Jeremaia 2:5 - Vakavakadewa Makawa

⁵ Sa kaya vakaoqo ko Jiova, A caka cala cava era sa kunea vei au ko ira na tamamudou, me ra lako vakayawa tani kina vei au, ka muria na ka wale, ka ra sa sega kina ni yaga?

Ai Vola Tabu (Vakadewa Makawa Vakavoutaki 2021)

⁵ Sa kaya vakaoqo ko Jiova, “A caka cala cava era sa kunea vei au ko ira na tamamudou ka me ra lako vakayawa tani kina vei au, ka muria na ka wale, ka ra sa sega kina ni yaga?

AI VOLA TABU

⁵ Sa vosa vakaoqo ko Jiova, A caka cala cava era sa kunea vei au ko ira na tamamudou, me ra lako vakayawa tani kina vei au, ka muria na ka wale, ka ra sa yaco me tawa yaga?

Vakavakadewa Vou kei na iVola tale eso

⁵ Sa kaya o Jiova: “A cava era raica na nomuni qase ni'u cala kina, Ka vakavuna me ra biuti au? Era qarava na veimatakau tawa yaga Me vaka na tamata yalo wai Ka ra sa mani yaco kina me ra ucui ira.

Ai Vola Tabu Ena Vakavakadewa Vou

⁵ Sa kaya ko Jiova: “A cava era raica na nomuni qase ni'u cala kina, Ka vakavuna me ra biuti au? Era qarava na veimatakau tawa yaga Me vaka na tamata yalo wai Ka ra sa mani yaco kina me ra ucui ira.

Jeremaia 2:5 Iomraidhean Croise

2 Tui 17:15

A ra sa biuta na nonai lesilesi kei na nona veiyalayalati ka ia ko koya kei ira na nodra qase, kei na nona vunau ka vakaroti ira kina; a ra sa muria na ka lialia, ka yaco kina me ra lialia, ka muri ira na veimatanitu sa vakavolivoliti ira, o ira ka vakaroti ira kina ko Jiova, me ra kakua ni cakacaka me vakataki ira.

NA SAME 115:8

O ira era cakava era sa tautauvata kei ira; Kei ira kece talega era sa vakararavi vei ira.

Aisea 29:13

O koya oqo sa kaya kina ko Jiova, Ni ra sa toro voleka vei au ko ira na tamata oqo e na gusudra, a ra sa vakarokorokotaki au e na tebenigusudra; ia na yalodra era sa vakayawataka vei au, kei na nodra rerevaki au sa vunau ga era vulica walega vei ira na tamata;

Aisea 44:9

Ko ira era cakava na matakau ceuceu era sa ka wale kecega; sa sega ni yaga na nodra ka daudomoni; era sa tukuni ira vakataki ira; era sa sega ni rai, se kila rawa, me ra madua kina.

Aisea 46:12

Dou vakarorogo vei au, koi kemudou sa yalokaukauwa, ka sa veiyawaki kei na cakacaka dodonu:

Jeremaia 10:8

Ia era sa yalosese vata ka lialia ga: na kau sai vakavuvuli ni ka lasu:

Jeremaia 12:2

Ko ni sa tei ira, io, sa ti sobu na wakadra: era sa tubu, io, era sa vua: sa voleka koi kemuni e na gusudra, ka yawa ki na lomadra.

Jeremaia 14:22

Sa dua beka na nodra ka lasu na veimatanitu me vakatauca rawa na uca? se sa solia rawa beka na uca ko lomalagi? sai kemuni duaduaga, Jiova, na neimami kalou se segai? o koya keimami na vakararavi kina vei kemuni; ni sai kemuni ga sa cakava na ka kece oqo.

Jeremaia 2:31

Kemudou nai tabatamata, dou kila mada na vosa i Jiova. Ka'u a vaka beka na veikau vei Isireli; se na vanua butobuto loaloa? a cava era sa kaya kina na noqu tamata, Keimami sa veitalia ga; keimami na sega ni lako tale vei iko?

Jeremaia 2:4

Dou rogoca na vosa i Jiova, na mataqali i Jekope, kei na veivuvale kecega ni mataqali i Isireli:

Jeremaia 8:19

Raica, na domo ni nona tagi na goneyalewa ni noqu tamata e na vukudra era tiko e na vanua vakayawa; Sa sega beka ni tiko mai Saioni ko Jiova? sa sega beka ni tiko maikina na nona tui? A cava era sa vakacudrui au kina e na nodra matakau ceuceu, kei na nodra ka lasu na kai tani?

Isikeli 11:15

Ko iko na luve ni tamata, ko ira na wekamu, io na wekamu, na kai nomu dina, kei ira kece sara na mataqali i Isireli, sa ra kaya kina na lewe i Jerusalemi, Dou lako tani vakayawa vei Jiova: ia sa soli ga vei keimami na vanua oqo me keimami taukena.

Isikeli 14:5

me'u taura na mataqali i Isireli e na lomadra ga, ni ra sa yalovakatani vei au ko ira kecega e na vuku ni nodra matakau.

Jona 2:8

O ira era sa dauqarava na ka lasu wale, Era sa biuta na vu ni nodra vinaka.

Maciu 15:8

O ira na tamata oqo era sa vakarokorokotaki au e na gusudra, Ia na yalodra sa yawa tani vei au:

Cakacaka 14:15

ka kaya, Oi kemuni na turaga, a cava ko ni sa kitaka kina na veika oqo? eda sa tamata vata kai tovo vata talega kei kemuni, ia keirau sa vunau vei kemuni mo ni saumaki tani mai na veika oqo sa sega ni yaga, kivei koya na Kalou bula, ko koya ka buli lomalagi, kei vuravura, kei na wasawasa, kei na ka kecega sa tu kina:

Roma 1:21

Io, ni ra sa kila tiko na Kalou, era sa sega ni vakarokorokotaka me vaka sa Kalou, se vakavinavinaka; ia sa lialia mai na nodra nanuma, a sa butobuto mai na yalodra sa sesewa.

Vakarua 32:21

Era sa vakavuvutaki au e na vuku ni ka sa sega ni Kalou; Era sa vakacudrui au e na nodra veika vakailasu: Ia ka'u na vakavuvutaki ira e na vukudra era sega ni noqu tamata: Au na vakacudrui ira e na matanitu sesewa.

1 Samuela 12:21

ia mo ni kakua ni lesu tani, mo ni muria kina na ka wale, na ka e sega ni yaga se ia rawa na veivakabulai; ni sa ka wale oqori.