Jeremaia 2:6 - Vakavakadewa Makawa

⁶ ka ra sa sega talega ni kaya, Evei ko Jiova ka kauti keda cake mai na vanua ko Ijipita, ka tuberi keda e loma ni veikau, e na vanua liwa lala ka sukusukura, na vanua ni dausiga kei na yaloyalo ni mate, na vanua sa sega e dua e lakova, ka sega na tamata e tiko kina?

Ai Vola Tabu (Vakadewa Makawa Vakavoutaki 2021)

⁶ Ka ra sa sega talega ni kaya, ‘Evei ko Jiova ka kauti keda cake mai na vanua ko Ijipita, ka tuberi keda e loma ni vanua lala, e na vanua dravuisiga ka sukusukura, na vanua ni dausiga kei na yaloyalo ni mate, na vanua sa sega e dua e lakova, ka sega na tamata e tiko kina?’

AI VOLA TABU

⁶ ka ra sa sega ni kaya, Evei ko Jiova ka kauti keda cake mai na vanua ko Ijipita, ka tuberi keda e loma ni veikau, e na vanua ni talasiga kei nai keli, na vanua ni dausiga kei na yaloyalo ni mate, na vanua sa sega na tamata e lakova, ka sega na tamata e tikora?

Vakavakadewa Vou kei na iVola tale eso

⁶ Era sa sega ni bau kauwaitaki au, Era sega ni bau vakataroga, Sa e vei o Jiova ka a kauti keimami tani Ka liutaki ira mai ena loma ni vanua dravuisiga, Ena vanua veidelana ka sukusukura, Ena vanua dravuisiga, vakadomobula, Na vanua e sega ni bau dau lakovi, Ka sega ni bau dua e tiko kina.

Ai Vola Tabu Ena Vakavakadewa Vou

⁶ Era sa sega ni bau kauwaitaki au, Era sega ni bau vakataroga, Sa e vei ko Jiova ka a kauti keimami tani Ka liutaki ira mai ena loma ni vanua dravuisiga, Ena vanua veidelana ka sukusukura, Ena vanua dravuisiga, vakadomobula, Na vanua e sega ni bau dau lakovi, Ka sega ni bau dua e tiko kina.

Jeremaia 2:6 Iomraidhean Croise

2 Tui 2:14

A sa taura ko koya nai tutuvi i Ilaija ka lutu mai vua, ka yavita kina na wai, a sa kaya, Sa evei ko Jiova na Kalou i Ilaija? Ia ni sa yavita oti na wai ko koya talega, sa tawase vaka ka vaka; a sa lako ki tai kadua ko Ilaisa.

Jope 3:5

Me sa nodrau ga na butobuto kei na yaloyalo ni mate; Me ubia tikoga na o; Me ka rerevaki sara ga na kena butobuto.

Jope 35:10

Ia sa sega e dua sa kaya, Sa evei na Kalou ka buli au, Ko koya sa solia na sere e na bogi,

NA SAME 23:4

Io, kevaka ka'u sa lako e loma ni buca ni yaloyalo ni mate, Ka'u na sega ni rerevaka na ca: ni kemuni sa tiko vata kei au; Ena vakacegui au na nomuni titoko kei na nomuni matanakilagi.

NA SAME 77:5

Au sa vakanananu ki na gauna makawa Kei na veiyabaki makawa sara.

Lako Yani 20:2

Koi au, ko Jiova na nomu Kalou, ko koya ka kauti iko mai na vanua ko Ijipita, mai na vale ni veivakabobulataki.

Aisea 63:9

e na nodra rarawa kecega sa rarawa kina ko koya, ia na agilose sa tiko e matana sa dauvakabulai ira: ni ra sa yalololoma ko koya, ka daulomani ira, sa dauvakabulai ira kina ko koya: ka sa keveti ira, ka kauti ira e na veisiga kece eliu:

Aisea 64:7

ka sa sega e dua sa masuta na yacamuni, se uqeti koya me tauri kemuni: ni kemuni sa tabonaka na matamuni maivei keimami, ka sa vakawaicalataki keimami e na neimami valavala ca.

Jeremaia 13:16

Dou vakarokorokotaki Jiova na nomudou Kalou, ni sa bera ni vakayacora na butobuto, ni sa bera talega ni tarabe na yavamudou e na veiulu-ni-vanua loaloa; ka dou sa yadrava na rarama, ka sa vukica ga ko koya me yaloyalo ni mate, ka cakava me butobuto sara.

Jeremaia 2:2

Mo la'ki tukuna e na daliga i Jerusalemi, ka kaya, Sa kaya vakaoqo ko Jiova; Au sa nanumi iko, kei na nodaru veilomani ni ko sa gone, kei na loloma ni nodaru veimusuki, ni ko a muri au voli e na veikau, e na vanua sa sega ni tei.

Jeremaia 2:8

Era sa sega ni kaya na bete, Evei ko Jiova? ko ira talega na vu-ni-vunau era sa sega ni kilai au: ko ira nai vakatawa era sa vuki tani vei au, ko ira talega na parofita era sa daucavuti Peali, ka muria na ka sa sega ni yaga.

Jeremaia 5:12

Era sa lasutaki Jiova, ka kaya, Sa sega ni ko koya; ena sega ni yacovi keda e dua na ca; eda na sega ni kunea nai seleiwau se na viakana:

Jeremaia 5:2

Ia ke ra sa kaya, Sa bula ko Jiova; ke ra sa bubului vakailasu ga.

Jeremaia 51:43

Sa rusa na kena veikoro, sa vanua dravuisiga ka lekutu mai, na vanua sa sega ni tiko kina e dua na tamata, se lako voli yani kina e dua na luve ni tamata.

Osea 12:13

Ia e na dua na parofita sa kauti ira na Isireli mai Ijipita ko Jiova, e na dua talega na parofita sa vakatawai kina.

Osea 13:4

Ia koi au ga ko Jiova na nomu Kalou mai na vanua ko Ijipita, ia dou na sega ni kila e dua tale na kalou, koi au duaduaga, ni sa sega tale nai vakabula, koi au ga.

Emosi 2:10

Koi au talega, ka'u a kauti kemudou cake mai na vanua ko Ijipita, ka tuberi kemudou e loma ni lekutu ka yabaki vasagavulu, mo dou taukena na nodra vanua na Amoraiti:

Maciu 4:16

Ko ira na tamata ka tiko e na butobuto, Era sa raica na rarama levu; Ia vei ira ka tiko e na vanua ni mate kei na kena yaloyalo Sa cabe cake na rarama.

Vakarua 1:19

Ia eda a tiko mai Orepi, ka lako e loma ni vanua liwa ka rerevaki ko ya, kemuni a raica e na sala ni nodra ulu-ni-vanua na Amoraiti, me vaka ka vakarota vei keda ko Jiova na noda Kalou; ia eda a yaco ki Ketesa-parinea.

Vakarua 32:10

Sa kunei ira ko koya e na vanua sa lala, E na vanua liwa sa levu kina na tagi; Sa kauti ira voli, sa vakavulici ira, Sa maroroi ira me vaka na loa ni matana.

Vakarua 8:2

Ia mo ni nanuma na sala kecega sa kauti kemuni kina ko Jiova na nomuni Kalou, e na vanua liwa, e na yabaki e vasagavulu sa oti oqo, me vakamalumalumutaki kemuni, me vakatovolei kemuni, me kila kina na ka sa tiko e lomamuni, se ko ni na vakabauta na nona vunau, se segai.

Dauveilewai 6:13

A sa kaya vua ko Kitioni, Isa lei, noqu turaga, kevaka sa tiko vata kei keimami ko Jiova, a cava sa yacovi keimami kina na ka kecega oqo? ka sa evei beka na nona cakacaka vakurabui kecega era a tukuna vei keimami ko ira na neimami qase, ni ra kaya, Sa sega li ni kauti keda cake mai Ijipita ko Jiova? ia ka sa qai biuti keimami ko Jiova, ka soli keimami yani ki na ligadra na kai Mitiani.