Jeremaia 2:34 - Vakavakadewa Makawa

³⁴ Sa kune talega e na bui ni nomu i sulu na dra ni yalodra era sa sega ni cala ka ra dravudravua: sa segai ni'u sa kelia ka'u sa kunea kina, sa tu ga vei ira kecega oqo.

Ai Vola Tabu (Vakadewa Makawa Vakavoutaki 2021)

³⁴ Sa kune talega e na bui ni nomu i sulu na dra ni yalodra era sa sega ni cala ka ra dravudravua; sa segai ni'u sa kelia ka'u sa kunea kina, sa tu ga vei ira kecega oqo.

AI VOLA TABU

³⁴ e na bui ni nomui sulu talega sa kune kina na dra ni yalodra na tawa cala era dravudravua: sa sega e na vuku niʼu sa kelia kaʼu sa kunea, sa tu ga vei ira kecega o qo.

Vakavakadewa Vou kei na iVola tale eso

³⁴ Sa dukadukali tu na nomu i sulu ena nodra dra na dravudravua kei na yalododonu, na nodra dra era sega ni bau mai butako ena nomu vale. Ia, e veitalia ga na veika kece sara oqo, o sa kaya tikoga,

Ai Vola Tabu Ena Vakavakadewa Vou

³⁴ Sa dukadukali tu na nomu i sulu ena nodra dra na dravudravua kei na yalododonu, na nodra dra era sega ni bau mai butako ena nomu vale. Ia, e veitalia ga na veika kece sara oqo, o sa kaya tikoga,

Jeremaia 2:34 Iomraidhean Croise

2 Tui 21:16

A sa vakadavea talega ko Manasa na kedra dra na lewe vuqa sara era sega ni cala, ka me sinai mada kina ko Jerusalemi e na veiyasana kecega: ia oqo sa kenai kuri ni nonai valavala ca sa vakaivalavalacataki ira kina na Juta, ni ra cakava na ka ca e na mata i Jiova.

2 Tui 24:4

ka e na vuku talega ni dra tawa cala sa vakadavea ko koya: ni sa vakasinaiti Jerusalemi e na dra tawa cala; ia na ka oqo sa sega ni via buluta ko Jiova.

Lako Yani 22:1

Kevaka sa butakoca na pulumokau se na sipi e dua na tamata, ka vakamatea, se volitaka; ena sauma ko koya na pulumokau e dua e na pulumokau e lima, se na sipi e dua e na sipi e va.

Lako Yani 22:2

Kevaka sa kune na butako ni sa basuka tiko na vale, a sa moku mate, ena sega ni tarogi na nona mate:

Aisea 57:5

Koi kemudou dou sa vagaganotaki kemudou kei na matakau e ruku ni kau bulabula kecega, ka sa vakamatei ira na gone e na vanua qiqilo e ruku ni uluvatu.

Aisea 59:3

Ni sa dukadukali na ligamudou e na dra, kei nai qaqalo ni ligamudou e na caka cala; a tebenigusumudou sa vosa lasu; ka sa cavuta na ka ca na yamemudou.

Aisea 59:7

a yavadra sa ciciva na ka ca, ka ra sa kusarawa me ra vakadavea na dra sa sega ni cala; a nodra vakanananu na vakanananu ca; na rusa kei na rarawa sa tu e na nodra sala.

Jeremaia 19:4

ka ni ra sa biuti au, ka ra sa vakacacataka na tikina oqo, ka ra sa vakama kina na ka boi vinaka vei ira na kalou tani, era sega ni kila, se ko ira, se na nodra qase, se ko iratou na tui Juta, ka ra sa vakasinaita na yasana oqo e na kedra dra era sega ni cala;

Jeremaia 2:33

A cava ko sa ia kina nai valavala vakaveiwedevi mo kere loloma kina? ia ko ira talega na yalewa ca ko sa vakavulica e na nomu i valavala:

Jeremaia 6:15

Era sa madua beka ni ra sa kitaka na ka vakasisila? e segai, era sa sega sara ni madua vakalailai, sa sega sara talega ni ra mata madua rawa: o koya oqo era na bale vata kina kei ira sa bale: e na gauna ka'u na cudruvi ira kina era na vakabalei sobu, sa kaya ko Jiova.

Jeremaia 7:31

ka ra sa tara na veitikina cecere mai Tofeci, mai na buca ni luve i Inomi, me ra vakama na luvedra tagane kei na luvedra yalewa e na bukawaqa; na ka ka'u a sega ni vakarota, ka sa sega ni tubu e lomaqu.

Jeremaia 7:6

kevaka dou sa sega ni vakasaurarataki iratou na vulagi, kei na luveniyali, kei na yada, ka sega ni vakadavea na dra e sega ni cala e na yasana oqo, ka sega ni muria na kalou tani mo dou ca kina:

Jeremaia 8:12

Era sa madua beka ni ra sa kitaka na ka vakasisila? e segai, era sa sega sara ni madua, ka sa sega sara talega ni ra mata madua rawa: o koya oqo era na bale vata kina kei ira era sa bale: e na gauna ka'u na cudruvi ira kina, era na vakabalei sobu, sa kaya ko Jiova.

Lele i Jeremaia 1:9

A nona dukadukali sa tauva na bele ni nonai sulu; sa sega ni nanuma ko koya ki na nonai otioti; O koya oqo sa ka ni veivakidacalataki na nona lako sobu: sa sega e dua me vakacegui koya. Mo ni raica, Jiova, na noqu rarawa: ni sa vakalevulevui koya na meca.

Lele i Jeremaia 4:14

Era sa lako sese voli me vaka na mataboko e na sala ni koro, era sa vakadukadukalitaki e na dra, Se tabu kina ni tara na nodra i sulu.

Isikeli 20:31

Ka ni dou sa cabora na nomudou i solisoli, ni dou vakacabori ira na luvemudou e loma ni bukawaqa, dou sa vakadukadukalitaki e na nomudou matakau kecega, ka yacova sara na siga oqo: ia me'u tarogi li koi au vei kemudou, na mataqali i Isireli? Me vaka na dina ni noqu bula, sa kaya na Turaga ko Jiova, au na sega ni tarogi vei kemudou.

Isikeli 22:25

Sa dua na nodra vere na parofita e loma ni koro, me vaka na laioni e tagi ni sa dresulaka na kena; era sa kania na yalo ni tamata; era sa taura nai yau kei na ka talei; era sa vakalevuqataka na kena yada.

Isikeli 23:45

Ia ko ira na tamata yalododonu, era na lewai rau me vaka era lewai ko ira na yalewa dautagane, kei ira na yalewa sa vakadave dra; ni rau sa yalewa dautagane, ka sa tauvi dra talega na ligadrau.

Isikeli 24:7

E na vuku ni kena dra ni sa tu ga vua; sa tauca ko koya e na dela ni vatu; sa sega ni livia ki na qele, me ubia e na kuvu-ni-soso;

Isikeli 9:9

Sa qai kaya vei au ko koya, A nodra caka cala na mataqali i Isireli kei Juta sa ka levu vakaidina sara, ka sa robota na vanua na dra, ia na koro sa sinai tu e na veivakaucacataki: ni ra sa kaya, Sa biuti vuravura ko Jiova, ia sa sega ni raica ko Jiova.