Jeremaia 21:14 - Vakavakadewa Makawa

¹⁴ Ia ka'u na cudruvi kemudou me vaka na nomudou i valavala, sa kaya ko Jiova: ia ka'u na tutuvaka na buka e na kena veikau, ena kania na ka kecega sa tu vakavolivolita.

Ai Vola Tabu (Vakadewa Makawa Vakavoutaki 2021)

¹⁴ Ia ka'u na cudruvi kemudou me vaka na nomudou i valavala, sa kaya ko Jiova; ia ka'u na tutuvaka na buka e na kena veikau, ena kania na ka kecega sa tu vakavolivolita.”

AI VOLA TABU

¹⁴ Ia kaʼu na cudruvi kemudou me vaka na vua ni nomudoui valavala, sa kaya ko Jiova: ia kaʼu na tutuvaka na buka e na kena veikau, ena kania na ka kecega sa tu vakavolivolita.

Vakavakadewa Vou kei na iVola tale eso

¹⁴ Ena vakaitotogitaki iko o Jiova me baleta na veika o vakayacora. Au na vakama na nomu vale vakaturaga ka na kama yavu na veika kece sara e tu wavokita.”

Ai Vola Tabu Ena Vakavakadewa Vou

¹⁴ Ia ka'u na totogitaki iko me baleta na veika o sa vakayacora. Au na vakama na nomu valenitui ka na kama yavu na veika kece sara e tu wavokita.”

Jeremaia 21:14 Iomraidhean Croise

2 Veigauna 36:19

A ra sa visa na vale ni Kalou, ka talaraka sobu na bai kei Jerusalemi, ka visa na kena veivale vakaturaga kecega e na bukawaqa, ka vakacacataka na kenai yaya vinaka kecega.

Vosavakaibalebale 1:31

O koya era na kania kina na vua ni nodra i valavala, Ka ra na vakamamautaki e na nodra lewa.

Vosavakaibalebale 12:14

Na vua ni gusuna ena mamau kina na tamata e na ka vinaka: Ia na kenai sau ni cakacaka ni tamata ena soli vua.

Aisea 10:12

Ia ni sa vakaotia ko Jiova na nona cakacaka kecega ki na ulu-ni-vanua ko Saioni kei Jerusalemi, ka'u na qai cudruvi koya na tui Asiria e na vuku ni nona yalolevu, kei na lagilagi ni nona mata viavialevu.

Aisea 10:16

Ia na Turaga, na Turaga ni lewe vuqa, ena tala kina vei ira na nona tamata levulevu na suivotu; ia e ruku ni nonai ukuuku ena tutuvaka na buka me vaka na kena waqa na bukawaqa.

Aisea 24:21

Ia ena yaco e na siga ko ya, ena qai cudruva ko Jiova nai vavakoso cecere sa tiko e na tikina cecere, kei ira na tui kei vuravura e dela i vuravura.

Aisea 37:24

Ko sa vosavakacacataki koya na Turaga e na gusudra na nomu talai, ni ko sa kaya, E na noqu qiqi-ni-valu e vuqa, ka'u sa cabeta na kena cecere ni veiulu-ni-vanua, ki na yasa i Lepanoni, ia ka'u na taya sobu na kena veisitari babalavu, kei na kena veidamanu vinaka: ka'u na yacova na kenai yalayala cecere sara, kei na kena veikau bulabula:

Jeremaia 11:16

Sa vakatoka na yacamu ko Jiova na olive bulabula, ka matavinaka, ka vuavuai vinaka: ia na rorogo ni ue levu, sa tutuvaka ko koya na buka e delana, ka sa raramusumusu na tabana.

Jeremaia 11:22

o koya sa kaya kina ko Jiova ni lewe vuqa, Raica, koi au ka'u na cudruvi ira: a cauravou, era na mate e nai seleiwau; a luvedra tagane kei na luvedra yalewa, era na mate e na viakana:

Jeremaia 17:10

Koi au ko Jiova ka'u sa dikeva na loma ni tamata, ka'u sa vakatovolea na kenai ivi, me'u solia ki na tamata yadua me vaka na nonai valavala, me vaka na vua ni nona cakacaka.

Jeremaia 17:27

Ia kevaka dou na sega ni vakarorogo vei au mo dou vakatabuya na siga tabu, ka me kakua ni colata mai nai kaukau, ka curu ki na veimatamata-ni-koro ki Jerusalemi e na siga tabu: ka'u na qai tutuvaka na buka e na kena matamata-ni-koro, ena kania na veivale vakaturaga mai Jerusalemi, ena sega talega ni bokoci.

Jeremaia 22:1

Sa kaya vakaoqo ko Jiova; Mo lako sobu ki na vale i tui Juta, ka vosataka maikina na vosa oqo,

Jeremaia 22:7

Ia ka'u na lesia eso na kemu dauvakacaca, era sa dui vakaiyaragi: ka ra na taya sobu na nomu sitari vinaka, ka biuta ki na bukawaqa.

Jeremaia 32:19

sa uasivi e na vuku, ka kaukauwa e na cakacaka: ia na matamuni sa raica tiko na nodra i valavala kecega na luve ni tamata, mo ni solia vei ira yadua me vaka na nonai valavala, ka vaka na vua ni nonai valavala:

Jeremaia 46:23

Era na taya sobu na nona veikau, sa kaya ko Jiova, ia ke dredre sara ni vakadikevi; ni ra lewe vuqa ka lewe lailai na vodre, ka ra sega ni wili rawa.

Jeremaia 50:32

Ia ena toqi ko koya na yaloviavialevu, ka bale, ka na sega e dua me vakaduri koya cake tale: ia ka'u vakawaqaca na buka e na nona veikoro, ena kani ira kece era tiko voliti koya.

Jeremaia 52:13

a sa vakama na vale i Jiova, kei na nona vale na tui; kei na vale kece mai Jerusalemi, kei na nodra vale kece na turaga, sa vakama ko koya e na bukawaqa:

Jeremaia 6:19

Rogoca mada, na vuravura: raica, ka'u na vakayacora na ca vei ira na tamata oqo, io na vua ni nodra nanuma, ni ra sa sega ni rogoca na noqu vosa, se na noqu vunau; era sa biuta ga.

Jeremaia 6:29

sa kama nai iri ni bukawaqa, a sa oti e na bukawaqa na uma; sa sega ni yaga na nona cakacaka na dauvakariri siliva: ni sa sega ni takivi tani na tamata ca;

Jeremaia 9:25

Sa kaya ko Jiova, Raica, ena yaco mai na gauna ka'u na cudruvi ira kece kina era sa cili kei ira sa sega ni cili;

Lele i Jeremaia 2:3

Sa muduka laivi sara ko koya e nona cudru waqawaqa na nodra totoka na Isireli: A sa vakasuka na ligadra i matau mai na mata ni meca, A sa waqa na nona cudru vei ira na Jekope me vaka na bukawaqa caucaudre, sa kana voli tiko.

Isikeli 21:3

ka kaya ki na vanua ko Isireli, Sa kaya vakaoqo ko Jiova; Raica, koi au na nomu meca, ka'u na ucuna na noqu i seleiwau mai na kena taga, ka muduki ira tani na yalododonu kei ira na tamata ca era tiko vei iko.

Maika 7:13

Ia na vanua, ena lala sara ga e na vukudra era tiko kina, sa kenai sau ni nodra i valavala.

Sakaraia 11:1

Dolava na nomu katuba ko iko Lepanoni, me kania na nomu sitari na bukawaqa.