de-ni-manumanu e dela ni soso: ena vakaoti ira sara nai seleiwau, kei na viakana; ia na yagodra ena kedra na manumanu vuka, kei na manumanu ni vanua.

Jeremaia 20:4

Ni sa kaya vakaoqo ko Jiova, Raica, au na lewa mo ka rerevaki vei iko, vei ira kece talega na wekamu: ia era na bale e nai seleiwau ni nodra meca, ko na raica e matamu talega: ia ko ira na Juta kecega ka'u na solia ki na liga i Tui Papiloni, ena kauti ira vakabobula ki Papiloni, ka vakamatei ira e nai seleiwau.

Jeremaia 32:24

Raica na suva, era sa mai viria ki na koro me ra kaba; ia na koro oqo sa soli ki na ligadra na kai Kalitia, era mai vala kina, e na vuku ni seleiwau, kei na viakana, kei na mate dauveiveitauvi: ia na ka ko ni sa vosataka, sa yaco ga: ka raica, ko ni sa kunea.

Jeremaia 33:12

Sa kaya vakaoqo ko Jiova ni lewe vuqa; Na yasana oqo, sa lala tu ga ka sega kina na tamata se na manumanu, kei na kena veikoro kece talega, ena tawa tale e na nodra i tikotiko nai vakatawa era na vakotora kina na qele ni sipi.

Jeremaia 34:17

O koya oqo sa kaya kina ko Jiova; Koi kemudou, dou sa sega ni vakarorogo vei au, mo dou dui tukuna yadua na veisereki vua na wekana, kei na tamata yadua vua na kai nona: raica, au sa tukuna vei kemudou na veisereki, sa kaya ko Jiova, ki nai seleiwau, kei na mate dauveiveitauvi, kei na viakana, ia ka'u na soli kemudou mo dou kau tani ki na veimatanitu kece e vuravura.

Jeremaia 36:29

Ia mo kaya vei Jioiakimi na tui Juta, Sa kaya vakaoqo ko Jiova; Ko iko, ko sa vakama nai vola oqo, ka taroga, A cava ko sa vola kina, ka vaka, Ena lako vakaidina mai ko tui Papiloni ka na vakarusa na vanua oqo, ka vakaotia tani maikina na tamata kei na manumanu?

Jeremaia 42:22

Ia dou kila vinaka mada ni dou na mate e nai seleiwau, kei na viakana, kei na mate dauveiveitauvi, e na yasana dou sa via la'ki tiko vulagi kina.

Jeremaia 7:20

O koya sa kaya kina na Turaga ko Jiova; Raica, na noqu cudru, ia na noqu cudru waqawaqa ena sova yani ki na yasana oqo, ki na tamata, kei na manumanu, kei na kau ni vanua, kei na vuata ni vanua; ia ena kama, ka sega ni bokoci.

Isikeli 12:16

Ia ka'u na vakavoca vei ira e lewe vica na tamata mai nai seleiwau, kei na dausiga, kei na mate dauveiveitauvi; me ra tukuna na nodra i valavala vakasisila kecega ki na veimatanitu era na dui yaco kina; ka ra na kila ni sai au ko Jiova.

Isikeli 14:13

Ko iko na luve ni tamata, ni sai valavala ca vei au e dua na vanua ni sa talaidredre sara, ka'u na qai dodoka yani kina na ligaqu, ka muduka na ka e bula kina, io, na madrai, ka vakayacora kina na viakana, ka muduka tani maikina na tamata kei na manumanu:

Isikeli 14:17

Kevaka ka'u na vakayacora ki na vanua nai seleiwau, ka kaya, Nai seleiwau, mo lako voli yani ki na loma ni vanua; ka me'u muduka tani maikina na tamata kei na manumanu:

Isikeli 14:19

Kevaka ka'u na vakayacora ki na vanua ko ya na mate dauveiveitauvi, ka sovaraka na noqu cudru e na mate, me'u muduka tani maikina na tamata kei na manumanu:

Isikeli 14:21

Ni sa kaya vakaoqo na Turaga ko Jiova; Io ka vakabeka evei na kena levu cake ni ka'u sa vakauta ki Jerusalemi na noqu ka rarawa kava, nai seleiwau, kei na viakana, kei na manumanu ca, kei na mate dauveiveitauvi, me'u muduka tani maikina na tamata kei na manumanu?

Isikeli 33:27

Mo vosa vakaoqo vei ira, Sa kaya vakaoqo na Turaga ko Jiova, Me vaka na dina ni noqu bula, ko ira era vakatawa na veitikina lala era na mate ga e nai seleiwau, ia ko koya talega mai nai bili ka'u na soli koya ki na manumanu me ra kania, ko ira talega mai na uluvatu kei na qara-vatu era na mate e na mate dauveiveitauvi.

Isikeli 33:29

Era na qai kila ni sai au ko Jiova, ni'u sa vakalalataka sara na vanua e na vuku ni nodra i valavala vakasisila kecega era sa cakava.

Isikeli 7:15

Ai seleiwau, sa tu ga mai taudaku, kei na mate dauveiveitauvi kei na dausiga, sa tu mai vale: o koya sa tiko mai na were ena mate e nai seleiwau; o koya talega sa tiko mai na koro, ena kani koya na dausiga kei na mate dauveiveitauvi.

Osea 4:3

O koya oqo ena tagi kina na vanua, a ra na dui ceguoca kecega ko ira era tiko kina, kei na manumanu ni vanua, kei na manumanu vuka; io, na ika talega ni waitui ena kau tani.

Maika 3:12

O koya oqo ena cukiti kina ko Saioni me vaka na were e na vukumudou, ia ko Jerusalemi ena yaco me bukebuke walega, kei na ulu-ni-vanua ni vale tabu ena vaka na veitikina cecere ni veikau.

Sefanaia 1:3

Au na vakarusa na tamata kei na manumanu; au na vakarusa na manumanu vuka, kei na ika ni waitui, kei na veika era tarabe kina, kei ira talega na tamata ca; ia ka'u na muduka tani na tamata mai na vanua, sa kaya ko Jiova.

Luke 21:24

A ra na vakamatei e nai seleiwau, a ra na kau vakabobula ki na veivanua: a ra na butuki Jerusalemi sobu ko ira na veimatanitu, me yacova nai vakataotioti ni nodra gauna na veimatanitu.