Jeremaia 2:19 - Vakavakadewa Makawa

¹⁹ Ena kemu kuita na nomu ca, ia na nomu vuki tani ena vunauci iko: mo kila ga ka raica ni sa ka ca ka ka gaga na nomu biuti Jiova na nomu Kalou, ni sa sega talega vei iko na rerevaki au, sa kaya na Turaga ko Jiova ni lewe vuqa.

Ai Vola Tabu (Vakadewa Makawa Vakavoutaki 2021)

¹⁹ Ena kemu kuita na nomu ca, ia na nomu vuki tani ena vunauci iko. Mo kila ga ka raica ni sa ka ca ka gaga na nomu biuti Jiova na nomu Kalou; ni sa sega talega vei iko na rerevaki au, sa kaya na Turaga ko Jiova-ni-lewevuqa.”

AI VOLA TABU

¹⁹ Ena vakanakuitataki iko na nomu ca, ia na nomu vuki tani ena vunauci iko: mo mani kila ka raica ni sa ka ca ka gaga na nomu biuti Jiova na nomu Kalou, ni sa sega talega ni tiko vei iko na rerevaki au, sa kaya na Turaga ko Jiova ni lewe vuqa.

Vakavakadewa Vou kei na iVola tale eso

¹⁹ Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Ai Vola Tabu Ena Vakavakadewa Vou

¹⁹ Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga ko Jiova na Kalou ni lewevuqa.

Jeremaia 2:19 Iomraidhean Croise

1 Tui 18:18

A sa kaya ko koya, Au sa sega ni vakararawataki ira na Isireli; koi kemuni ga, kei na mataqali i tamamuni, ni kemuni sa biuta na vunau i Jiova, ka sa muri ira na Peali.

2 Veigauna 12:5

Sa qai lako ko Semaia na parofita kivei Riopoami, kei ira na turaga ni Juta, era sa soqoni vata ki Jerusalemi e na vuku i Sisaki, a sa kaya vei ira, Sa vosa vakaoqo ko Jiova, Dou sa biuti au, ia ka'u sa biuti kemudou kina ki na liga i Sisaki.

2 Veigauna 21:10

A sa vuki ko ira na kai Itomi me ra kakua ni qali kivei ira na Juta, ka yacova na siga edaidai. Sa qai vuki talega e na gauna ko ya me kakua ni qali vei koya ko Lipina; ni sa biuti Jiova ko koya, na Kalou ni nona qase.

2 Veigauna 25:16

Ia ni sa veivosaki tiko kaya, sa kaya vua, O sa lesi beka mo dua vei ira na lewe ni nona bose na tui? kua so; e na vuku ni cava ko via moku? A sa kua so na parofita, ka sa kaya, Au sa kila ni sa nakita na Kalou me vakarusai kemuni, ni kemuni sa kitaka na ka oqo, ka sega ni vakarorogo ki na noqu vosa.

NA SAME 36:1

Sa kaya e na vu ni yaloqu nai valavala ca ni tamata ca, Ni sa sega vua na rerevaka na Kalou.

Lako Yani 33:6

A ra sa luvata tani na nodra i ukuuku na Isireli, ni ra sa lako mai na ulu-ni-vanua ko Orepi.

Vosavakaibalebale 1:31

O koya era na kania kina na vua ni nodra i valavala, Ka ra na vakamamautaki e na nodra lewa.

Vosavakaibalebale 1:32

Sa nodra lesu tani na yalowai era na mate kina, Kei na nodra sautu na lialia era na rusa kina.

Vosavakaibalebale 5:22

Ena lauti koya na tamata ca na nona caka cala, Ia e nai vau ni nonai valavala ca ena vesu kina ko koya:

Aisea 3:9

Ai rairai ni matadra sa beitaki ira ni ra ca; ia na nodra i valavala ca era sa vakavotuya me vakataki Sotoma, era sa sega ni vunia. Ena ca na yalodra! ni ra sa vakacacani ira vakataki ira ga.

Aisea 5:5

Ia oqo; ka'u na tukuna mada vei kemudou na ka ka'u na cakava ki na noqu were-ni-vaini: au na kauta tani na kena bai soni, ena qai laukana; au na talaraka sobu na kena bai vatu, ena qai buturaki:

Aisea 50:1

Sa kaya vakaoqo ko Jiova: Sa evei nai vola ni veibiu nei tinamu, ka'u sa vakatalai koya kina? se ko cei ka'u sa dinau vua ka'u sa volitaki iko kina. Raica, e na vuku ni nomudou i valavala ca dou sa volitaki kina: e na vuku talega ni nomudou talaidredre sa veibiu kina na tinamudou.

Jeremaia 1:16

ia ka'u na tukuna na noqu lewa vei ira e na vuku ni nodra ca kecega, era sa biuti au, ka vakama nai madrali boi vinaka ki na kalou tani, ka soro ki na cakacaka ni ligadra.

Jeremaia 13:22

Ia kevaka ko sa kaya e lomamu, A cava beka sa yacovi au kina na ka oqo? Ni sa levu na nomu caka cala sa luvati kina na bui ni nomu i sulu, ka dresulaki tani sara mai na bukubuku-ni-yavamu.

Jeremaia 2:17

A ka oqo ko sa vakayacora vei iko, se segai, ni ko sa biuti Jiova na nomu Kalou, ni sa tuberi iko e na sala?

Jeremaia 3:22

Dou lesu mai, na gone sa dauvuki, ka'u na buluta na nomudou dauvuki. Mo ni raica, keimami sa lako mai vei kemuni; ni sai kemuni ko Jiova na neimami Kalou.

Jeremaia 4:18

A nomu i valavala kei na nomu cakacaka sa vakayacora na ka oqo vei iko; oqo na nomu caka ca ga, ka sa gaga sara, sa lau sara ki na vu ni yalomu.

Jeremaia 5:22

dou sa sega beka ni rerevaki au? sa kaya ko Jiova: dou na sega beka ni sautaninini e mataqu, ka'u sa yalana na waitui e na nuku me sa sega ni sivia e na dua nai lesilesi e sega ni mudu: ia ke sa vakauaua, ke sa sega ni gumatua rawa; ke sa vadugu, ke sa sega ni sivia mai?

Jeremaia 5:24

A ra sa sega ni kaya e lomadra, Me da rerevaki Jiova mada na noda Kalou, o koya sa solia mai na uca, na uca taumada kei na uca taumuri, e na kena gauna: o koya sa lesia na vula i kelikeli ka vakadeitaka vei keda:

Jeremaia 5:6

O koya oqo ena vakamatei ira e dua na laioni mai veikau, na wolifa ni lekutu ena vakacacani ira, e dua na lepate ena yadrava na nodra veikoro: ko ira kecega era sa lako ki nai bili era na basuraki: ni sa ka levu na nodra talaidredre, ka sa tubu tiko na nodra dauvuki.

Jeremaia 7:19

Era sa vakacudrui au li? sa kaya ko Jiova, Era sa sega li ni vakacudrui ira vakataki ira ga me ra madua kina?

Jeremaia 8:5

A cava beka era sa qai vuki tani kina na kai Jerusalemi oqo e na dauvuki sa sega ni mudu? era taura matua na ka lasu, era bese ni lesu mai.

Isikeli 23:30

Au na cakava vei iko na ka oqo, ni ko sa muri ira na veimatanitu tani, mo dautagane vata kei ira ka ko sa vakadukadukalitaki e na nodra matakau.

Isikeli 39:24

Me vaka na nodra sega ni yalosavasava kei na nodra talaidredre ka'u a cakacaka vakakina vei ira, ka tabonaka vei ira na mataqu.

Osea 11:7

Ia na noqu tamata era sa gu ga me ra vuki tani vei au: ni ra kacivi ira me ra lako mai vua sa Cecere, ia sa sega e dua sa vakacaucautaki koya.

Osea 13:9

Ko iko ga Isireli, ko sa vu ni nomu rusa; ia sa vu ga vei au na nomu i vukevuke.

Osea 14:1

Ko iko na Isireli, mo lesu mada vei Jiova na nomu Kalou; ni ko sa bale e na nomu caka cala.

Osea 4:16

Me vaka sa daubese na pulumokau, sa ra daubese vakakina na Isireli: Ia oqo ena vakani ira ko Jiova me vaka na lami e na yasana rabailevu.

Osea 5:5

Ia na nodra viavialevu na Isireli sa tukuni ira e na matanavotu: o koya oqo, era na bale kina e na nodra caka cala ko ira na Isireli kei ira na Ifireimi; ko ira na Juta era na bale vata talega kei ira.

Osea 7:2

A ra sa sega ni kaya e lomadra ni ka'u sa nanuma tiko na nodra ca kece: sa qai vakavolivoliti ira na nodra i valavala: sa tu ga e mataqu.

Osea 9:1

Dou kakua ni marau, na Isireli, e na reki levu, me vakataki ira na veimataqali: ni dou sa la'ki dautagane ka sa laiva na nomudou Kalou, dou a vinakata na kemui sau e na rara ni sila kecega.

Emosi 8:10

au na vukica talega na nomudou so levu me soqoni ni tagi, kei na nomudou sere kecega ena vuki me lele; ia ka'u na lewa mo dou sulumaka nai sulu taga, ka na cou mai na ulumudou kecega ia ka'u na cakava na ka oqori me tautauvata kei na so mate sa ia e na vuku ni gone tagane sa dua bauga, kei na kenai otioti me tautauvata kei na dua na siga rarawa sara.

Maika 1:5

Sa yaco na ka kecega oqo ni sa talaidredre ko Jekope, io, e na vuku ni nodra i valavala ca na mataqali i Isireli. A cava na nodra talaidredre na Jekope? ko Samaria, se segai? a cava talega na nodra veiyasana cecere na Juta? ko Jerusalemi, se segai?

Sakaraia 7:11

A ra sa bese ga ni vakarorogo, ka ra vuki vakanadaku, ka ra sogota na daligadra, me ra kakua ni rogoca.

Roma 3:18

Sa segai vei ira na rerevaka na Kalou.

Dauveilewai 10:13

Ia dou sa biuti au ga, ka qaravi ira na kalou tani; o koya ka'u na sega kina ni vakabulai kemudou tale.