Jeremaia 2:28 - Vakavakadewa Makawa

²⁸ Ia sa evei na nomu kalou ko sa cakava me yaga vei iko? me ra tu cake mai, kevaka era sa vakabulai iko rawa e na gauna ni nomu rarawa: na nomu kalou, ko iko Juta sa tautauvata na kedrai wiliwili kei na nomu veikoro.

Ai Vola Tabu (Vakadewa Makawa Vakavoutaki 2021)

²⁸ Ia sa evei na nomu kalou ko sa cakava me yaga vei iko? Me ra tucake mai, kevaka era sa vakabulai iko rawa e na gauna ni nomu rarawa; na nomu kalou, ko iko Juta, sa tautauvata na kedrai wiliwili kei na nomu veikoro.

AI VOLA TABU

²⁸ Ia sa evei na nomu kalou ko sa cakava mo nomu? me ra tu cake mai, kevaka era vakabulai iko rawa e na gauna ni nomu ca: ni sa levu vata na nomu veikoro kei na nomu kalou, Juta.

Vakavakadewa Vou kei na iVola tale eso

²⁸ Era sa lako kivei na kalou o ni cakava me nomuni? Ni o ni sa leqa, laiva me ra vakabulai kemuni kevaka era rawata. Juta sa rui levu na nomu kalou, me vakataka na levu ni nomu veikoro.

Ai Vola Tabu Ena Vakavakadewa Vou

²⁸ Ia era sa lako evei na veikalou o ni sa cakava me nomuni? Laiva me ra lako mai, ke rawa ni ra vakabulai kemuni, ena nomuni leqa; ni sa rui levu na nomu kalou me vaka na levu ni nomu veikoro, i Juta.

Jeremaia 2:28 Iomraidhean Croise

2 Tui 3:13

A sa kaya vua na tui Isireli ko Ilaisa, A cava vei kedaru? mo lako yani vei ira na parofita i tamamu, kei ira na parofita i tinamu. A sa kaya vei koya na tui Isireli, Me kakua mada; ni sa kacivi iratou vata ko Jiova na tui tolutolu oqo, me soli iratou ki na ligadra na Moapi.

Aisea 45:20

Dou soqoni vata ka lako mai; dou toro voleka mai, koi kemudou na lewe ni veivanua sa dro bula: sa sega na nodra vuku era sa colata na kau ni nodra matakau ceuceu, ka sa masu ki na kalou sa sega ni vakabulai ira rawa.

Aisea 46:2

Erau sa vakalairoro, erau sa cuva sobu vata; erau sa sega ni vakabula rawa nai colacola bibi, a rau sa kau vakabobula lako koi rau.

Aisea 46:7

era sa tauca ki domodra, era sa colata voli; era sa viritura e na kenai tutu, a sa tu ga; ena sega ni lako tani mai na kenai tutu: io, e dua sa na kaci vua, ka sa sega ni rogo mai; se vakabulai koya mai na nona rarawa.

Aisea 57:13

Ni ko sa tagi, me ra qai vakabulai iko ko ira ko sa vakasoqona vata: ena kauti ira kece tani ga na cagi: ia na mudremudre ena kauti ira tani: ia ko koya sa vakararavi vei au ena rawata na vanua, ka na taukena na noqu ulu-ni-vanua tabu.

Jeremaia 1:16

ia ka'u na tukuna na noqu lewa vei ira e na vuku ni nodra ca kecega, era sa biuti au, ka vakama nai madrali boi vinaka ki na kalou tani, ka soro ki na cakacaka ni ligadra.

Jeremaia 11:12

Ena qai lako na veikoro i Juta kei na kai Jerusalemi, ka tagi vei ira na kalou era vakama kina na ka boi vinaka: ia era na sega sara ni vakabulai ira e na gauna ni nodra rarawa.

Jeremaia 11:13

Ni sa tautauvata na kenai wiliwili ni nomu veikoro kei nai wiliwili ni nomu kalou, ko iko Juta; ka sa tautauvata nai wiliwili ni sala ni koro mai Jerusalemi kei nai wiliwili ni cabocabo-ni-soro dou sa vakaduria ki na ka ni veivakamaduataki ko ya, io nai cabocabo-ni-soro me vakama kina na ka boi vinaka vei Peali.

Jeremaia 30:7

Ulei! sa qai dua tani na siga ko ya, sa sega e dua me vakakina: io, sa kena gauna ni rarawa i Jekope: ia ena vakabulai ko koya mai na ka oqo:

Jeremaia 37:19

Ia sa evei na nomudou parofita era sa ia na parofisai vei kemudou, ka kaya, Ena sega ni lako mai na tui Papiloni me vala kei kemudou, kei na vanua oqo?

Osea 10:1

A vaini dautubu wale ko ira na Isireli, sa vuataka ga na vuana me kena: me vaka na kena levu ni vuana, sa ra vakalevutaka vakakina nai cabocabo-ni-soro; me vaka na kena vinaka ni nodra vanua, sa ra cakava na matakau vinaka.

Apakuki 2:18

A cava na kena yaga na matakau ceuceu sa ceuta na kena matai; na matakau e vakawaicalataki, kei nai vakavuvuli daulasu, me sa vakararavi li na kena matai e na nona cakacaka, ni sa cakava na matakau galu?

Apakuki 2:19

Ena ca ko koya ka kaya ki na kau, Mo yadra mai! Ka kaya talega ki na vatu galu, Mo tu cake! Mei vakavuvuli li na ka ko ya? Raica, sa botani e na koula kei na siliva, ia sa sega sara ga e lomana nai cegu.

Vakarua 32:37

Ni na kaya ko koya, Evei na nodra kalou, Na Uluvatu era sa dauvakararavi kina,

Dauveilewai 10:14

Dou la'ki tagi ki na veikalou dou sa digitaka: me ra vakabulai kemudou ko ira e na gauna dou sa vakararawataki kina.