Jeremaia 21:12 - Vakavakadewa Makawa

¹² koi kemudou na mataqali i Tevita, sa kaya vakaoqo ko Jiova: Dou ia na lewa dodonu e na mataka, ka vakabulai koya sa vakacacani mai na liga i koya sa vakacacana, de lako yani, na noqu cudru me vaka na bukawaqa, ka sa waqa tiko, me sega e dua e bokoca, e na vuku ni kena ca na nomudou i valavala.

Ai Vola Tabu (Vakadewa Makawa Vakavoutaki 2021)

¹² Koi kemudou na lewe-ni-vuvale i Tevita! Sa kaya vakaoqo ko Jiova: “ ‘Dou ia na lewa dodonu e na mataka, ka vakabulai koya sa vakacacani mai na liga i koya sa vakacacana, de lako yani na noqu cudru katakata me vaka na bukawaqa, ka sa waqa tiko, me sega e dua e bokoca, e na vuku ni kena ca na nomudou i valavala.’ ”

AI VOLA TABU

¹² Oi kemudou na mataqali i Tevita, sa vosa vakaoqo ko Jiova; Dou ia na lewa dodonu e na mataka, ka vakabulai koya sa vakacacani mai na liga i koya sa vakacacana, de lako yani, me vaka na buka, na noqu cudru, ka waqa, me sega e dua e bokoca, e na vuku ni ca ni nomudoui valavala.

Vakavakadewa Vou kei na iVola tale eso

¹² Raica me caka na lewa dodonu ena veisiga. Taqomaka na tamata sa vakaisini mai vei koya sa veivakaisini, kevaka o na cakava, na noqu cudru ena waqa me vaka na buka ena sega ni boko rawa.

Ai Vola Tabu Ena Vakavakadewa Vou

¹² Kemuni na kawa i Tevita! Sa kaya vakaoqo ko Jiova: Me ia na lewa dodonu ena veisiga. Me taqomaki na tamata sa vakaisini mai vei koya sa veivakaisini. Kevaka e sega ni vakayacori vakakina, na cala o ni sa kitaka oqo ena vakavuna me waqa na noqu cudru me vaka na buka sa sega ni boko rawa.

Jeremaia 21:12 Iomraidhean Croise

2 Samuela 8:15

A sa nodra tui na Isireli kecega ko Tevita: a sa kitaka na lewa dodonu ko Tevita vei ira kecega na nona tamata.

Jope 29:17

Ka'u a vorolaka na galegaledra na tawa dodonu, Ka kaliraka mai na batidra na ka era kauta tani vakaukauwa.

NA SAME 101:8

Au na vakaoti ira kece tani vakasauri na tamata i valavala ca ni vanua: Me'u muduki ira laivi kecega na daucaka cala mai na koro i Jiova.

Lako Yani 18:13

Ia e na mataka sa tiko ko Mosese me lewai ira na tamata: a ra sa tu e na mata i Mosese na tamata e na mataka ka yacova na yakavi.

Aisea 1:17

vulica na caka vinaka; segata na lewa dodonu, vukei koya sa vakasaurarataki, dou ia na lewa e na vukuna na luveniyali, kei na dautataro e na vuku ni yada.

Aisea 1:31

Ia ko koya sa kaukauwa ena vaka na wa ni cina, kei na nona cakacaka me vaka na lidi ni buka, a rau na kama vata ruarua, ka sega e dua me na bokoca.

Aisea 7:13

Ka sa kaya ko Aisea, Dou rogoca mada na mataqali i Tevita; A ka lailai beka na nomudou vakaocataki ira na tamata, mo dou sa vakaocataki koya talega na noqu Kalou?

Aisea 7:2

A sa tukuni ki na mataqali i Tevita, ka vaka, Sa to vata ko Siria kei Ifireimi. Sa qai yavala na lomana, kei na lomadra na nona tamata, me vaka sa yavala na kau ni veikau ni sa liwa na cagi.

Jeremaia 17:4

Ia ko iko talega, ko na kua so ni tiko e na nomu i tikotiko ka'u a solia vei iko, ia ka'u na lewai iko mo qaravi ira na nomu meca e na vanua ko sa lecava: ni sa dua na buka dou sa tutuvaka e na noqu cudru, ena waqa ka sega ni mudu.

Jeremaia 21:5

Ia ka'u na veivala kei kemudou koi au e na ligaqu sa dodo yani, kei na ligaqu kaukauwa, io e na cudru, kei na lesa, kei na cudru levu.

Jeremaia 23:19

Raica, na covulaca rerevaki i Jiova sa lako yani, io na covulaca rarawa: ena lutu vakararawa sara ki na uludra na tamata ca:

Jeremaia 23:2

O koya sa kaya kina ko Jiova na Kalou ni Isireli vei ira nai vakatawa era sa vakani ira na noqu sipi; Koi kemudou, dou sa vakatolosevi ira na noqu qele ni sipi, ka vakasavi ira tani, ka sega ni la'ki raici ira: raica, au na cudruvi kemudou e na vuku ni ca ni nomudou i valavala, sa kaya ko Jiova.

Jeremaia 23:5

Raica, sa kaya ko Jiova, ena yaco na gauna, ka'u na vakatubura kina vei Tevita e dua na Coke yalododonu, ia ena lewa e dua na Tui ka cakacaka yaco, ena ia ko koya na lewa kei na cakacaka dodonu e vuravura:

Jeremaia 36:7

Era na via vakamamasu beka e na mata i Jiova, ka dui lesu yadua mai na nona sala ca: ni sa levu na cudru kei na lesa sa cavuta ko Jiova me yaco vei ira na tamata oqo.

Jeremaia 4:4

Dou cilivi kemudou mo dou nei Jiova, ka kauta tani na vuso ni yalomudou, koi kemudou na kai Juta kei na lewe i Jerusalemi: de lako yani me vaka na bukawaqa na noqu cudru, ka waqa me sega e dua e bokoca rawa, e na vuku ni kena ca ni nomudou i valavala.

Jeremaia 44:22

Ia sa dredre ni vosota ko Jiova, e na vuku ni ca ni nomudou i valavala, kei na ka vakasisila dou sa cakava; ka sa lala kina na nomudou vanua, ka sa kurabuitaki, ka sa vosavosacati, ka sega e tiko kina, me vaka e na siga oqo.

Jeremaia 5:14

O koya sa kaya kina ko Jiova na Kalou ni lewe vuqa, Ni dou sa cavuta na vosa oqo, raica, ka'u na cakava na noqu vosa e na gusumu me bukawaqa, kei na tamata oqo me ra buka, ia ena kani ira.

Jeremaia 5:28

Era sa yago vinaka mai, era sa lumilumisa; io, era sa uasivi ira na tani e nai valavala ca: era sa sega ni lewa na ka e tagici vei ira, na ka e tagi kina na luveniyali, ia ka ra yaco ga; na ka talega sa dodonu vei ira na dravudravua era sa sega ni lewa kina.

Jeremaia 7:20

O koya sa kaya kina na Turaga ko Jiova; Raica, na noqu cudru, ia na noqu cudru waqawaqa ena sova yani ki na yasana oqo, ki na tamata, kei na manumanu, kei na kau ni vanua, kei na vuata ni vanua; ia ena kama, ka sega ni bokoci.

Jeremaia 7:5

Ia kevaka dou sa vakavinakataka sara na nomudou i tovo kei na nomudou i valavala; kevaka dou sa ia na lewa dodonu e na vukudrau na tamata kei na kai nona;

Lele i Jeremaia 4:11

Sa vakayacora ko Jiova na nona cudru; sa sovaraka na nona cudru katakata, A sa vakawaqaca na buka mai Saioni, ka sa kania na kena yavu.

Isikeli 22:31

O koya oqo ka'u sa sovaraka kina vei ira na noqu cudru; ka'u sa vakarusai ira e na bukawaqa ni noqu cudru: ka'u sa sauma kivei ira na nodra i valavala, sa kaya na Turaga ko Jiova.

Vunau ni Soro 26:28

ka'u na qai valavala vakatani vei kemudou e na cudru rerevaki; ia koi au, ka'u na cudruvi kemudou vakavitu tale, e na vuku ni nomudou i valavala ca:

Neumi 1:6

Ko cei me tiko rawa e na mata ni nona cudru? ia ko cei me vosota rawa ni sa waqawaqa na nona cudru? a nona cudru sa sovaraki yani me vaka na bukawaqa, ia na uluvatu sa talaraka sobu ko koya.

Sefanaia 1:18

Io, na nodra siliva kei na nodra koula ena sega ni vakabulai ira rawa e na siga ni cudru i Jiova; ia ena kania na vanua taucoko na bukawaqa ni nona vuvu: ni na vakidacala sara na nona vakaoti ira laivi na lewe ni vanua.

Sefanaia 3:5

Sa tiko kina ko Jiova na yalododonu; sa sega ni cakava na ka e sega ni dodonu ko koya; e na mataka kecega sa vakarairaitaka na nona lewa dodonu, sa sega ni wele mai ko koya; ia sa sega ni kila na madua ko koya sa sega ni dodonu.

Luke 1:69

A sa vakatubura vei keda e dua na veivakabulai sa vaka na kaukamea, E na mataqali i Tevita na nona tamata;

Roma 13:4

ni sa nona talai na Kalou ko koya vei iko mo vinaka kina. Ia kevaka ko sa caka ca, mo rere ga; ni sa sega ni taura walega nai seleiwau ko koya: ni sa nona talai na Kalou, me cudruvi koya sa caka ca.

Vakarua 32:22

Ni sa vakawaqaci na buka e na noqu cudru, Ena kama talega me yacova na ca-vuni era, Ka kania na vuravura kei na vuana, Ka vakamai ira na vu ni veiulu-ni-vanua.