Jeremaia 21:10 - Vakavakadewa Makawa

¹⁰ ni sa dua tani na mataqu ki na koro oqo me sa ca ga, me kakua ni vinaka, sa kaya ko Jiova: ena soli ga ki na liga i tui Papiloni, ia ena vakama e na bukawaqa ko koya.

Ai Vola Tabu (Vakadewa Makawa Vakavoutaki 2021)

¹⁰ Ni sa duatani na mataqu ki na koro oqo me sa ca ga, me kakua ni vinaka, sa kaya ko Jiova: ena soli ga ki na liga i tui Papiloni, ia ena vakama e na bukawaqa ko koya.’

AI VOLA TABU

¹⁰ niʼu sa vaqara na mataqu ki na koro o qo me ca, me kakua ni vinaka, sa kaya ko Jiova: ki na liga i tui Papiloni ena soli ga kina, ia ena vakama e na buka ko koya.

Vakavakadewa Vou kei na iVola tale eso

¹⁰ Au sa nakita e lomaqu me'u kakua tale ni vakabula na koro oqo, ia me'u vakarusa sara ga. Ena soli ki na ligana na tui Papiloni ka me na vakama yavu.

Ai Vola Tabu Ena Vakavakadewa Vou

¹⁰ Au sa nakita e lomaqu me'u kakua tale ni vakabula na koro levu oqo, ia me'u vakarusa sara ga. Ena soli ki na ligana na tui Papiloni ka me na vakama yavu.

Jeremaia 21:10 Iomraidhean Croise

2 Veigauna 36:19

A ra sa visa na vale ni Kalou, ka talaraka sobu na bai kei Jerusalemi, ka visa na kena veivale vakaturaga kecega e na bukawaqa, ka vakacacataka na kenai yaya vinaka kecega.

NA SAME 34:16

Sa dua tani na mata i Jiova vei ira sai valavala ca, Me bokoca laivi e vuravura na kedrai vakananumi.

Jeremaia 17:27

Ia kevaka dou na sega ni vakarorogo vei au mo dou vakatabuya na siga tabu, ka me kakua ni colata mai nai kaukau, ka curu ki na veimatamata-ni-koro ki Jerusalemi e na siga tabu: ka'u na qai tutuvaka na buka e na kena matamata-ni-koro, ena kania na veivale vakaturaga mai Jerusalemi, ena sega talega ni bokoci.

Jeremaia 26:6

ka'u na qai cakava na vale oqo me vakataki Sailo, ia na koro oqo ka'u na cakava me ka e vosavosacati vei ira na veimatanitu e vuravura.

Jeremaia 33:5

Era sa curu yani me veivaluti kei ira na kai Kalitia, ka me ra vakasinaita na veivale oqo e na yago ni tamata sa mate, ko ira ka'u sa vakamatea e na noqu cudru kei na noqu lesa, ka e na vuku ni nodra i valavala ca kecega ka'u sa vunia kina na mataqu mai na koro oqo.

Jeremaia 34:2

Sa kaya vakaoqo ko Jiova, na Kalou ni Isireli; Mo la'ki kaya vei Setekaia na tui Juta, ka tukuna vua, Sa kaya vakaoqo ko Jiova; Raica, au na solia na koro oqo ki na liga i tui Papiloni, ia ena vakama ko koya e na bukawaqa:

Jeremaia 34:22

Raica, au na vakarota, sa kaya ko Jiova, ka vakalesui ira tale mai ki na koro oqo; ka ra na mai kaba, ka rawa, ka vakama e na bukawaqa; ia na veikoro vaka-Juta ka'u na vakalalataka, me sega e dua e tiko kina.

Jeremaia 38:17

Sa qai kaya vei Setekaia ko Jeremaia, Sa kaya vakaoqo ko Jiova, na Kalou ni lewe vuqa, na Kalou ni Isireli; Kevaka ko ni na lako dina yani vei ira na tamata turaga nei tui Papiloni, ena qai bula na yalomuni, ia na koro oqo ena sega ni vakamai e na bukawaqa; ia ko ni na bula, kei ira talega na nomuni mataqali:

Jeremaia 38:18

ia kevaka ko ni na sega ni lako yani vei ira na tamata turaga nei tui Papiloni, ena qai soli na koro oqo ki na ligadra na kai Kalitia, ka ra na vakama e na bukawaqa, ia koi kemuni ena sega ni dro tani rawa mai na ligadra.

Jeremaia 38:23

Ia era na kauti ira kece na watimuni kei na luvemuni, vei ira na kai Kalitia: koi kemuni talega, ko ni na sega ni dro tani rawa mai na ligadra, ia ena tauri kemuni talega ko tui Papiloni: ia na koro oqo, ko ni na vakavuna na kena vakamai e na bukawaqa.

Jeremaia 38:3

Sa kaya vakaoqo ko Jiova, Ena soli vakaidina na koro oqo ki na liga ni nonai valu ko tui Papiloni, ka ra na rawata.

Jeremaia 39:16

Mo la'ki vosa vei Epeti-meleki na kai Iciopea, ka kaya, Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora na noqu vosa ki na koro oqo me ca, me sega ni vinaka; ia ena yaco ga e matamu e na siga ko ya:

Jeremaia 39:8

Ia ko ira na kai Kalitia era sa vakama e na bukawaqa na vale ni tui, kei na nodra vale na tamata, ka ra sa basuka sobu na bai kei Jerusalemi.

Jeremaia 44:11

O koya sa kaya kina ko Jiova ni lewe vuqa, na nodra Kalou na Isireli; Raica, au na rai yani vei kemudou mo dou ca kina, me'u muduki ira kece talega na Juta.

Jeremaia 44:27

Raica, au na vakaraici ira me ra ca kina, me ra kakua ni vinaka: a ra na vakaoti kece na Juta era tiko e na vanua ko Ijipita e nai seleiwau, kei na viakana, ka me ra oti dina ga.

Jeremaia 52:13

a sa vakama na vale i Jiova, kei na nona vale na tui; kei na vale kece mai Jerusalemi, kei na nodra vale kece na turaga, sa vakama ko koya e na bukawaqa:

Isikeli 15:7

ia ka'u na vaqaqataka na mataqu vei ira me ra ca; era na lako tani mai na dua na bukawaqa, ia na bukawaqa tani ena kani ira; ia dou na kila ni sai au ko Jiova, ni'u sa vaqaqataka na mataqu vei ira me ra ca.

Isikeli 24:11

Me qai toka ni sa lala e na kena qilaiso sa waqa, me katakata, ka kama na kena parasa, ka vakawaicalataki e loma ni kuro na kena duka, me yavu na kena de-ni-kuro.

Vunau ni Soro 17:10

Ia na tamata kecega vei ira na mataqali i Isireli, se na kai tani sa tiko vulagi kei ira, sa kania e dua na dra; ena dua tani kina na mataqu vua na tamata ko ya sa kana dra, ia ka'u na muduki koya tani mai vei ira na kai nona.

Vunau ni Soro 26:17

Ia ka'u na rai vakatani vei kemudou, ia dou na vakamatei e na matadra na nomudou meca: a ra na lewai kemudou ko ira era sa cati kemudou; ia dou na dro ni sa sega e vakasavi kemudou.

Emosi 2:5

ia ka'u na biuta na bukawaqa vei ira na Juta, ka na vakama na veivale vakaturaga mai Jerusalemi.

Emosi 9:4

ia ke ra lako vakabobula e matadra na nodra meca, ka'u na vakarota nai seleiwau ka na vakamatei ira maikea: ia ka'u na wanonovi ira me ra ca kina, ka segai me ra vinaka.

Sakaraia 1:6

Ia na noqu vosa kei na noqu i lesilesi, ka'u a vunautaka vei ira na noqu i talatala na parofita, sa sega ni vauci ira li na nomudou qase? io, era a lesu mai, ka kaya, Me vaka na ka sa nanuma ko Jiova ni lewe vuqa me cakava vei keimami, me vaka na neimami tovo, kei na neimami valavala, sa caka vakakina vei keimami.