Jeremaia 2:25 - Vakavakadewa Makawa

²⁵ Me kua mada ni tawa vakaivava na yavamu; ka tarova na nomu i tilotilo, mo kakua ni viagunu: ia ko a kaya, Sa sega vei au nai nuinui: sa segai sara; ni'u a lomani ira na kai tani, ia ka'u na muri ira ga.

Ai Vola Tabu (Vakadewa Makawa Vakavoutaki 2021)

²⁵ Maroroya na yavamu mai na tawa vakaivava kei na nomu i tilotilo mai na viagunu. Ia ko a kaya, ‘Sa sega vei au nai nuinui, sa segai sara; ni'u sa vinakati ira na kai tani, ka'u sa na muri ira ga.’”

AI VOLA TABU

²⁵ Mo tarova na yavamu, me kakua ni tawa vakaivava; kei na nomui tilotilo, me kakua ni viagunu: ia ko a kaya, Sa ka li me yalolailaitaki? sa segai sara; niʼu a lomani ira na ka tani, ia kaʼu na muri ira ga.

Vakavakadewa Vou kei na iVola tale eso

²⁵ Me vakaivava na yavamu Isireli, Mo kakua talega ni karamaca mai. Ia o sa qai kaya, sega, a cava na kena yaga? Au sa vinakati ira na kalou ni kai tani, Ka'u sa na muri ira ga!”

Ai Vola Tabu Ena Vakavakadewa Vou

²⁵ Me kakua ni yavu na yavamu, i Isireli; Se cakava me mamaca na nomu i tilotilo mai na vakacemuri ira na veikalou tani. Ia o sa qai kaya, “Sega! Sa sega ni rawa ni'u vuki lesu. Au sa vinakati ira na kalou tani, Ka'u sa na muri ira ga!”

Jeremaia 2:25 Iomraidhean Croise

2 Veigauna 28:22

Ia e na gauna ni nona rarawa, sa caka cala vakalevu cake vei Jiova: io, ko Easi na tui oqo.

2 Veigauna 28:23

Ni sa vakacaboi soro vei ira na kalou ni Tamasiko, o ira ka yaviti koya: ka sa kaya ko koya, Ni ra sa vukei ira na tui Siria, ko ira na nodra kalou, au na soro kina vei ira, me ra vukei au mai. Ia era sa vu ni nona rusa, kei na nodra rusa talega na Isireli kecega.

Aisea 2:6

Ka ni kemuni a biuti ira na nomuni tamata na mataqali i Jekope, ni sa tawa na nodra vanua e na kai na tu-i-cake, a sa daucaka mana lasu me vakataki ira na kai Filisitia, ia vei ira na luve ni kai tani era sa vutu ni tamata kina.

Aisea 57:10

Ko sa oca e na nomu daulako, ia ko sa sega ni kaya, Au sa oca walega: ko sa qai kunea na kaukauwa ni ligamu; o koya oqo ko sa sega kina ni yalolailai.

Jeremaia 13:21

A cava ko na qai kaya ni sa cudruvi iko ko koya? ni sai iko ga ka vakavulici ira me ra nomu turaga, ka me ra liu: ena sega beka ni tauvi iko na rarawa, me vaka na yalewa sa taratara?

Jeremaia 13:22

Ia kevaka ko sa kaya e lomamu, A cava beka sa yacovi au kina na ka oqo? Ni sa levu na nomu caka cala sa luvati kina na bui ni nomu i sulu, ka dresulaki tani sara mai na bukubuku-ni-yavamu.

Jeremaia 14:10

Sa kaya vakaoqo ko Jiova vei ira na tamata oqo, Sa vaka ga oqo na nodra vinakata me ra lako sese, era sa sega ni tarova na yavadra, ia ko Jiova sa sega kina ni vinakati ira; ena nanuma oqo na nodra caka cala, ka cudruva na nodra i valavala ca.

Jeremaia 18:12

A ra sa kaya, Sa sega sara ni rawa: keimami na muria ga na neimami lewa, ia na nanuma ni lomaimami ca keimami na dui cakava.

Jeremaia 2:31

Kemudou nai tabatamata, dou kila mada na vosa i Jiova. Ka'u a vaka beka na veikau vei Isireli; se na vanua butobuto loaloa? a cava era sa kaya kina na noqu tamata, Keimami sa veitalia ga; keimami na sega ni lako tale vei iko?

Jeremaia 22:20

Mo cabe cake ki Lepanoni, ka tagi; ka tabalaka na domomu mai Pasani, ka tagi mai Aparimi: ni ra sa vakarusai ko ira kecega era a lomani iko.

Jeremaia 22:21

Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Jeremaia 3:13

Me vakatusa ga na nomu caka cala, ko sa talaidredre kina vei Jiova na nomu Kalou, ka sa veibiuyaka na nomu i valavala kei ira na kai tani e na ruku ni kau bulabula kecega, ia dou a sega ni vakarorogo ki na domoqu, sa kaya ko Jiova.

Jeremaia 44:17

ia keimami na cakava sara ga na ka kece sa cavuta na gusu i keimami, ka me keimami vakama nai madrali boi vinaka vua na ranadi ni lomalagi, ka sova vua nai sevu, me vaka keimami sa daucakava, koi keimami, kei ira na neimami qase, kei na neimami tui, kei na neimami turaga, e na veikoro vaka-Juta, kei na sala ni koro ko Jerusalemi: ni keimami sa mamau kina e na kakana, ka bula vinaka, ia keimami sa sega ni raica kina na ka ca:

Lele i Jeremaia 1:2

Sa tagi vakalevu ko koya e na bogi, Sa tiko ga e baluna na wai ni matana; Sa sega e dua vei ira kecega na wekana me vakacegui koya: Ko ira kece na nonai tokani era sa lawakitaki koya, Era sa vuki tale me nona meca.

Lele i Jeremaia 4:4

Sa kakabi na yamena na gone sa sucu tiko ki loma ni gusuna e cake, ni sa viagunu: Ko ira na gone lalai era sa kere madrai, ka sa sega e dovia vei ira.

Isikeli 20:32

Ia na ka sa tubu e na lomamudou ena sega sara ni yaco, ni dou sa kaya, Keimami na vakataki ira na lewe ni veimatanitu tani, kei na veimataqali ni veivanua me keimami qarava na kau kei na vatu.

Osea 2:3

de'u vakaluvawaletaki koya, ka vakavotui koya me vaka e na siga ka sucu kina, ka cakava me vaka na veikau, ka soli koya me tautauvata kei na vanua dravuisiga, ka vakamatei koya e na viagunu.

Osea 2:5

Ni sa ia na dautagane ko tinadra: sa ia nai valavala e veivakamaduataki ko koya ka kunekunetaki ira: ni sa kaya ko koya, Au na muri ira na noqu i tau, era solia mai na qau madrai kei na mequ wai, na noqu vutika ni sipi kei na noqu laino, na noqu waiwai kei na mequ ka ni gunu.

Malakai 3:14

Dou a kaya, Sa sega ni yaga na qarava na Kalou; ia ka cava na betena na noda vakabauta na ka sa lesia ko koya, ka ni da sa lako vakaloloku voli talega e na mata i Jiova ni lewe vuqa?

Luke 15:22

A sa kaya na tamana vei ira na nona tamata, Dou kauta mai nai sulu vinaka sara, ka vakasulumi koya; daramaka talega e dua na mama ki ligana, kei nai vava ki na yavana;

Luke 16:24

A sa kaci, ka kaya, I tamaqu Eparaama, lomani au mai, ka talai Lasarusa, me tonisua na vuso ni nonai qaqalo e na wai, me mai vakabatabatataka na yamequ; ni’u sa vakararawataki e na yameyame ni buka oqo.

Roma 8:24

Ni da sa bula e nai nuinui: ia nai nuinui sa bale ki na ka sa qai raici sa sega ni nuinui dina: ni sa nuitaka vakacava na tamata na ka sa qai raica?

Vakarua 28:48

o koya ko ni na qaravi ira kina na nomuni meca sa tala ko Jiova me vala kei kemuni, ni ko sa viakana, ka viagunu, ka sa luvawale, ka sa dravudravua e na ka kecega: ia era na vauca ki domomuni nai vau kaukamea, ka me vakarusai kemuni mada.

Vakarua 32:16

Era sa vakavuvutaki koya e na ka tani eso, Era sa vakacudrui koya e na ka vakasisila eso.