Jeremaia 2:27 - Vakavakadewa Makawa

²⁷ ni ra kaya ki na kau, Ko iko na tamaqu; ki na vatu talega, Ko iko ko a vakasucumi au: ka ni ra sa vakanadaku vei au, ka sega ni vakanamata mai: ia e na gauna ni nodra rarawa era na kaya, Mo ni tu cake mai, ka vakabulai keimami.

Ai Vola Tabu (Vakadewa Makawa Vakavoutaki 2021)

²⁷ ni ra kaya ki na vunikau, ‘Ko iko na tamaqu’, ki na vatu talega, ‘Ko iko ko a vakasucumi au.’ Ka ni ra sa vuki vakanadaku vei au, ka sega ni vakanamata mai. Ia e na gauna ni nodra rarawa era sa kaya, ‘Mo ni tucake mai, ka vakabulai keimami!’

AI VOLA TABU

²⁷ ni ra kaya ki na kau, O iko na tamaqu; ki na vatu talega, O iko ko a vakasucumi au: ka ni ra sa vakanadaku vei au, ka sega ni vakanamata: ia e na gauna ni nodra ca era na kaya, Mo tu cake mai, ka vakabulai keimami.

Vakavakadewa Vou kei na iVola tale eso

²⁷ O cei e kaya ki na dua na vunikau, o iko na tamaqu, ki na dua na vatu, o iko na tinaqu? E yaco na ka oqo baleta ni o ni sa vakanadakui au ka sega ni vakanamata mai. Ia ena gauna ga ni nomuni leqa, o ni sa qai kerei au me'u vakabulai kemuni.

Ai Vola Tabu Ena Vakavakadewa Vou

²⁷ era sa kaya ki na vunikau, “O iko na tamaqu,” ka kaya ki na vatu, “O iko na tinaqu.” Baleta ni o ni sa vakanadakui au, ka sega ni vakanamata mai. Ia ena gauna ni leqa era sa kaya, “Ni lako mai ka vakabulai keimami!”

Jeremaia 2:27 Iomraidhean Croise

2 Veigauna 29:6

Ni ra sa caka cala ko ira na noda qase, ka cakava na ka ca e na mata i Jiova na noda Kalou, a ra sa biuti koya, ka vagolea tani na matadra mai na vale i Jiova, ka vuki vakanadaku.

Aisea 26:16

Kemuni Jiova, ni ra sa rarawa, era sa qai qarai kemuni; era sa sova na masu vuni ni kemuni sa cudruvi ira.

Jeremaia 10:8

Ia era sa yalosese vata ka lialia ga: na kau sai vakavuvuli ni ka lasu:

Jeremaia 18:17

Ka'u na vakatolosevi ira e na mata ni meca me vaka e na cagi mai na tu-i-cake; ka'u na vakanadakui ira e na siga ni nodra rarawa ka sega ni vakanamata vei ira.

Jeremaia 2:24

kei na asa kila sa daulasa mai veikau, sa boiboica na cagi ni sa gagano voli; ni sa via veiyacovi, ko cei me vakalesui koya tani? ko ira kece era qarai koya, era na sega ni via oca wale; ena kena vula, era na qai kunei koya.

Jeremaia 22:23

Ko iko ka tiko mai Lepanoni, ka cakava na nomu i sova e na sitari, ko na ka lomani dina sara ni sa yacovi iko na rarawa, na yaluma me vaka na yalewa sa taratara!

Jeremaia 3:9

A sa yaco e na vuku ni sa rogo na nona dautagane, sa vakadukadukalitaka kina na vanua, ka sa ia na dautagane kei na vatu kei na kau.

Jeremaia 30:7

Ulei! sa qai dua tani na siga ko ya, sa sega e dua me vakakina: io, sa kena gauna ni rarawa i Jekope: ia ena vakabulai ko koya mai na ka oqo:

Jeremaia 32:33

A ra sa vakanadakui au, ka sega ni vakanamata vei au: ia ka'u a vakavulici ira, ka sou e na mataka me'u vakavulica, a ra sa sega ni vakarorogo me ra vakavulici kina:

Jeremaia 37:3

Ia ko Setekaia na tui sa talai Jiukali na luve i Selemaia kei Sefanaia na luve i Meesea na bete vei Jeremaia na parofita, me kaya, Mo masulaki keda mada vei Jiova na noda Kalou.

Jeremaia 42:2

a ra sa kaya vei Jeremaia na parofita, Me vinaka mada na neimami vakamamasu e matamu, ia mo masulaki keimami vei Jiova na nomu Kalou, io koi keimami kecega oqo sa vo tiko; (ni ko sa raici keimami ka lewe lailai sa vo vei ira na lewe vuqa:)

Isikeli 23:35

O koya oqo sa kaya kina na Turaga ko Jiova; Ni ko sa guilecavi au, ka vakanadakui au, me yaco vei iko na kenai sau ni nomu i valavala velavela kei na nomu dautagane.

Isikeli 8:16

A sa kauti au ko koya ki na lomanibai e loma ni vale i Jiova, ka raica, sa tiko mai na mata ni vale i Jiova, e na tadrua ni curucuru kei nai cabocabo-ni-soro, e lewe ruasagavulu ka lima beka na tagane, era sa vakanadaku ki na vale i Jiova, ka vakanamata ki na tu-i-cake; a ra sa cuva ki na mata-ni-siga vaka ki na tu-i-cake.

Taniela 9:7

Sa nomuni, Turaga, na cakacaka dodonu, a sa neimami na mata madua, me vaka e na siga oqo; io koi keimami na kai Juta kei na lewe i Jerusalemi, kei na Isireli kecega, ko ira sa voleka, kei ira sa yawa; e na veivanua kece ko ni sa dui vakasevi ira yani kina, e na vuku ni nodra talaidredre era sa talaidredre kina vei kemuni.

Osea 4:12

A noqu tamata era sa taroga na nodra kau, ia na nodra i titoko sa tukuna vei ira: ni sa vakacalai ira na yalo ni veibutakoci, ia na nodra dauyalewa, sa ra vuki tani kina mai na lewa ni nodra Kalou.

Osea 5:15

Au na la'ki lesu tale ki na noqu tikina, me ra vakatusa mada na nodra ca, ka goleva na mataqu: ni ra sa rarawa, era na qai vakasaqarai au taudonu.

Osea 7:14

Ka ra sa sega ni tagi vei au mai na vu ni lomadra, ni ra qoqolou koto e na nodra i davodavo: e na vuku ga ni sila kei na waini era sa soqoni vata kina, ka ra sa vuki tani vei au.