Jeremaia 2:4 - Vakavakadewa Makawa

⁴ Dou rogoca na vosa i Jiova, na mataqali i Jekope, kei na veivuvale kecega ni mataqali i Isireli:

Ai Vola Tabu (Vakadewa Makawa Vakavoutaki 2021)

⁴ Dou rogoca na vosa i Jiova, na vale i Jekope, kei na veivuvale kecega e na vale i Isireli.

AI VOLA TABU

⁴ Dou rogoca na vosa i Jiova, na mataqali i Jekope, kei na veivale kecega ni mataqali nei Isireli:

Vakavakadewa Vou kei na iVola tale eso

⁴ Ni vakarorogo mada ki na vosa i Jiova Na kawa i Jekope, Na veivuvale kece sara e Isireli.

Ai Vola Tabu Ena Vakavakadewa Vou

⁴ Ni vakarorogo mada ki na vosa i Jiova Na kawa i Jekope, Na veivuvale kece sara e Isireli.

Jeremaia 2:4 Iomraidhean Croise

Jeremaia 10:1

Dou rogoca na vosa sa tukuna ko Jiova vei kemudou na mataqali i Isireli:

Jeremaia 13:15

Dou rogoca, ka vakatu daliga; dou kakua ni viavialevu: ni sa kaya ko Jiova.

Jeremaia 19:3

ka kaya, Dou rogoca na vosa i Jiova, koi kemudou na tui Juta, kei na kai Jerusalemi; Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora na ca ki na tikina oqo, ia ko ira kecega era rogoca, ena qasikanunu kina na daligadra:

Jeremaia 2:3

Sa tabu ko Isireli me nei Jiova, ka sai sevu ni nona vuata; ko ira kece sa vakacacani koya, era na cala; a ca ga ena yacovi ira, sa kaya ko Jiova.

Jeremaia 2:5

Sa kaya vakaoqo ko Jiova, A caka cala cava era sa kunea vei au ko ira na tamamudou, me ra lako vakayawa tani kina vei au, ka muria na ka wale, ka ra sa sega kina ni yaga?

Jeremaia 31:1

Sa kaya talega ko Jiova, e na gauna ko ya, ka'u na qai nodra Kalou na veimataqali kecega ni Isireli, ia era na qai noqu tamata.

Jeremaia 33:24

Ko sa vakananuma, se segai, na ka era vosataka na tamata oqo, ka kaya, Na mataqali ruarua ka digitaka ko Jiova, sa biuta tani ga ko koya? a ra sa beci ira kina na noqu tamata, me ra kakua ni matanitu tiko e matadra.

Jeremaia 34:4

Ia mo rogoca na vosa i Jiova, ko iko Setekaia na tui Juta, Sa kaya vakaoqo ko Jiova e na vukumu, Ko na sega ni mate e nai seleiwau:

Jeremaia 5:21

Dou rogoca mada na ka oqo, koi kemudou na tamata lialia, ka sega ni vuku; sa vakamatana, ka sega ni rai; sa vakadaligana, ka sega ni rogo:

Jeremaia 7:2

Mo tu e na matamata-ni-koro ni vale i Jiova, ka tukuna na vosa oqo, ka kaya, Dou rogoca na vosa i Jiova, na Juta kecega, sa curu ki na matamata-ni-koro oqo me soro vei Jiova.

Osea 4:1

Dou rogoca na vosa i Jiova, koi kemudou na Isireli: ni sa dua na veileti i Jiova kei ira na lewe ni vanua, ni sa sega na vosa dina, se na loloma, ka sa sega ni kilai na Kalou e na vanua.

Maika 6:1

Dou rogoca mada na ka sa kaya ko Jiova, Tu cake mada, mo ia na veilewai e matadra na veiulu-ni-vanua, me ra rogoca talega na domomu na veiulu-ni-koro.