Jeremaia 2:7 - Vakavakadewa Makawa

⁷ Ia ka'u a kauti kemudou ki na vanua sautu, mo dou kania na vuana kei na kena ka vinaka; ia ni dou sa curu kina, dou sa vakadukadukalitaka na noqu vanua, ia na noqu i votavota dou sa vakasisilataka.

Ai Vola Tabu (Vakadewa Makawa Vakavoutaki 2021)

⁷ Ia ka'u a kauti kemudou ki na vanua sautu, mo dou kania na vuana kei na kena ka vinaka. Ia ni dou sa curu kina, dou sa vakadukadukalitaka na noqu vanua, ia na noqu i votavota dou sa vakasisilataka.

AI VOLA TABU

⁷ Ia kaʼu a kauti kemudou mai ki na vanua sautu, me kania na vuana kei na kena ka vinaka; ia ni dou sa curu kina, dou sa vakadukadukalitaka na noqu vanua, ia na noqui votavota dou sa cakava me ka vakasisila.

Vakavakadewa Vou kei na iVola tale eso

⁷ Au a kauti ira ki na dua na vanua bulabula Me ra matalau ena kania na kena vuata Kei na kena veika vinaka e vuqa. La ni ra sa lako mai Era sa vakacacana na noqu vanua; Ka vakadukadukalitaka na vanua au solia vei ira.

Ai Vola Tabu Ena Vakavakadewa Vou

⁷ Au a kauti ira ki na dua na vanua bulabula Me ra matalau ena kania na kena vuata Kei na kena veika vinaka e vuqa. Ia ni ra sa lako mai, Era sa vakacacana na noqu vanua; Ka vakadukadukalitaka na vanua au solia vei ira.

Jeremaia 2:7 Iomraidhean Croise

Niemaia 9:25

A ra sa kaba na veikoro vakabai, ka ra taukena na vanua qele bula, kei na veivale sa oso e nai yau kecega, nai keli-wai, na veiwere-ni-vaini, kei na veiolive, ka vuqa na kau dauvua: a ra sa kana, ka sa mamau, ka sa levulevu mai, ka marautaki ira e na nomuni loloma levu.

Niemaia 9:26

Ia era sa talaidredre, ka vuki tani, ka biuta ki dakudra na nomuni vunau, ka vakamatei ira na nomuni parofita era vunauci ira me vakalesui ira kivei kemuni, a ra sa kitaka na ka e veivakacudrui vakalevu.

Aisea 19:25

ko koya sa vakalougatataka ko Jiova ni lewe vuqa, ka kaya, Sa kalougata ko Ijipita na noqu tamata, kei Asiria na cakacaka ni ligaqu, kei Isireli na noqu i votavota.

Jeremaia 16:18

Ia ka'u na sauma eliu me rauta vakarua na nodra caka cala kei na nodra i valavala ca; ni ra sa vakadukadukalitaka na noqu vanua e na yago mate ni nodra ka velavela, io ena nodra ka vakasisila era sa vakasinaita kina na noqu i tikotiko.

Jeremaia 3:1

Sa kainaki, Kevaka e dua na tagane sa biuta na watina, a sa lako tani vua, ka sa yaco me nona na tagane tani, ena lesu tale beka vua ko koya na tagane? ena sega beka ni vakadukadukalitaki sara kina na vanua ko ya? ia ko iko ko sa cala kei ira e lewe vuqa; ia mo lesu ga vei au, sa kaya ko Jiova.

Jeremaia 3:2

Mo ta cake ka rai ki na veiyasana cecere, ka raica se dua na tikina dou sega ni veimoceri kina. E na gaunisala ko a waraki ira, me vaka na kai Arepea mai na veikau; ia ko sa vakadukadukalitaka na vanua e na nomu dautagane kei na nomu ca:

Jeremaia 3:9

A sa yaco e na vuku ni sa rogo na nona dautagane, sa vakadukadukalitaka kina na vanua, ka sa ia na dautagane kei na vatu kei na kau.

Jeremaia 32:23

ka ra sa mai curu kina, ka taukena; ia era sa sega ni vakarorogo ki na nomuni vosa, era sa sega talega ni muria na nomuni vunau; era sa sega ni cakava e dua na ka ko ni sa vakarota vei ira me ra cakava: ia ko ni sa vakayacora kina vei ira na ca kecega oqo:

Jeremaia 32:30

Ni ra sa cakava tikoga na ka ca e mataqu ko ira na Isireli kei ira na Juta mai na gauna era sa gone kina: ni ra sa vakacudrui au tikoga e na cakacaka ni ligadra ko ira na Isireli, sa kaya ko Jiova.

Isikeli 20:24

ka ni ra sega ni muria na noqu lewa, ka ra sa beca na noqu vunau, ka ra vakacacana na noqu siga tabu, ka sa goleva na matakau ni nodra qase na matadra.

Isikeli 20:28

Ia ni'u a kauti ira ki na vanua, ka'u a dulaka cake kina na ligaqu me'u solia vei ira, era sa qai raica na veiulu-ni-koro cecere kecega, kei na kau rugurugua kecega, a ra vakacabora maikea na nodra i soro, kei na nodra i madrali talega sa ka ni veivakacudrui: ka ra sa tauca maikea na nodra ka boi vinaka, ka sova maikea na nodra i sevu.

Isikeli 20:6

e na siga ka'u a dulaka cake kina na ligaqu vei ira, me'u kauti ira tani mai na vanua ko Ijipita ki na dua na vanua ka'u a vakaraica me nodra, sa dave kina na wai-ni-sucu kei na oni, na vanua ka uasivi cake e na veivanua kecega:

Isikeli 23:35

O koya oqo sa kaya kina na Turaga ko Jiova; Ni ko sa guilecavi au, ka vakanadakui au, me yaco vei iko na kenai sau ni nomu i valavala velavela kei na nomu dautagane.

Isikeli 36:17

Ko iko na luve ni tamata, ni ra a tiko e na nodra vanua ko ira na matanitu ni Isireli, era sa vakadukadukalitaka e na nodra i tovo kei na nodra i valavala: na nodra i valavala e mataqu sa vaka na nona tawa savasava na yalewa sa tawase.

Osea 9:3

Era na sega ni tiko e na vanua nei Jiova; era na lesu ga ki Ijipita ko ira na Ifireimi, mai Asiria talega era na kania na ka dukadukali.

Maika 2:10

Dou cavu tu, ka lako tani; ni sa sega ni nomudou i vakavakacegu oqo: ni sa vakadukadukalitaki, ena vakarusai kemudou, io, e na veivakarusai rarawa.

Tiko mai na Lekutu 13:27

A ra a tukuna vua, Keitou a lako ki na vanua ko a talai keitou kina; ka sa dina sara sa dave kina na wai-ni-sucu kei na oni; ia oqo na vuana:

Vakarua 21:23

me kakua ni lili tu na yagona e na kau e na bogi, ia mo ni buluta e na siga dina ga ko ya; (ni sa cudruvi maivua na Kalou ko koya sa vakalilici e na kau;) mo ni kakua kina ni vakadukadukalitaka na nomuni vanua, sa solia vei kemuni ko Jiova na nomuni Kalou mo ni taukena.

Vakarua 32:9

Ni sai yau i Jiova ko ira na nona tamata; Na Jekope nai votavota sa taukena ko koya.

Vakarua 6:18

Ia mo ni cakava na ka e dodonu ka vinaka e na mata i Jiova: me yacovi kemuni kina na ka vinaka, ia mo ni yaco kina mo ni taukena na vanua vinaka sa bubului kina ko Jiova vei ira na nomuni qase,