Jeremaia 2:8 - Vakavakadewa Makawa

⁸ Era sa sega ni kaya na bete, Evei ko Jiova? ko ira talega na vu-ni-vunau era sa sega ni kilai au: ko ira nai vakatawa era sa vuki tani vei au, ko ira talega na parofita era sa daucavuti Peali, ka muria na ka sa sega ni yaga.

Ai Vola Tabu (Vakadewa Makawa Vakavoutaki 2021)

⁸ Era sa sega ni kaya na bete, ‘Evei ko Jiova?’ Ko ira talega na vu-ni-vunau era sa sega ni kilai au; ko ira nai vakatawa era sa vuki tani vei au, ko ira talega na parofita era sa daucavuti Peali, ka muria na ka sa sega ni yaga.

AI VOLA TABU

⁸ Era sa sega ni kaya na bete, Evei ko Jiova? o ira talega na vu-ni-vunau era sa sega ni kilai au: o ira nai vakatawa era sa vuki tani vei au, o ira talega na parofita era sa daucavuti Peali, ka muria ka sa tawa yaga.

Vakavakadewa Vou kei na iVola tale eso

⁸ Era sega sara mada ga ni bau taroga na bete, “E vei o Jiova?” Ka ra sa sega ni kilai au na nodra turaganilewa. Era sa vorati au na nodra i liuliu; Na parofita era parofisai ena yaca i Peali; Ka ra qarava na veikalou tani.

Ai Vola Tabu Ena Vakavakadewa Vou

⁸ Era sega sara mada ga ni bau taroga na bete, “E vei ko Jiova?” Ka ra sa sega ni kilai au na nodra turaganilewa. Era sa vorati au na nodra i liuliu; Na parofita era parofisai ena yaca i Peali; Ka ra qarava na veikalou tani.

Jeremaia 2:8 Iomraidhean Croise

1 Tui 18:22

A sa kaya vei ira na tamata ko Ilaija, Oi au duaduaga, ka'u sa vo tiko na parofita i Jiova; ia na parofita i Peali, era sa le va na drau ka limasagavulu.

1 Tui 18:29

Ia ni sa oti na siga levu, era sa parofisai tiko ka yacova na gauna sa dauvakacabori kina nai soro; a sa sega na domo e rorogo, se dua e vosa mai, se dua e rogoca.

1 Tui 18:40

A sa kaya vei ira ko Ilaija, Ni tauri ira mada na parofita i Peali, me kakua ni dro bula e dua vei ira. A ra sa tauri ira; a sa kauti ira sobu ko Ilaija ki na uciwai ko Kisoni, ka vakamatei ira maikea.

Jope 35:10

Ia sa sega e dua sa kaya, Sa evei na Kalou ka buli au, Ko koya sa solia na sere e na bogi,

Aisea 28:7

Io ko ira talega oqo sa vakacalai ira na waini, ka sa vakasesei ira na yaqona: koi rau na bete kei na parofita, erau sa vakacalai e na yaqona; sa rawai rau na waini; erau sa vakasesei e na yaqona; erau sa cala e na raivotu, erau sa yatayata e na lewa.

Aisea 29:10

Ni sa sovaraka vei kemudou ko Jiova na yalo daumocelutu, ka sa vautabonaka na matamudou: ko ira na parofita, io na ulumudou na rairai, sa puloutaka ko koya.

Aisea 30:5

Ko ira kece, era sa maduataka na lewe ni vanua sa sega ni yaga vei ira, ka sega talega ni veivuke, se ra vinaka kina, sa rawa ga na madua kei na veivakalialiai talega.

Jeremaia 10:21

Ni ra sa yalosese mai ko ira nai vakatawa, ka ra sa sega ni qarai Jiova: o koya oqo era na sega kina ni tamata yaco, ia na nodra qele ni sipi kecega ena dui vakasavi.

Jeremaia 12:10

Ai vakatawa e vuqa era sa vakacacana na noqu were-ni-vaini, era sa butuka sobu na noqu i votavota, era sa cakava na noqu vanua domoni me veikau lala:

Jeremaia 16:19

Kemuni Jiova, na noqu kaukauwa, kei na noqu koro ni valu, kei na noqu i vakaruru e na siga ni rarawa, era na lako mai kivei kemuni ko ira na veimatanitu mai na veiyalayala kei vuravura, ka ra na kaya, E dina, era sa taukena ko ira na neimami qase na ka lasu, kei na ka wale, kei na ka sa sega ni yaga.

Jeremaia 18:18

Era sa qai kaya, Me da mai bukia na vere kei Jeremaia; ni sa sega ni yali na vunau mai vua na bete, se nai vakavuvuli mai vua na vuku, se na vosa mai vua na parofita. Me da mai vakacataki koya e na yameda, ia me da kakua ni vakarorogo ki na dua na nona vosa.

Jeremaia 2:11

Sa dua li na matanitu sa vakaisosomitaka na kena kalou, e na ka sa sega ni kalou? ia ko ira na noqu tamata era sa vakaisosomitaki koya sa nodra i ukuuku e na ka sa sega ni yaga.

Jeremaia 2:6

ka ra sa sega talega ni kaya, Evei ko Jiova ka kauti keda cake mai na vanua ko Ijipita, ka tuberi keda e loma ni veikau, e na vanua liwa lala ka sukusukura, na vanua ni dausiga kei na yaloyalo ni mate, na vanua sa sega e dua e lakova, ka sega na tamata e tiko kina?

Jeremaia 4:22

Ni ra sa lialia na noqu tamata, era sa sega ni kilai au, era sa gone sesewa, ka sa sega vei ira na vuku: era sa ia vaqaseqase nai valavala ca, ia era sa sega ni vuku me ra caka vinaka.

Jeremaia 5:31

ko iratou na parofita eratou sa parofisai vakailasu, ko ira na bete era sa lewa e na vukudratou, ia ko ira na noqu tamata era sa vinakata me vakakina: ia ka cava dou na qai cakava e na kenai tinitini?

Jeremaia 7:8

Raica, dou sa vakararavi ki na vosa lasu, sa sega ni yaga.

Jeremaia 9:14

ka ra sa muria ga na nodra yalokaukauwa, kei ira na Peali, oqori ka vakavulici ira kina ko ira na nodra qase:

Isikeli 22:26

O ira na nona bete era sa vakacataka na noqu vunau, ka vakacacana na noqu ka tabu: era sa vakatautauvatataka na ka sa tabu kei na ka sa sega ni tabu; kei na ka sa sega ni savasava kei na ka sa savasava, ka ra sa tabonaka talega na matadra mai na noqu siga tabu, ia ka'u sa vosavakacacataki vei ira.

Isikeli 34:2

Ko iko na luve ni tamata, mo parofisaitaka na ca vei ira na nodra i vakatawa na Isireli, mo ia na parofisai, ka kaya vei ira, Sa kaya vakaoqo na Turaga ko Jiova vei ira nai vakatawa; Ena ca ko ira na nodra i vakatawa na Isireli era sa vakani ira ga vakataki ira! sa sega li ni dodonu me ra vakania na qele ni sipi ko ira nai vakatawa?

Osea 4:6

Era sa rusa ko ira na noqu tamata ni sa yali vei ira na vuku: ni ko sa biuta na vuku, au na biuti iko talega, mo kakua ni bete tiko vei au: ni ko sa guilecava na vunau ni nomu Kalou, koi au talega, ka'u na guilecavi ira na luvemu.

Apakuki 2:18

A cava na kena yaga na matakau ceuceu sa ceuta na kena matai; na matakau e vakawaicalataki, kei nai vakavuvuli daulasu, me sa vakararavi li na kena matai e na nona cakacaka, ni sa cakava na matakau galu?

Maciu 16:26

Ia ka cava na kena yaga vua na tamata, kevaka e rawati vuravura taucoko, ka vakayalia na yalona? se cava ena solia na tamata mei sau ni yalona?

Luke 11:52

E ca vei kemudou, na vu-ni-vunau! ni dou sa kauta tani nai dola ni ka vuku: dou sa sega ni curu kina koi kemudou, ia dou sa tarovi ira talega era sa curu tiko kina.

Joni 16:3

Ia na veika oqo era na kitaka vei kemudou, ni ra sa sega ni kilai Tamaqu se koi au.

Joni 8:55

ia dou sa sega ni kilai koya, ia kau sa kilai koya koi au; ia kevaka kau sa kaya, Au sa sega ni kilai koya, au na lasulasu ga me vakataki kemudou: ia kau sa kilai koya ga ka vakabauta tikoga na nona vosa.

2 Korinica 4:2

ka keitou sa biuta na veika vuni e veivakamaduataki, a sa sega ni daulawaki na neitou i valavala, se keitou vakatanitaka na vosa ni Kalou; ia ni keitou sa tukuna na ka dina, keitou sa vakadonui keitou kina ki na lomadra na tamata kecega, e na mata ni Kalou.

Vakarua 33:10

Era na vakavulica na nomuni lewa vei ira na Jekope, Kei na nomuni vunau kivei ira na Isireli: Era na viritura e matamuni na ka boi vinaka me vakamai, Kei nai soro e kama taucoko e dela ni nomuni cabocabo-ni-soro.

1 Samuela 12:21

ia mo ni kakua ni lesu tani, mo ni muria kina na ka wale, na ka e sega ni yaga se ia rawa na veivakabulai; ni sa ka wale oqori.

1 Samuela 2:12

Ia sa luve ni vu-ni-ca koi rau na luve i Ilai; erau sa sega ni kilai Jiova.