Jeremaia 21:5 - Vakavakadewa Makawa

⁵ Ia ka'u na veivala kei kemudou koi au e na ligaqu sa dodo yani, kei na ligaqu kaukauwa, io e na cudru, kei na lesa, kei na cudru levu.

Ai Vola Tabu (Vakadewa Makawa Vakavoutaki 2021)

⁵ Ia ka'u na veivala kei kemudou koi au e na ligaqu sa dodo yani, kei na ligaqu kaukauwa, io e na cudru, kei na lesa, kei na cudru levu.

AI VOLA TABU

⁵ Ia kaʼu na veivala kei kemudou koi au e na liga e dodo yani, kei na liga kaukauwa, io e na cudru, kei na lesa, kei na cudru levu.

Vakavakadewa Vou kei na iVola tale eso

⁵ Au na valuti kemuni ena noqu kaukauwa, kei na cudru, kei na veivakarusai, kei na noqu yalo ca levu.

Ai Vola Tabu Ena Vakavakadewa Vou

⁵ Au na valuti iko ena ligaqu qaqa, kei na noqu cudru, na noqu voravora, kei na noqu yalokatakata.

Jeremaia 21:5 Iomraidhean Croise

Lako Yani 6:6

O koya oqo mo kaya kina vei ira na Isireli, Sai au ko Jiova, ia ka'u na kauti kemuni tani mai na nodra i lesilesi-bibi na kai Ijipita, ia ka'u na sereki kemuni mai na nodra veivakabobulataki, ka vakabulai kemuni e na ligaqu sa dodo tu, kei na cudru levu:

Lako Yani 9:15

Ia kevaka ka'u a dodoka oti na ligaqu, ka yaviti iko, kei ira na nomu tamata, e na mate dauveiveitauvi; ko a qai muduki tani mai vuravura:

Aisea 10:4

Ni ka'u sa laivi ira, era na cuva vata kei ira na bobula, ka bale vata kei ira era moku mate. Ia ni sa caka na ka kece oqo sa sega ni mudu kina na nona cudru, ka sa dodo tiko na ligana.

Aisea 5:25

O koya oqo sa waqa kina na cudru i Jiova vei ira na nona tamata, ka sa dodoka yani na ligana vei ira, ka cudruvi ira: ka sa sautaninini na ulu-ni-vanua, ia na yagodra ka mate no sa vaka na soqosoqo e loma ni saqata ni koro. Ia ni sa caka kece oqo sa sega ni mudu kina na nona cudru, sa dodo tikoga na ligana.

Aisea 63:10

ia ko ira, era talaidredre ga, ka vakararawataka na nona Yalo Tabu; ka sa vuki kina ko koya me nodra meca; ka sa veivala kei ira ko koya.

Aisea 9:12

Ko ira na kai Siria mai na tu-i-cake, kei ira na kai Filisitia mai ra; ka ra na tilomi ira sara na Isireli. Ia ni sa caka na ka kece oqo sa sega ga ni mudu kina na nona cudru, ka sa dodo tikoga na ligana.

Aisea 9:17

Ia na Turaga ena sega kina ni rekitaki ira na nodra cauravou, ena sega talega ni yalololoma vei ira na gone era luveniyali kei na nodra yada: ni ra sa dui veivakaisini kai valavala ca, a gusudra kece sa daucavuta ga na ka lialia. Ia ni sa caka kece oqo sa sega ga ni mudu kina na nona cudru, ka sa dodo tikoga na ligana.

Aisea 9:21

ena kani Ifireimi ko Manasa, kei Manasa ko Ifireimi: ka rau na to vata me cati Juta. Ia ni sa caka na ka kece oqo sa sega ni mudu kina na nona cudru, ka sa dodo tikoga na ligana.

Jeremaia 32:17

Kemuni na Turaga ko Jiova! ko ni sa bulia na lomalagi kei vuravura e na nomuni kaukauwa levu kei na ligamuni e dodo yani, ka sa sega ni dredre vei kemuni e dua na ka:

Jeremaia 32:37

Raica, au na vakasoqoni ira mai na veivanua kecega, ka'u sa dui vakasevi ira kina e na noqu cudru, kei na noqu lesa, kei na cudru levu; ia ka'u na kauti ira tale mai ki na yasana oqo, ka lesi ira me ra tiko vinaka:

Jeremaia 36:7

Era na via vakamamasu beka e na mata i Jiova, ka dui lesu yadua mai na nona sala ca: ni sa levu na cudru kei na lesa sa cavuta ko Jiova me yaco vei ira na tamata oqo.

Jeremaia 37:10

Ia kevaka dou sa yaviti ira nai valu kecega ni kai Kalitia era veivala kei kemudou, me vo ga ko ira na vuetaki, ke ra na dui tu cake ga na tamata yadua mai na nona vale laca ka vakama na koro oqo e na bukawaqa.

Jeremaia 6:12

Ia ena soli vei ira na tani na nodra veivale, kei na nodra veiwere kei na watidra: ni'u na dodoka na ligaqu vei ira na lewe ni vanua, sa kaya ko Jiova.

Lele i Jeremaia 2:3

Sa muduka laivi sara ko koya e nona cudru waqawaqa na nodra totoka na Isireli: A sa vakasuka na ligadra i matau mai na mata ni meca, A sa waqa na nona cudru vei ira na Jekope me vaka na bukawaqa caucaudre, sa kana voli tiko.

Isikeli 39:3

ia ka'u na yavita tani na nomu dakai mai na ligamu i mawi, ia ka'u na vakalutuma tani na nomu gasau mai na ligamu i matau.

Isikeli 5:8

o koya oqo sa kaya kina vakaoqo na Turaga ko Jiova; Raica, koi au, ka'u sa nomu meca, io ka'u na ia e na kemudou maliwa na veicudruvi e matadra na veimatanitu.

Vakarua 4:23

Mo ni qarauni kemuni, de ko ni sa guilecava na veiyalayalati i Jiova na nomuni Kalou sa kitaka ko koya kei kemuni, ka ko ni na cakava vei kemuni e dua na matakau ceuceu, nai vakatakarakara ni dua na ka sa vakatabuya vei kemuni ko Jiova na nomuni Kalou.

Vakarua 4:34

Se sa vakatovolea eliu na Kalou me la'ki kauta vua e dua na matanitu mai na kedra maliwa na matanitu tani, e na veivakatovolei, e na veivakatakilakila, kei na veika-mana, kei nai valu, kei na liga kaukauwa, kei na liga sa dodo yani, kei na ka rerevaki vakaidina, me vaka na ka kecega sa cakava ko Jiova na nomuni Kalou e na vukumuni mai Ijipita?