Jeremaia 20:18 - Vakavakadewa Makawa

¹⁸ A cava ka'u sa lako mai kina mai na kete me'u kunea na oca kei na rarawa, me oti ga kina na noqu siga e na madua?

Ai Vola Tabu (Vakadewa Makawa Vakavoutaki 2021)

¹⁸ A cava ka'u sa lako mai kina mai na kete me'u kunea na oca kei na rarawa, me vakaoti ga kina na noqu siga e na madua?

AI VOLA TABU

¹⁸ A cava kaʼu sa lako mai kina mai na kete meʼu kunea na oca kei na rarawa, me oti ga kina na noqu siga e na madua?

Vakavakadewa Vou kei na iVola tale eso

¹⁸ A cava beka au a sucu kina? Me'u mai kila ga na rarawa kei na leqa, Ka tinia na noqu bula ena madua?

Ai Vola Tabu Ena Vakavakadewa Vou

¹⁸ A cava beka au a sucu kina? Me'u mai kila ga na rarawa kei na leqa, Ka tinia na noqu bula ena madua?

Jeremaia 20:18 Iomraidhean Croise

1 Tui 19:4

A sa lako tu ko koya ka bogi dua e loma ni veikau, ia ni sa yaco kina sa la'ki tiko sobu e na dua na ruku ni junipa: a sa masu me mate yani ko koya; ka kaya, I Jiova sa rui levu; ni vakaotia ga na noqu bula; ni'u sa sega ni vinaka cake vei ira na noqu qase.

Jope 14:1

A tamata sa sucu maivua na yalewa Sa vica walega na nona siga, ka sa vutu ni rarawa.

Jope 14:13

Mo ni vunitaki au mada e nai bulubulu, Ka tabonaki au, me oti mada na nomuni cudru, Ka lokuca vei au e dua na siga, ka nanumi au!

Jope 3:20

A cava sa soli kina na rarama vei koya sa rarawa, Kei na bula vei koya sa gaga na yalona;

Jope 5:7

A sa sucu ga na tamata me rarawa, Me vaka ni sa dauvuka cake na lidi-ni-buka.

NA SAME 102:3

Ni sa oti wale na noqu siga me vaka na kubou, Ka sa waqa na suiqu me vaka na qilaiso.

NA SAME 69:19

O ni sa kila na ka ka'u sa vosacataki kina, kei na ka ka'u sa vakamaduataki kina, kei na ka ka'u sa vakarogocataki kina: Era tiko kecega e matamuni na noqu meca.

Aisea 1:6

Mai na qeteqete ni yavamu ka cavaraka sara ki na ulumu sa sega kina na tikimu e bula; sa mavoa ga, a sa dabuiloa, a sa bona tikoga: sa sega ni bobo, se viviraki, se lumuti e nai lumu.

Aisea 51:7

Dou vakarorogo vei au, koi kemudou sa kila na yalododonu, na tamata sa tiko e lomamudou na noqu vunau; kakua ni dou rerevaka na nodra vosa ca na tamata, ia ni ra ia na veivakalialiai, kakua ni dou yalolailai kina.

Jeremaia 15:10

Ulei koi au, na tinaqu, ni ko sa vakasucumi au me'u tamata dauveileti ka tamata dauveivala kei vuravura kecega! au a sega ni soli lavo me saumi, ka me levu talega na kenai kere, a sa sega na tamata me cakava vakakina vei au; ia ko ira kece era sa rukaki au.

Jeremaia 15:18

A cava sa sega ni mudu kina na noqu rarawa, kei na noqu mavoa me sega ni bula rawa, ka sa sega ni via bula? ko ni na vaka dina sara beka e dua na daulasu vei au, ka vaka na wai sa yali ga?

Jeremaia 3:25

Keimami sa koto sobu e na neimami madua, ka sa luvuci keimami na kidroa: ni keimami sai valavala ca vei Jiova na neimami Kalou, koi keimami kei ira na neimami qase, mai na gauna keimami a cauravou kina ka yacova na siga oqo, ka sega ni vakarorogo ki na domo i Jiova na neimami Kalou.

Jeremaia 8:18

Ni'u sa via vakacegui au mai na ka rarawa, sa malumalumu ga na yaloqu e lomaqu.

Lele i Jeremaia 1:12

Sa ka wale beka vei kemudou koi kemudou kece sa lako voli yani? Dou mai raica, ka kila se dua na rarawa sa vaka na noqu rarawa, sa caka vei au, Ni sa qai vakararawataki au ko Jiova e na siga ni nona cudru katakata.

Lele i Jeremaia 3:1

Koi au na tamata sa kune ka rarawa e na kuita ni nona cudru.

Apakuki 1:3

A cava ko ni sa vakatakila kina vei au na ca, ka vakaraitaka talega vei au na ka rarawa? ia na veikove kei na veivakacacani sa tu ga e mataqu, a sa ia tiko na veileti, ka sa tubu mai na veivala.

Joni 16:20

E dina, e dina, au sa kaya vei kemudou, Dou na tagi ka tagiyaso, ia ko vuravura ena reki: ena rarawa na lomamudou, ia na rarawa ni lomamudou ena vuki me reki.

Cakacaka 5:41

Ia ni ratou sa lako tani e matadra na mataveilewai, eratou sa reki ni ratou sa yaga me ratou vakacacani e na vuku ni yacana.

2 Timoci 1:12

O koya talega kau sa vosota kina na veika oqo: ia kau sa sega ni madua kina: niu sa kilai koya kau a vakararavi kina, ia kau sa kila dina sara ni sa rawata ko koya me maroroya na ka kau sa solia vua ka yacova na siga ko ya.

Iperiu 10:36

Ni sa yaga vei kemudou na vosota, mo dou cakava na ka sa lewa na Kalou, ka me nomudou kina na ka ka yalataki.

Iperiu 11:36

ia sa vakatovolei eso e na veivakalialiai kei na vakanakuitataki, kei na vesu talega kei na biu ki na vale ni veivesu;

Iperiu 12:2

ka me da vakaraici Jisu, o koya sa vakatekivuna ena sauma talega na noda vakabauta; o koya, e na vuku ni marau sa viritu e matana, sa vosota na kauveilatai, ka sa sega ni madua ni sa vakalialiai kina, a sa qai tiko sobu ko koya e na liga i matau ni tikotiko-vakaturaga ni Kalou.

Iperiu 13:13

E na vuku ni ka oqo me da lako kina kivei koya ki nai bili, ka vosota vata kaya na veivakalialiai.